«Չգիտեի «Victoria’s Secret»-ի շոուի մեկնաբանությո՞ւնն եմ լսում՝ «տրուսիկ-մայկաներով», թե՞ Հայաստանի ղեկավարի ասուլիս». Հայկ Մամիջանյանը՝ վարչապետի ասուլիսի մասին. 168.am

«Վարչապետ Նիկոլ Փաշինյանի ասուլիսը դիտելիս չգիտեի՝ «Victoria’s Secret»-ի շոուի մեկնաբանությո՞ւնն եմ լսում՝ «տրուսիկ-մայկաներով», թե՞ Հայաստանի ղեկավարի ասուլիս։ Ամբողջ ասուլիսում երկու թեմա կար՝ «տրուսիկ-մայկա» և Հանրապետական կուսակցություն, որը, ըստ նրա, գոյություն չունի: Բա որ գոյություն չունի, ինչո՞ւ են ասուլիսի կեսը նվիրում մեզ։ Ի դեպ, այդ տենդերը, որով փոփոխվել է բանակում ներքնազգեստների մատակարարումը, ստորագրվել է 2018 թվականի փետրվարին՝ Պաշտպանության նախկին նախարար Վիգեն Սարգսյանի ժամանակ։ Այսինքն՝ վարչապետի ասուլիսի 80 տոկոսի կեսը մեր արածի ներկայացումն էր»,- այսօր լրագրողների հետ հանդիպմանը նշեց Հանրապետական կուսակցության երիտասարդական կազմակերպության նախագահ Հայկ Մամիջանյանը։

Նրա խոսքով՝ վարչապետ Փաշինյանը շատ է խոսում այն մասին, որ քաղաքացիների երջանկության ցուցիչն ամենակարևորն է իր համար, գուցե դրա՞ համար է Առողջապահության նախարար նշանակել մի մարդու, ով ասում է, որ Հայաստանն այն երկրներից է, որի վրա պետք է դեղերի փորձարկում անեն, կամ ԵԿՄ նախագահ է դառնում նրա թիմակիցներից մեկը, ով ասում է, թե պայմանագրային զինծառայողներ են դառնում այն մարդիկ, որոնք խմիչքի հետ սեր ունեն։

«Երբ Փաշինյանն իր ասուլիսի ժամանակ խոսեց իր և Ալիևի ուղիղ կապի մասին, նշեց, թե տեղեկություն կա, որ երկուստեք մեղադրանքներ ու վիրավորանքներ կան, ավելին՝ պետք է տեղեկություն փոխանակեն և պարզեն, թե կողմերից ով է ապակայունացնում վիճակը։ Չեմ հասկանում՝ վարչապետը Մինսկի խմբի նոր համանախագա՞հ է, կարո՞ղ է մի օր էլ Ադրբեջանի կողմից տեղեկություն ստանան, որ ազատագրված տարածքները պետք է հանձնեն։ Սա Հայաստանի ղեկավարի խո՞սք է։ Գնալով պարոն Փաշինյանն այնպես է անում, որ մենք համոզվենք, որ  #SutNikol հեշթեգը ճիշտ է»,- շեշտեց Հ. Մամիջանյանը։

Նրա բնորոշմամբ՝ այսօրվա պաշտոնյաներից շատերը չեն գիտակցում, թե ինչ պաշտոն են զբաղեցնում, ուստի նրանց խորհուրդ է տալիս ամեն առավոտյան վարչապետի նշած «տրուսիկ-մայկայով» կանգնել հայելու դիմաց ու կրկնել, որ պատգամավոր են, նախարար կամ այլ պաշտոնյա։

Մանրամասները՝ 168.am-ի տեսանյութում

«Նուբար Աֆեյանի ընկերության արտադրած պատվաստանյութն անվանել է ՄԱՀ՝ վստահեցնելով, որ պատվաստումներից հետո ժամանակի ընթացքում մարդկանց մոտ առաջանալու են քաղցկեղային հիվանդություններ».Վահե Աղաջանյան

03.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

ՀՀԿ-ն մտնում է քաղաքական ակտիվության նոր փուլ

03.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով