Սանասարյանի պաշտպանների հայտարարությունները կարող են մեկնաբանվել որպես հաղորդում հանցագործության մասին. Արթուր Վանեցյան

Ես որևէ ազդեցություն չունեմ նախաքննության վրա, առավել ևս դատարանի վրա: Եթե հայտարարություններով գնահատենք, ապա իմ հայտարարություններն իրենց արածի դիմաց ոչ մի բան են:

«Ազատություն» ռադիոկայանի այն հարցին, թե Դավիթ Սանասարյանի պաշտպանները հայտարարում են, որ ԱԱԾ տնօրենի հայտարարությունների պատճառով չեն կարողանում իրենց պաշտպանությունն իրականացնել, այսպես պատասխանեց ՀՀ ԱԱԾ տնօրեն Արթուր Վանեցյանը:

Նա նշեց, որ Սանասարյանի պաշտպաններն իրենք անում են հայտարարություններ, որոնք կարող են մեկնաբանվել որպես հանցագործության մասին հաղորդում. «Այսինքն՝ հայտարարում են՝ գործը շինծու է, գործը կարված է: Եթե այդ մարդիկ այդքան վստահ են իրենց հայտարարությունների մեջ, ապա խորհուրդ եմ տալիս դիմել գլխավոր դատախազին կամ ՀՔԾ, որ ԱԱԾ-ի աշխատակիցների նկատմամբ հարուցվի քրեական գործ:

Ես խորհուրդ եմ տալիս և խնդրում եմ այդպիսի մարդկանց, որոնք նմանատիպ հայտարարություններ են անում, դիմել իրավապահ մարմիններին, որ մեր նկատմամբ հարուցվի քրեական գործ»:

Դիտարկմանը, թե իրենք նշում են, որ նմանատիպ հայտարարություններն արդեն ցույց են տալիս, որ գործը ձևական է, Վանեցյանը պատասխանեց. «Այսօր Հայաստանում ԱԱԾ տնօրենն այն մարդը չէ, որ կարող է ապօրինի ազդեցություն ունենալ այլ իրավապահ մարմինների վրա: Ես, մեր ծառայությունն անում ենք մեր գործը, և այն, ինչ անում ենք, անում ենք մեր երկրի անվտանգության համար, իմ գնահատմամբ՝ բավականին դրական արդյունքներ ունենք»:

Աղբյուրը՝ Tert.am

150.000.000.000 դրամի կորուստ կառավարության անպատասխանատու արարքների պատճառով

24.03.2020

«Եվս մեկ հիշեցում Հռոմի Պապից քաջատեղյակ, բայց սեփական երկրի հոգևոր առաջնորդից բացարձակ անտեղյակ պատգամավորին».Անի Մարգարյանը`Սերգեյ Բագրատյանին

25.03.2020

Վավերագրական ֆիլմ Սերժ Սարգսյանի մասին

28.03.2020

Արարատի մարզում կորոնավիրուսը տարածվել է ծննդատան միջոցով.yerevan.today

26.03.2020

«Երկրի հերը անիծողը զարմանում է թե ,ո՞նց կարող է մարդը 40հզ դրամով ապրել».Հովհաննես Խաչատրյան

27.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով