Ի՞նչ են խոստացել ԵՄ պաշտոնյաները Հայաստանում վեթինգ իրականացնելու համար. Արփինե Հովհաննիսյան

     

  ԱՐՓԻՆԵ ՀՈՎՀԱՆՆԻՍՅԱՆՆ իր ֆեյսբուքյան էջում գրում է.

               Փաստեր անցումային արդարադատության վերաբերյալ

Մաս 2

Ինչպես արդեն պարզ է մի շարք պաշտոնյաների հայտարարություններից Հայաստանում վեթինգի իրականացման ոգեշնչման հիմնական աղբյուրը ալբանական փորձն է։ Այս առումով հետաքրքիր փաստ.
Ալբանիայում վեթինգի մասին քննարկումները սկսվել են Ալբանիայի վերաբերյալ Եվրոպական հանձնաժողովի` 2014 թվականի զեկույցի հրապարակումից հետո, որում նշվում էին դատական համակարգի խորքային խնդիրները։ 
Ըստ այդմ՝ վեթինգը այն անկյունաքարերից է, որը դրված է Ալբանիայի ԵՄ-ին անդամակցելու բանակցություններ սկսելու հիմքում։ Սա նշված է նաեւ մի շարք միջազգային փաստաթղթերում։
Այլ կերպ սա այն գինն է, որ Ալբանիան վճարելու է ԵՄ-ին միանալու համար։

Հարց

Հետաքրքիր է՝ ի՞նչ են խոստացել ԵՄ պաշտոնյաները Հայաստանում վեթինգ իրականացնելու համար կամ խոստացե՞լ են արդյոք։
Հարցը հատկապես արդիական է՝ հաշվի առնելով Պյոտր Սվիտալսկիի դատարանների շրջափակման կապակցությամբ հրապարակային արտահայտած անձնական դիրքորոշումը, որը տարբերվում է բոլոր միջազգային կառույցների եւ նույնիսկ ԵՄ դեսպանների համատեղ հայտարարությունից։ Միգուցե սա՞ է այն հարցը, որ եղել է վարչապետի մամուլի խոսնակի եւ պարոն Սվիտալսկիի քննարկման առարկան դատարանների մուտքերն արգելափակելու նախորդող երեկոյան։
Կարծում եմ՝ անչափ կարեւոր է հասկանալ, թե ում նախաձեռնությամբ է հանդիպումը տեղի ունեցել, եւ ինչ է քննարկվել։ Ի վերջո վարչապետի խոսնակը եւ ԵՄ դեսպանը մտերիմ ընկերներ չեն եւ նրանց քննարկումները չէին կարող շրջանցել վարչապետի կոչը եւ դրան հաջորդող իրադարձությունները երկրում։

 

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով