Սգո սրահները գործել են օրենքից դուրս. հարուցվել են քրեական գործեր

2019 թվականի փետրվարի 6-ին իրականացված շրջայցի ընթացքում Երևանի քաղաքապետարանի աշխատակազմի առևտրի և սպասարկումների վարչության աշխատակիցները Երևան քաղաքի Բագրատունյաց փողոցի թիվ 69/2 հասցեում հայտնաբերել են առանց համապատասխան թույլտվության քաղաքացիական հոգեհանգստի ծիսակատարությունների ծառայությունների մատուցմամբ զբաղվող սգո սրահ, որը շահագործվել է անհատ ձեռնարկատեր Ա. Խ.-ի կողմից: Այս մասին տեղեկացրել է Երևանի քաղաքապետարանի լրատվական ծառայությունը։

Փաստի առթիվ 08.02.2019թ. Ա. Խ.-ի նկատմամբ ՎԻՎ ՀՀ օրենսգրքի 169.16-րդ հոդվածի 11-րդ մասի հատկանիշներով կազմվել է վարչական իրավախախտման վերաբերյալ արձանագրություն: Վարչական վարույթի ընթացքում Ա. Խ.-ն ու վերը նշված տարածքի սեփականատեր Ս. Պ.-ն բացատրություն են տվել այն մասին, որ առանց թույլտվության և տեղական տուրքերի վճարման, ավելի քան երեք տարի զբաղվել են սգո ծառայությունների մատուցմամբ:

Նկատի ունենալով, որ անհատ ձեռնարկատեր Ա. Խ.-ի կողմից չվճարված տեղական տուրքերի չափը (4 500 000 դրամը) գերազանցել է «Նվազագույն ամսական աշխատավարձի մասին» ՀՀ օրենքի 3-րդ հոդվածով նախատեսված չորսհազարապատիկ չափը, այսինքն` առկա են ՀՀ քրեական օրենսգրքի 205-րդ հոդվածի 1-ին մասով նախատեսված հանցագործության հատկանիշներ, ուստի ղեկավարվելով ՎԻՎ ՀՀ օրենսգրքի 253-րդ հոդվածով, ՀՀ պետական եկամուտների կոմիտե են ուղարկվել Ա. Խ.-ի վերաբերյալ հարուցված վարչական վարույթի նյութերը, ինչի համար ՀՀ պետական եկամուտների կոմիտեի հետաքննության և օպերատիվ հետախուզության վարչությունում ՀՀ քրեական օրենսգրքի 315-րդ հոդվածի 1-ին մասի հատկանիշներով 04.03.2019 թվականին հարուցվել է քրեական գործ, որն ուղարկվել է ՀՀ գլխավոր դատախազության կոռուպցիոն և տնտեսական գործունեության դեմ ուղղված հանցագործությունների գործերով վարչություն:

2019 թվականի փետրվարի 5-ին Երևանի քաղաքապետարանի աշխատակազմի առևտրի և սպասարկումների վարչություն է ստացվել «Թասդ Բեր» ՍՊ ընկերության հիմնադիր Է. Վ.-ի դիմումն այն մասին, որ 1997-ից Երևան քաղաքի Թևոսյան փողոցի թիվ 3/1 հասցեում գործել է ընկերությանը պատկանող «Պառնաս» ռեստորանը: 2015 թվականին ռեստորանի հարևանությամբ բացվել է անհատ ձեռնարկատեր Գ. Մ.-ի կողմից շահագործվող «Մայրամուտ» անվանմամբ քաղաքացիական հոգեհանգստի ծիսակատարության ծառայություններ իրականացնելու սրահը, ինչի հետևանքով խախտվել է «Երևան համայնքի վարչական տարածքում գտնվող քաղաքացիական հոգեհանգստի (հրաժեշտի) ծիսակատարության ծառայությունների իրականացման և (կամ) մատուցման համար նախատեսված շենքերին և շինություններին ներկայացվող սահմանափակումները, պահանջները և պայմանները սահմանելու մասին» Երևան քաղաքի ավագանու 2015 թվականի ապրիլի 30-ի թիվ 319-Ն որոշման հավելվածի 4-րդ կետի 1-ին ենթակետի պահանջը, քանի որ սգո սրահը հանրային սննդի օբյեկտից գտնվում է 100 մետրից պակաս հեռավորության վրա` Թևոսյան փողոցի թիվ 14 հասցեում:

Համաձայն Երևանի քաղաքապետարանի աշխատակազմի ճարտարապետության և քաղաքաշինության վարչության 22.02.2019թ. թիվ 18-06/147 գրության, Թևոսյան փողոցի թիվ 14 հասցեում գտնվող «Մայրամուտ» սգո սրահի և Թևոսյան փողոցի թիվ 3/1 հասցեում գտնվող «Պառնաս» հանդիսությունների սրահի միջև հեռավորությունը կազմում է 9-13 մետր: Դիմումատու Է. Վ.-ն միաժամանակ հայտնել է, որ իր ունեցած տեղեկությունների համաձայն, «Մայրամուտ» սգո սրահին 2015-2018 թթ. ընթացքում թույլտվությունները տրամադրվել են բարձրաստիճան պաշտոնատար անձանց կողմից կոռուպցիոն միջամտության և պաշտոնեական դիրքի չարաշահման արդյունքում:

Նկատի ունենալով, որ «Թասդ Բեր» ՍՊ ընկերության հիմնադիր Է. Վ.-ի դիմումի և «Մայրամուտ» սգո սրահին տրամադրված թույլտվությունների, ինչպես նաև հիմք հանդիսացած փաստաթղթերի ուսումնասիրության արդյունքում պարզվել է ՀՀ քրեական օրենսգրքի 308-րդ հոդվածով նախատեսված հանցագործության հատկանիշների առերևույթ առկայությունը, այսինքն՝ այն, որ դիմումի հետագա ընթացքը ենթակա է լուծման ՀՀ քրեական դատավարության օրենսգրքի 180-181-րդ հոդվածներով սահմանված կարգով, Է. Վ.-ի դիմումը և ուսումնասիրության արդյունքում ձեռք բերված փաստաթղթերն ուղարկվել են ՀՀ գլխավոր դատախազություն: Նշված փաստի առթիվ 15.03.2019թ. ՀՀ քննչական կոմիտեի Ավան և Նոր Նորք վարչական շրջանների քննչական բաժնում ՀՀ քրեական օրենսգրքի 308-րդ հոդվածի 1-ին մասով հարուցվել է քրեական գործ և իրականացվում է նախաքննություն:

livenews.am

Չպետք է մոռանալ, որ հայ դպրոցի հիմնադիրը Հայ առաքելական եկեղեցին է ․․․

08.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

Ով չգիտի, ասեմ` Կյանքի Խոսքը, հիսունականները և մնացած աղանդները հենց էս սատանիստական «կրոնի» ճյուղերն են

10.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով