Մշակույթի նախարարի պարտականությունները կատարող Նազենի Ղարիբյանն, ով Աննա Հակոբյանի և Լիլիթ Մակունցի կամակատարն է ու նշանակման մի քանի ամիսներին ինքնակամ ապացուցել է, որ կիլոմետրերով հեռու է մշակույթից, աշխատանքից ազատել է Օպերային թատորնի գեղարվեստական ղեկավար և տնօրեն Կոնստանտին Օրբելյանին:
Պաշտոնական բացատրությունն այդ ազատման օրենքի պահանջն է, որ ժամանակին օրենքը փոխել են, որպեսզի Օրբելյանը կարողանա տնօրինել այդ պաշտոնը, հիմա ընդամենը վերականգնել են այդ դրույթը: Ամեն ինչ նորմալ եւ նույնիսկ դրական կարելի էր գնահատել, եթե չիմանայինք Օրբելյանի՝ թատրոնի տնօրենի պաշտոնում կատարած ահռելի աշխատանքը, ե մյուս կողմից՝ նույն Ղարիբյանի անտեղյակությունը ոլորտից: Մենք մի հրապարակում արդեն ունեցել ենք, թե ինչ է արել Օրբելյանը Օպերայի համար ու դա արել է սեփական միջոցների հաշվին, իսկ Օպերան այն վայրն է, որը խնամք ու ներդրում է պահանջում, հակառակ դեպքում այս կառույցն էլ ոտատակ կտրվի ու կփակվեն դռները: Օրբելյանի միակ մեղքն այն է, որ նա աշխատող, արարող և, ամենակարևորը` վնաս չտվող մարդ է: Հավանաբար, հենց սա դուր չի գալիս հեղափոխականներին: Ավելին, եթե կուզեք Օրբելյանը
Օպերային թատրոնի տնօրենի և գեղարվեստական ղեկավարի պաշտոնում գտածո է Հայաստանի համար. նա հայաստանցի չէ, հեռու է տեղական ինտրիգներից, իր հնարավորությունների սահմաններում նպաստում է թատրոնի որակի բարձրացմանը: Ճիշտ է, նա հանճարեղ չէ, բայց ամեն ինչ անում է թատրոնի համար:
Հիմա ամենաուշագրավ դրվագը, որն էլ կարելի է իրական հիմք ընդունել այս ազատման հարցում:
Նազելի Ղարիբյանը թատրոնի աշխատակիցների հետ հանդիպման ընթացքում ոչ մի հարցի չկարողանալով տալ ադեկվատ պատասխան՝ միայն հայտնել է, որ թատրոնը նոր տնօրեն ունի: Ավելի ուշ ԶԼՄ-ները պարզեցին, որ
Օրբելյանին փոխարինելու է Երևանի ավագանու «Իմ քայլը» դաշինքի անդամ Արմեն Սարգսյանը, ով հայտնի էր որպես «Բրենդ թայմ» հեռուստածրագրի հաղորդավար և մոդել:
Ավելին՝ Արմեն Սարգսյանը չի ժխտել տեղեկությունը, որ ինքը դիտարկվում է որպես թատրոնի տնօրեն:
Արմեն Սարգսյանին այս պաշտոնը խոստացել է Լիլիթ Մակունցը, որի մասին անգամ գրվել է ու այսօրվա տեղի ունեցածը հենց դրա արդյունքն է: Վերադառնալով Նազենի Ղարիբյանին, որն այսօր ներկայացնում է Հայաստանի մշակութային դեմքը, միթե այդ տիկինն իրավունք ուներ առհասարակ այդ պաշտոնում, միգուցե օրենքով՝ այո, բայց կան բարոյական օրենքներ, որոնք կտրականապես արգլում են տիկնոջ ոլորտում գործունեությունը: Բավական է միայն նայել նրա եւ թատրոնի աշխատակիցների զրույցի տեսանյութը եւ կարելի է ապշել տիկնոջ անտեղյակությունից: Պարզվում է՝ նա Օպերայի թատրոն չի էլ հաճախել, ծանոթ չէ անգամ ներկայացումներին, անուններ է խառնում ինքնավստահ, չի ճանաչում եւ ոչ մի օպերային երգչի ու մի հատ էլ ինքնավստահ հակագրոհում է, թե զբաղված է, գործուղումների եւ չէր կարող այցելել թատրոն: Սա դեռ ամենը չէ, Օրբելյանի մասին էլ ասում, թե հոր տունը չի, որ գա ուր մնա: Որ Նազենի Ղարիբյանը բազմիսց է ցուցադրել իր հակամշակութային լեքսիկոնը, կարծում ենք կփաստեն շատերը, միթե ոլորտից զրո տեղեկացվածությամբ ինչ-որ հայտնություն պետք է որոշի՝ ով որտեղ աշխատի, ով ոչ կամ կատարի հեղափոխականների ցանկությունը:
Ստացվում է, որ նոր Հայաստանին Արարատի կոկորդիլոսագետ մարզպետից գրագետ ու գործունյա մարդ պետք չէ:
Անի Սահակյան․hayeli.am
