Ձեզ բնորոշ հարմարվողականությամբ զեկուցում էիք երկրի ապագայի համար անթույլատրելին․ Արփինե Հովհաննիսյանը՝ փոխնախարարին

ԱԺ նախկին փոխնախագահ  Արփինե Հովհաննիսյանը  անդրադարձել է «Անցումային արդարադատության գործիքների կիրառման հեռանկարները Հայաստանում» խորագրով ԱԺ լսումների ժամանակ միջազգային փորձագետ Ռուբեն Կարանզայի, արդարադատության նախարարի ու տեղակալի ելույթներին:

«Միջազգային «փորձագետ» Ռուբեն Կարանզայի եւ անցումային արդարադատության հայրենի ջատագով արդարադատության նախարարի ու տեղակալի մասին

Երեկ մեր հասարակական կազմակերպությունը ներկայացրել էր փաստեր, որոնք բարձրացնում էին հարցեր անցումային արդարադատության միջազգային փորձագետի անաչառության վերաբերյալ։ Շնորհակալ եմ այն լրագրողներին, ովքեր այսօր խորհրդարանում մեր բարձրացրած հարցերը ուղղեցին փորձագետին։ Ու թեեւ նախագահողի թեթեւ ձեռքով Ռուբեն Կարանզան ազատվեց ամենակարեւոր հարցերին պատասխանելու բեռից, սակայն նույնիսկ կիսատ-պռատ պատասխանները արդեն իսկ խոսուն են։ Եվ ուրեմն՝

• Փորձագետը առանց մի վայրկյան վարանելու կարող է պիտակել այս կամ այն պետություն ավտորիտար՝ առանց ձեռքի տակ ունենալու հստակ չափանիշներ,

• Այդպես էլ չիմացանք Հայաստանի եւ օրինակ Քենիայի կամ Գանայի միջեւ կապը,

• Տվեք պարոն Կարանզային երկիր մոլորակի վրա ցանկացած պետություն, եւ նա կհիմնավորի, որ այդ երկրում անհրաժեշտ է անցումային արդարադատություն։

Ահա այն ամենը, ինչ պետք է իմանալ փորձագետի եւ անցումային արդարադատության վերաբերյալ իշխանության պատկերացումների մասին։

Հ.Գ.Պետք է արժանին մատուցել արդարադատության նախարար Արտակ Զեյնալյանին։ Նրա բնավորության մաս կազմող խուսափողականությունը այսօր նրան փրկեց անցումային արդարադատություն պաշտպանող նախարարի խարանից, սակայն այդ խարանն ընդմիշտ կմնա հարցը զեկուցող արդարադատության նախարարի տեղակալի վրա։

Եթե ես կարող եմ հասկանալ հասուն տարիքի հասած վճարվող փորձագետի ավյունը, ապա ոչ մի կերպ չեմ հասկանա երիտասարդ եւ այս երկրում հետագայում եւս պրոֆեսիոնալ կարիերայի հավակնող երբեմնի խոստումնալից իրավաբանին։ Անկեղծորեն ափսոսում եմ, քանզի Ձեր պատասխանատվությունը թե ամենածանր է եւ թե այդպիսին է լինելու, որովհետեւ գեղեցիկ բառամթերքով, սահուն նախադասություններով, արտաքուստ պրոֆեսիոնալիզմ հիշեցնող ձեւակերպումներով եւ Ձեզ մշտապես բնորոշ հարմարվողականությամբ զեկուցում էիք երկրի ապագայի համար անթույլատրելին։

Հիասթափությունս նաեւ այն է, որ բարեփոխումների փոխարեն փոխնախարարը առաջ էր մղում մի ինստիտուտ, որն ուղղակիորեն հարվածելու է ոչ միայն մեր երկրի քաղաքական, իրավական համակարգին, այլ տնտեսությանը, քանի որ այն բոլոր երկրներում, որտեղ իրականացվել է անցումային արդարադատություն կտրուկ նվազել են ներդրումները մի պարզ պատճառով. ներդրումները պահանջում են կայուն դատաիրավական համակարգ, ոչ թե վեթինգի վախով ապրող դատավորներ։

Հ.Գ. Կարծում եմ` հաջորդիվ նույն կերպ կարելի է հիմնավորել Հայաստանում ժառանգական միապետություն հաստատելու անհրաժեշտությունը եւ դրա գայթակղիչ լինելը»,- ասված է նրա գրառման մեջ։

Հիշեցնենք, որ այսօր՝ մայիսի 24-ին, Հայաստանի Ազգային ժողովի նիստերի դահլիճում ԱԺ նախագահ Արարատ Միրզոյանի նախաձեռնությամբ հրավիրվել էին խորհրդարանական լսումներ` «Անցումային արդարադատության գործիքների կիրառման հեռանկարները Հայաստանում» խորագրով:

Ես նաև կողմնակի ապացույցներ ունեմ, որ Արարատ Միրզոյանը իսկապես Թուրքիայի ագենտ է. Վահան Բադասյան.armdaily.am

19.01.2021

Սահմռկեցուցիչ դեպք. անհայտ անձինք քանդել են Մանվել Գրիգորյանի գերեզմանն ու հանել դին.ARM24.net

19.01.2021

«Այնքան տականք ես ու ողորմելի, որ քեզ թշնամին կհրաժարվի դատել».Արշակ Սարգսյան

20.01.2021

Ն.Փ.-ն հավաքագրվել է բրիտանական հատուկ ծառայության՝ MI 6-ի կողմից, ծածկանունը՝ «Խմբագիր». ArmVoice

24.01.2021

«Եթե այս ամենից հետո ինչ-որ մեկը կասկածներ ունի այս իշխանության եւ նիկոլիկի մահաբեր լինելու մասին, թող գնա եւ գլուխը պատին տա».Մարգարիտ Եսայան

19.01.2021

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով