Սիրելի ընկերներ, մեկ վարկյանում մենք Ամբերդի այն հատվածում, որտեղ հողային մոտ երկու մետր շերտ աղավաղվել, տրակտորով բրդել, իբր հարթեցրել էին, գտանք ոսկորներ և կավի կտոր։ Ահա այս տեսանյութում կա իմ մեկնաբանությամբ։
Եվ, ամուսնուս Արմեն Հակոբյանի խոսքերն եմ ուզում նաև կիսվել, որ լիովին համամիտ եմ․ “Այս ամենն անողը լենքթեմուրներ են”։
“Ասում են՝ կասեցվել են հողային աշխատանքները: Քի՛չ է: Ու դա ժամանակավոր է: Որպես օրինապահ հարկատու, հորդորում եմ, որ հատուկ և իրավապահ կառույցների մակարդակով, կառավարության ղեկավարի, ԱԺ խորհրդի ու վերջապես պետության գլուխ՝ նախագահի մակարդակով, ներառյալ Հանրային խորհուրդը, անդրադարձ կատարվի այս խայտառակությանը: Մեզանից գողանում են մեր պետմությունը, գողանում ու ձևախեղում են պատմական հուշարձանի շրջակա բնական լանդշաֆտը: Սա քրեորեն պատժելի արարք է, իմ համեստ կարծիքով:
Իսկ նման բան անել համարձակվածներին մեկ բան ունեմ ասելու՝
եթե ՀՀ օրենքները շրջանցեք էլ, Հայի Աստվածը ձեզ չի ներելու:
Կամսարական իշխանների, Բագրատունիների, Պահլավունիների և Վաչուտյանների աննկուն ոգիները հետապնդելու են ձեզ ու ձեր սերունդներին:
Ավերակողներ, ձեր վրա ծանրանալու է սպարապետ Վահրամ Պահլավունու և զորավար Վաչե Վաչուտյանի նզովքը՝ այսուհետ ու առհավետ” Գրող, հրապարակոախոս՝ Ա․Հ․:
