Իրանի իսլամական խորհրդարանի ազգային անվտանգության և արտաքին քաղաքականության հանձնաժողովի ղեկավար Հեշմաթոլլահ Ֆալահաթփիշեն ԻՌՆԱ գործակալությանը տված հարցազրույցում ասել է, որ «ԱՄՆ-ն այժմ փորձում է ահաբեկիչներին տարբեր ճանապարհներով, այդ թվում՝ ծովային ու ցամաքային, Իրաքից և Սիրիայից տեղափոխել Պակիստան և Աֆղանստան»:
Հիշյալ հանձնաժողովի հավաստմամբ, ԻԼԻՊ-ի պարտությունից հետո Միացյալ Նահանգները տարածաշրջանում աջակցում է ահաբեկիչներին:
Հեշմաթոլլահ Ֆալահաթփիշեն անդրադառնալով իր ղեկավարած հանձնաժողովի կողմից ՄԱԿ-ի Գլխավոր քարտուղար Անտոնիո Գուտերեշին հղված նամակին, ասել է, որ այս նամակում Իրանի Իսլամական Հանրապետությունը կոչ է արել կանխարգելիչ միջոցներ ձեռնարկել Աֆղանստանում ԻԼԻՊ-ի հավանական գործունեության դեմ:
«Հաշվի առնելով ՄԱԿ-ի Գլխավոր քարտուղարի պարտականությունները, մենք ակնկալում ենք անդրադառնալ այս հարցին և կանխարգելիչ միջոցառումներ կիրառել մեր դիմումի համաձայն»,- ասել է Իրանի խորհրդարանի ազգային անվտանգության և արտաքին քաղաքականության հանձնաժողովի ղեկավարը:
ivenews.am
