Հայաստանում զավեշտալի իրադարձություններ են տեղի ունենում: Մարդիկ կան, շատ հստակ պատվեր են կատարում և Ռ. Քոչարյանից սահուն կերպով ցանկանում են անցում կատարել դեպի Սերժ Սարգսյանը: Մասնավորապես.
Նոր տեղեկացա, որ «Ազգային առաջընթաց» կուսակցությունը պաշտոնապես դիմել է Գլխավոր դատախազություն և Հատուկ քննչական ծառայություն՝ Սերժ Սարգսյանին քրեական պատասխանատվության ենթարկելու պահանջով՝ կաշառակերության հիմքով։
Կոչ եմ անում, տվյալ կուսակցության յուրաքանչյուր անդամին շատ զգույշ լինել, որովհետև գտնելու են իրենց քաղաքական վախճանը, այս շինծու գործի շրջանակներում: Եվ շատ հստակ հաշվի կառնեք մեկ բան՝ հանգած հրաբուխները չեն արթնանա, եթե բզբզացող չլինի:
Ես հավաստիացնում եմ Ձեզ, որ Նախագահ Սարգսյանի կողքին կանգնած է առնվազն, կրկնում եմ՝ առնվազն, 60. 000 ՀՀ քաղաքացի:
Հաշվի առեք, որ և՛ դուք, և՛ ձեր քաղաքական մայրիկներն ու հայրիկները, ինչպես նաև ձեզ ֆինանսավորողները, կրակի հետ են խաղում, հետևաբար լրջացեք և մի շարունակեք, այլապես ձեր քաղաքական թիմի սև էջերը, հերթով կմաքրագրենք ձեր ղեկավար կազմի երեսին:
