Politik.am-ի հավաստի աղբյուրների փոխանցմամբ՝ Հատուկ քննչական ծառայությունում քրեական գործ է հարուցվել ՀՀ Էներգետիկ ենթակառուցվածքների և բնական պաշարների նախարարի տեղակալ Վարդան Գևորգյանի և նույն նախարարության Ընդերքի գործակալության բաժնի պետի ժամանակավոր պաշտոնակատար Անուշավան Կառլենի Այվազյանի դեմ։
Ըստ մեր ունեցած տեղեկությունների՝ քրեական գործը կապված է նախկինում տարբեր հանքատերերի տրված լիցենզիաների հետ։ Մեր աղբյուրների փոխանցմամբ՝ նախարարի տեղակալ Գևորգյանը մեկ ամիս է, ինչ չի ներկայանում աշխատանքի և ամեն պահի սպասում է իր ձերբակալության որոշմանը։ Նույն իրավիճակում է հայտնվել նաև Անուշավան Այվազյանը։
Ի դեպ, պետք է նկատել, որ այս երկու պաշտոնյաներն էլ նախկին համակարգից էին մնացել և շարունակում էին պաշտոնավարել։
Առավել մանրամասն՝ առաջիկայում:
