Փափազյան փողոցի աղբը չեն հավաքում, իսկ բերված սևահողի համար՝ տուգանում .
Վահրամ Փափազյան փողոցից դեպի հրազդանի կիրճ իջնող ճանապարհի սկզբին, մարդկանց «ողջունում է» աղբամանախումբը: Մի քանի օր չհավաքված աղբն այստեղ հոտում է և տարածում գարշահոտություն:
Այս տեղից ընդամենը 200 մետր հեռավորության վրա է գտնվում Արամ Մարգարյանի և նրա ընկերների համառ ջանքերի և անձնական ներդրումների գնով պատրաստված մատուռը: «Մատուռը և հարակից տարածքը ամբողջովին բարեկարգել ենք մեր ջանքերով, առանց վարչական շրջանի ղեկավարության աջակցության:
Էլ կոտրված զուգարանակոնք, էլ շինարարական և կենցաղային աղբ, էլ թունավոր և վնասակար նյութեր, ինչ ասես այս տարածքներից հանել ենք և տարել ինքնուրույն: Ունենք նաև այդ ամենը վկայող տեսագրություններ, որ հարկ եղած դեպքում, կարող ենք ցույց տալ և ապավուցել», 4news.am -ի թղթակցի հետ զրույցում նշեց Արամ Մարգարյանը`ահազանգելով, որ այդ ամենից հետո էլ, անձնվիրաբար իր ընկերների հետ շարունակում է բարենորգման աշխատանքները:
Սակայն բախվել է հերթական խնդրին` Արաբկիր վարչական շրջանի աշխատողները, «դանոսի» հիման վրա, հայտնաբերել են, մատուռի դիմացի տարածքում գտնվող ավտոկայանատեղիի տարածքը բարելավելու նպատակով, սևահող բերած բեռնատարի վարորդին և տուգանել` 30000 դրամով:
«Մենք չենք պատրաստում մուծել այդ տուգանքը, քանի որ այստեղ աղբ չկա, մենք տարածքը մեր ուժերով բարեկարգելու նպատակով, բերել ենք մի փոքր սևահող: Հենց համայնքապետարանն էլ թող մուծի իր սահմանած տուգանքը Մեզ չեն օգնում, դե թող գոնե չխանգարեն»:
4news.am-ի հարցին, թե չի՞ Փորձել արդյոք Արամ Մարգարյանը կապ հաստատել Արաբկիր վարչական շրջանի ղեկավարության հետ և խնդիրը հարթել բանակցելով, Արամը նշեց, որ նա եղել է Արաբկիրի թաղապետարանում, սակայն նրան այնտեղ չեն ընդունել, պատճառաբանելով, որ քաղաքացիների ընդունելության օր չէ:
Արամ Մարգարյանի հետ եղանք նաև մատուռից քիչ հեռու գտնվող Փափազյան փողոցի նրբանցքի և Մալխասյանց փողոցի խաչմերուկում, որտեղ գտնվում է Արամի և նրա ընկերների կողմից բարեկարգված ևս մեկ տարած:
Տեղադրված էին նստարաններ, խաչքարեր, ցայտաղբյուր, տնկված էին նոր ծառեր, որից քիչ հեռու, գտնվում էր ևս մեկ բուրավետ աղբակույտ…:
