Լեգենդար հրամանատար Արկադի Տեր-Թադևոսյանն այսօր 80 տարեկան է

«Ռազմական տեսանկյունից մենք պատրաստ չէինք, և Վազգեն Սարգսյանն ասաց, որ շտապել պետք չէ, բայց Շուշին պետք էր ազատագրել: Այդ ժամանակ ես խոստացա նրան, որ եթե մենք գրավենք Շուշին, ապա լեռներում կկազմակերպենք նրա հարսանիքը: Այդպես առաջացավ օպերացիայի` «Հարսանիք լեռներում» անվանումը». մի առիթով հիշել է Արցախի հերոս Արկադի Տեր-Թադևոսյանը՝ Կոմանդոսը:

Այսօր՝ մայիսի 22-ին, նրա ծննդյան օրն է: Կոմանդոսը ծնվել է 1939 թ. մայիսի 22-ին Վրաստանի մայրաքաղաք Թբիլիսիում: 1988-ից նա միացել է Ղարաբաղի ազատագրման պայքարին և ակտիվ մասնակցություն ունեցել կամավորականների զինվորական մարզման գործում։ Նրա ռազմավարությամբ ու հրամանատարությամբ է ազատագրվել Շուշին:

Կոմանդոսը, որը Հայաստան գալուց առաջ ծառայել է Աֆղանստանում, Գերմանիայում, Չեխոսլովակիայում, Բելոռուսիայում, Երևան է եկել և աշխատել գյուղատնտեսական ակադեմիայում որպես դասախոս:

Կոմանդոսն ակտիվ կերպով չի մասնակցել ազգային շարժմանը, բայց փոխարենը մասնակցել է մարտական գործողություններին: «1990-ին Ադրբեջանը քարտեզ հրապարակեց, որում երկրի կազմում ընդգրկված էին Զանգեզուրը և Սևանի կեսը: Հայրենիքը վտանգի մեջ էր, իսկ յուրաքանչյուր հայի պարտքը, անկախ նրանից, թե ինչ դիրքորոշման է հարում, իր հայրենիքը պաշտպանելն է»,- ասել է Արկադի Տեր-Թադևոսյանը:

Մի հարցազրույցի ժամանակ էլ հերոսը նշել է. «Ես շատ կուզեի ուրախանալ իմ զինվորների հետ, բայց, ցավոք սրտի, օրգանիզմս չէր դիմանում: Ես միայն երեկոյան գիտակցեցի` ինչ է նշանակում գրավել Շուշին:

Ես չգիտեի` ինչ անել. ասե՞լ մարդկանց, թե՞ ոչ, քաղաքում ականներ են, իմ մարդիկ կարող են զոհվել, և ինքս ինձ հետ պայքարեցի մինչև առավոտյան ժամը 8-ը…»:

…..

Արկադի-Տեր Թադևոսյանը ծնվել է 1939 թ. մայիսի 22-ին, Վրաստանի Խորհրդային Հանրապետության Թբիլիսի քաղաքում: 1962թ. ավարտել է Բաքվի զինվորական ուսումնարանը: 1972թ. ավարտել է Լենինգրադի ռազմական ակադեմիան:

Եղել է ռազմական գործիչ, Ղարաբաղյան պատերազմի հրամանատարներից: 1962-1990թթ.` ծառայել է Լենինականում, Գերմանիայում, Չեխոսլովակիայում, Աֆղանստանում, Բելառուսում, Երևանում տեղակայված ԽՍՀՄ զորախմբերում:

1988-ից ակտիվ մասնակցություն է ունեցել աշխարհազորայինների ուսուցման և պատրաստման գործընթացում: 1990թ. մայիսին զինվորագրվել է «Սասունցի Դավիթ» կամավորական ջոկատին: 1991թ. մայիսի 6-ին նշանակվել է ՀՀ կառավարությանն առընթեր ստեղծված Պաշտպանության կոմիտեի արտազորային պատրաստության բաժնի պետ: 1991թ. հուլիսի 13-ին ԼՂ ինքնապաշտպանական ուժերի գործունեությունը համակարգելու և կամավորականներին ռազմական գործ ուսուցանելու նպատակով գործուղվել է Ստեփանակերտ:

1992թ. փետրվարի 24-ին ԼՂՀ Գերագույն Խորհուրդի որոշմամբ նշանակվել է ԼՂՀ նորաստեղծ ինքնապաշտպանական ուժերի հրամանատար: 1992–2001թթ.՝ ծառայել է ՀՀ Պաշտպանության նախարարությունում: 2001-ից եղել է ՀՀ պաշտպանական մարզատեխնիկական ընկերության նախագահ:

2009թ. մայիսի 8-ին ԼՂՀ նախագահի թիվ 40 հրամանագրով հայրենիքի պաշտպանության գործում մատուցած բացառիկ ծառայությունների համար Արկադի Տեր-Թադևոսյանին շնորհվել է «Արցախի հերոս» ԼՂՀ բարձրագույն կոչում և պարգևատրվել «Ոսկե արծիվ» շքանշանով: Պարգևատրվել է ՀՀ և ԼՂՀ «Մարտական խաչ» 1-ին աստիճանի շքանշաններով:

1992թ. մայիսի 25-ին շնորհվել է գեներալ-մայորի զինվորական կոչում: 1991-1992թթ. Տեր-Թադևոսյանը ղեկավարել է Տողի, Սարինշենի ազատագրական, Մարտակերտի, Հադրութի և այլ շրջանների ինքնապաշտպանական մարտերը:

1991–1992 թթ. նրա ղեկավարությամբ կազմվել է Շուշիի ազատագրման պլանը և 1992-ի մայիսի 8–9-ին իրագործվել մարտավարական տեխնիկայի բարձր մակարդակով:

Արցախյան ազատամարտում իր անձնական քաջության և հրամանատարական օժտվածության համար նա ստացել է «Կոմանդոս» պատվանունը:

«Ո՞նց կարա վարչապետի աթոռին անկապ հայտնված թափթփուկը եթերով հայտարարի թե ՀՀ իշխանությունները տարիներով զբաղվել են նարկոտրաֆիկով,Աֆղանստանում ապօրինի զենքի վաճառքով».Միշա Գալուստյան

07.04.2020

Առողջապահության նախարարը սպասում է պատվաստանյութի և պատվաստվելու կոչ է անում

06.04.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

Ազգային ժողովում դարձյալ պարգևատրվել են.168.am

06.04.2020

«Ու սրանք, էս ողորմելիները, որոնց մեծ մասին տանես Արցախ, կկորեն, պիտի Գերագույն գլխավոր հրամանատար դատեն` ուղիղ նրա աչքերին նայելով».Գուրգեն Գրիգորյան

04.04.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով