Վիեննայում կայացած այսօրվա հանդիպման մասին՝ կարելի է ենթադրել, որ մտնում ենք «ժողովուրդներին խաղաղության նախապատրաստելու» ակտիվ փուլ.Հրանտ Մելիք-Շահնազարյան.

Загрузка...

Համադրելով վարչապետ Նիկոլ Փաշինյանի և ԵԱՀԿ Մինսկի խմբի համանախագաների ու ՀՀ և ԱՀ արտգործնախարարների համատեղ հայտարարությունը Վիեննայում կայացած այսօրվա հանդիպման մասին՝ կարելի է ենթադրել, որ մտնում ենք «ժողովուրդներին խաղաղության նախապատրաստելու» ակտիվ փուլ։

Ամենացավալին թերևս այն է, որ Վիեննայի ու Սանկտ Պետերբուրգի նախկին պայմանավորվածությունները վերջնականապես մոռացության մատնվեցին և դուրս եկան բանակցային օրակարգից։ Հիմա արդեն նոր Վիեննա կա, որի հիմքը Դուշանբեի վերելակի հանդիպումն է։

Կարծում եմ՝ այս նոր գործընթացը երկարատև լինելու պոտենցիալ ունի։ Ու սա, թերևս, այս հանդիպման լավ լուրն է։ Ինքը, իհարկե, չի կարող մեր շահն արտահայտել, բայց ավելի լավ է այդպես, քան փակուղի ու պատերազմ։ Այս առիթով երևի պետք է շնորհավորել Փաշինյանին։ Մի մեծ գլխացավից է պրծել ու հիմա «տնտեսական հեղափոխության», ինչու՞ չէ՝ նաև լուսինն ու տիեզերքը նվաճելու իր ծրագրերի մասին հանգիստ խոսելու հնարավորություն է ստացել։ Ինչն էլ, ի դեպ, անում է այս պահին Ավստրիայի հայ համայնքի հետ հանդիպման ընթացքում։

Իսկ Արցախի իշխանություւներին ահա, ցավոք, շնորհավորելու առիթ չկա։ Իրենք թող պատրաստվեն Դիլհամ Ասկերովի և Շահբազ Գուլիևի հարազատներին դիմավորելու «հանդիսավոր» արարողությանը։

Հրանտ Մելիք-Շահնազարյանի գրառումը

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...