Ադրբեջանում կոչ են անում՝ օգտվելով Փաշինյանի վրիպակից բլից-կրիգով գրավել ողջ Արցախը

ՀՀ վարչապետ Նիկոլ Փաշինյանի երեկվա հայտարարությունը  այն մասին, որ «…Արցախում կան շրջանակներ, որոնք շահագրգռված են պատերազմ հրահրելու մեջ Ադրբեջանի հետ և հնարավոր անհաջողության դեպքում ողջ մեղքը գցել Փաշինյանի վրա…», քաղաքական ռումբի դեր կատարեց նաև Ադրբեջանում: Այստեղ գրեթե միահամուռ կոչ են անում օգտվել Փաշինյանի այս վրիպակից և ռազմական գործողություններ սկսել Ղարաբաղի դեմ: Իսկ այս ամենի մեղքը գցել Արցախի իշխանության վրա, քանզի դրա լեգիտիմ հիմնավորումը տվել է ոչ ավել, ոչ պակաս անձամբ ՀՀ վարչապետ Նիկոլ Փաշինյանը: Ադրբեջանցիների կարծիքով, իմաստ չունի Փաշինյանին նոր «քարտ բլանշ» տալ, հատկապես երբ Փաշինյանի ջանքերով Հայաստանը այսօր պառակտված է և ի զորու չի լինի լուրջ դիմադրություն ցույց տալ կանոնավոր ադրբեջանական բանակի գործողություններին:

Ադրբեջանցիները նշում են, որ այս մեկ տարվա ընթացքում, ինչ Փաշինյանը եկել է իշխանության, հայկական բանակը վարկաբեկվել է, վարկաբեկվել է նաև ղարաբաղյան քաղաքական վերնախավը և նրանց հետևում կանգնած Ռուսաստանը: Այս պահը ճակատագրական է նաև Ադրբեջանի համար և այդ իրավիճակից չօգտվելը հիմարություն կլինի:

Մասնավորապես Minval.az-ի քաղաքական մեկնաբան Նուրանին իր խմբագրականում նշում է բառացիորեն հետևյալը. «…Նիկոլ Փաշինյանը շատ լավ հասկանում է, որ բանակցությունների ձգձգումը Հայաստանի օգտին չէ, բացի այդ քաղաքացիական պատերազմի վտանգը Հայաստանում մեծացնում է հայկական ուժերի պարտության հավանականությունը և դրա համար էլ, դրանից խուսափելու համար, նա նախապես ապագա պարտության մեղավորներ ուզում է նշանակել իր հակառակորդներին… իսկ դա նշանակում է, որ այսօր Հայաստանը գտնվում է  քաղաքական քաոսի մեջ, քանզի  վարչապետի նման հեքիաթներին դժվար թե շատ հավատացող լինի, ինչը նշանակում է, որ Ադրբեջանը պետք է պատրաստ լինի գործողությունների ցանկացած սցենարի, այդ թվում նաև  կայծակնային սպեցօպերացիայի իրականացմանը, ազատագրելու համար Ղարաբաղի թե դաշտային , և թե լեռնային հատվածները…»:

Պետք է նշել, որ ադրբեջանցիներն այս հարցում իրոք կարող են լուրջ հաջողության հասնել, քանզի Հայաստանը վերջին 30 տարվա ընթացքում երբեք այսքան պառակտված չի եղել: Բայց պետք է ընդգծել նաև, որ այս իրավիճակի համար մեծ դեր կատարեց նաև անձամբ Փաշինյանը: Ի՞նչ էր սա՝ քաղաքական անգրագիտությո՞ւն, թե՞ դրսից ներդրված և նախապես պլանավորված ծրագիր, ցույց կտա ժամանակը:

Աղբյուրը`zham.am

Արտակ Հակոբյան

Լուսանկարը՝ Regnum.com-ի:

«Ո՞նց կարա վարչապետի աթոռին անկապ հայտնված թափթփուկը եթերով հայտարարի թե ՀՀ իշխանությունները տարիներով զբաղվել են նարկոտրաֆիկով,Աֆղանստանում ապօրինի զենքի վաճառքով».Միշա Գալուստյան

07.04.2020

Առողջապահության նախարարը սպասում է պատվաստանյութի և պատվաստվելու կոչ է անում

06.04.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

Ազգային ժողովում դարձյալ պարգևատրվել են.168.am

06.04.2020

«Ու սրանք, էս ողորմելիները, որոնց մեծ մասին տանես Արցախ, կկորեն, պիտի Գերագույն գլխավոր հրամանատար դատեն` ուղիղ նրա աչքերին նայելով».Գուրգեն Գրիգորյան

04.04.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով