Երևանի Մյասնիկյան պողոտայում` դեպի Հերացի փողոց իջնող հատվածում, այսօր առավոտյան խոշոր վթար է տեղի ունեցել։
Sputnik Արմենիայի թղթակիցը դեպքի վայրից հայտնում է, որ միմյանց են բախվել «Նիսսան», «Լադա 099», «Օփել» և «Ինֆինիտի» մակնիշի ավտոմեքենաները։ «Օփելը» գլխիվայր շրջվել է։
Հետևեք մեզ Տելեգրամում՝ t.me/lurer4news
Բարեբախտաբար, զոհեր չկան։ «Օփելի» վարորդը տեղափոխվել է հիվանդանոց` բուժզննման։ Մեր տեղեկություններով` նա թեթև վնասվածքներ ունի։ Մյուս մեքենաների վարորդերն ու ուղևորները չեն տուժել։
Ըստ ականատեսների` վթարի պատճառ է դարձել «Լադայի» վարորդի անզգույշ մանևրը։
Հետևեք մեզ Տելեգրամում՝ t.me/lurer4news
Պողոտայի երթևեկությունը տևական ժամանակ կաթվածահար էր եղել։ Այս պահին տեղում աշխատում են ոստիկաններն ու փրկարարները։ Երթևեկությունն արդեն կարգավորվել է, ճանապարհը բաց է։