Արթուր Վանեցյանը ՔՈ անդամին երեք օր է տվել հերքման համար.yerevan.today

Հայաստանի ազգային անվտանգության ծառայության տնօրեն Արթուր Վանեցյանը հերքման պահանջով դիմել է «Քաղաքացու որոշում» սոցիալ դեմոկրատական կուսակցության անդամ Գարեգին Միսկարյանին։ Այս մասին իր ֆեյսբուքյան էջում գրել է Միսկարյանը։

Պատճառը Միսկարյանի կողմից ապրիլի 18-ին արված ֆեյսբուքյան գրառումն է, որում օգտատերը հայտարարել է, թե Արթուր Վանեցյանը Հայաստանում զբաղվում է վառելիքի ներկրմամբ։

«Էն որ Վայեցյանի ընտանիքը ծաղիկի բիզնես ունի ու դրա ջերմոցների անվան տակ ժամանակին պարսկական (եվրո 4, ԵՏՄ-ի օրենքով արգելված) դիզելը վառարանի վառելանյութի (печное топливо) անվան տակ մաքսազերծում ու վաճառում էին` լսել էինք, բայց որ Նոր Հայաստանում էլ վառելանյութի ներկրմամբ էին զբաղվում, դա նորություն էր»,- գրել է Միսկարյանը։

Արթուր Վանեցյանի ներկայացուցիչ Վահե Ենգիբարյանը հերքման տեքստում նշել է, որ«հոդվածում հրապարակված տեղեկություններն ամբողջությամբ չեն համապատասխանում իրականությանը և դրանք իրենց մեջ պարունակում են զրպարտչական բնույթի տեղեկատվություն»։

Ներկայացուցիչը, «որպես բարի կամքի դրսևորում» Միսկարյանին առաջարկել է եռօրյա ժամկետում հերքել գրառմամամբ տարածված ապատեղեկատվությունը ՝ ֆեյսբուքյան համապատասխան գրառման միջոցով.

«Միաժամանակ տեղեկացնում եմ , որ նշված տեղեկությունը սահմանված կարգով չհերքելու դեպքում , ՀՀ օրենսդրությամբ սահմանված կարգով դիմելու ենք իրավունքի պաշտպանության այլ միջոցների»,- ասված է ԱԱԾ տնօրենի ներկայացուցչի ուղարկած դիմումում։

Գարեգին Միսկարյան

Այսօր ԱԱԾ-ից (Երևան -0001, Նալբանդյան փ. 104) նամակ եմ ստացել։ Նամակում Հայաստանի Հանրապետության ազգային անվտանգության ծառայության տնօրեն Ա. Վանեցյանի ներկայացուցիչ Վահե Ենգիբարյանը առաջարկում է ինձ՝ «Քաղաքացու որոշում» սոցիալ դեմոկրատական կուսակցության անդամ Գարեգին Միսկարյանիս, հերքել 19.04.2019 թ. կատարված գրառումը ( https://web.facebook.com/gmiskaryan/posts/3173185209374173 ), որը պարոն Ենգիբարյանը որակում է որպես հոդված և նշում, որ այն չի համապատասխանում իրականությանը։

հերքում.
Ես Գարեգին Միսկարյանս, չնայած, որ չեմ հանդիսանում լրատվական գործունեություն իրականցնող, այնուամենայնիվ, ընդունում եմ պարոն Ենգիբարյանի առաջարկը, և որպես բարի կամքի դրսևորում, հերքում եմ, որ պարոն Վանցյանի վերաբերյալ մամուլում և հանրության մեջ շրջանառվող ու գրառման մեջ տեղ գտած լուրերին հավատում եմ, քանի որ, ինչպես նշել է պարոն Վանեցյանի ներկայացուցիչ պարոն Ենգիբարյանը, դրանք չեն համապատասխանում իրականությանը։
Սրանք էլ այն հղումները, որոնց այլևս չեմ հավատում։
https://hetq.am/hy/article/88755
https://hetq.am/hy/article/58612

Հիմա մի քանի նկատառում պարոն Վանեցյանի ներկայացուցիչ պարոն Ենգիբարյանի նամակի բովանդակության հետ կապված։

1.Գրառումը կատարվել է 18.04.2019 թվականին և ոչ թե 19.04.2019 թվականին #բայցոչինչ

2. Ինչու՞ է նամակը ուղղված «Քաղաքացու որոշում» սոցիալ դեմոկրատական կուսակցության անդամ Գարեգին Միսկարյանին, և ոչ թե քաղաքացի Գարեգին Միսկարյանին։ Ի՞նչ ենթատեքստ/մեսիջ կա իմ քաղաքական գործունեությունը նշելու մեջ։

3.Եթե կուսակցական պատկանելությունը նշելը չունի որևէ ենթատեքստ ու պարզապես այն վերցված է իմ ֆեյսբուքյան պատից, արդյոք նամակը կուղղեիք «Բորոտների ազգային ասացիացիայի հիմնադիր նախագահ Գարեգին Միսկարյանին», եթե այնտեղ նման տեղեկություն լիներ հրապարակված։ (Ասածս ի՞նչ է, փոխանակ հնարավորինս խուսափեք քաղաքացուն կապել քաղաքական կողմորոշման, գործունեության հետ, բռնում անիմաստ տեղը «քաղաքականցնում» եք, #բայցպետչի)

4. «Տեղեկացնում ենք, որ հոդվածում տպագրված տեղեկությունները ամբողջությամբ չեն համապատասխանում իրականությանը…»
Ձևակերպման մեջ «ամբողջությամբ» բառը թյուրըմբռնման տեղիք է տալիս։ Այն կարելի է մեկնաբանել որպես «մասնակի են համապատասխանում»։ Իսկ «մասնակի համապատասխանելու» պարագայում դատարանում հնարավոր է խնդիրներ լինեն, հերքում չտվող անձի մեղավորությունը ապացուցելու հարցում, եթե ոչ ՀՀ-ում, ապա առնվազն ՄԻԵԴ-ում։ Ճիշտ կլինի «ամբողջությամբ» բառը հանել նամակից։ Վիճելի է նաև «հոդվածում տպագրված» արտահայտությունը, բայց մասամբ։

5.Նշում եք.
«…առաջարկում եմ եռօրյա ժամկետում հերքել Ձեր վերոնշյալ գրառմամբ տարածված ապատեղեկատվությունը ֆեյսբուքյան համապատասխան գրառմամբ»։
Առաջարկում եմ այսուհետ նշեք ոչ թե պարզապես «գրառմամբ», այլ շեշտեք «հրապարակային գրառմամբ», որովհետև մարդը կարող է կարգավորումներով փակ՝ միայն իրեն հասանելի, գրառում կատարել, և ձեր դատարան դիմելուց հետո կարգավորումներից բացել այն, դարձնել «բոլորին հասանելի» և ներկայացնել դատարանում որպես ապացույց, որ գրառումը կատարվել է։ Ու դուք կպարտվեք, #բայցպետչի…

6.Ինչու՞ է պարոն Վանեցյանի շահերի պաշտպանը ԱԱԾ-ի հասցեից ուղարկում իր պաշտպանյալի նամակը։ Արդյոք դա չի կարող դիտարկվել որպես պաշտոնեական դիրքի չարաշահում, երբ անձը իր պաշտոնեական դիրքը օգտագործում է անմիջականորեն իր անձին վերաբերող իրավական գործընթացը իրականցնելու համար։ Արդյոք իրավաչափ է, եթե Ֆինանսների նախարարը նախարարության հասցեից ուղարկեր նման նամակ։

7.և վերջինը
իհարկե ես շատ շնորհակալ եմ, որ նվաստիս գրառմանը նման մեծ նշանակություն եք տվել, բայց կարծում եմ ֆեյբուքյան (այն էլ այս չափ «լղոզված») գրառումներն ավելի լավ կլինի անտեսեք։ Դա կարող է դիտվել որպես խոսքի ազատության ոտնահարման փորձ։

Ամենայն հարգանքով՝
Գարեգին Միսկարյան
ՀՀ քաղաքացի

150.000.000.000 դրամի կորուստ կառավարության անպատասխանատու արարքների պատճառով

24.03.2020

Ի՞նչպես չգնահատես Ռուսաստանի այս մարդասիրական քայլը.Վահան Բաբայան

23.03.2020

«Եվս մեկ հիշեցում Հռոմի Պապից քաջատեղյակ, բայց սեփական երկրի հոգևոր առաջնորդից բացարձակ անտեղյակ պատգամավորին».Անի Մարգարյանը`Սերգեյ Բագրատյանին

25.03.2020

Արարատի մարզում կորոնավիրուսը տարածվել է ծննդատան միջոցով.yerevan.today

26.03.2020

Վավերագրական ֆիլմ Սերժ Սարգսյանի մասին

28.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով