Ինչի՞ է պատրաստվում Ադրբեջանը. «Ժամանակ»

Ադրբեջանական կողմը տեղեկություն է տարածել Ֆիզուլիի ուղղությամբ իր մեկ զոհի մասին, հայտնելով, թե դա տեղի է ունեցել հայկական կողմի կրակոցից: Այս տեղեկությունը առանձնահատուկ իմաստ է ստանում մի կողմից սահմանին հարաբերական կայունության և ամիսներ շարունակ զոհերի բացակայության ֆոնին, մյուս կողմից՝ մարտի 29-ին Վիեննայում սպասվող Փաշինյան-Ալիև հանդիպման: Հանդիպման հանգամանքը պաշտոնապես հաստատվել է մարտի 27-ին: Հատկանշական է, որ հանդիպումից առաջ տեղեկություն է տարածել նաև Հայաստանի ՊՆ-ն, սակայն ոչ թե զոհի կամ վիրավորի, այլ կրակոցների միջոցով ադրբեջանական դիրքային առաջմղման փորձը կասեցնելու մասին:

Հարցն այն է, թե Ադրբեջանի այդ մարտավարությունն ինչ հարց է փորձում լուծել, Վիեննայից առաջ մթնոլորտի կարճաժամկետ հարց, թե՞ ավելի երկար հաշվարկ, այսպես ասած, սահմանային լարվածության տանող «լեգիտիմ» քայլեր կատարելու համար: Բոլոր դեպքերում, Երևանն ու նաև Ստեփանակերտը պետք է պատրաստ լինեն ոչ միայն դիվանագիտական ճակատում, այլ սահմանին, բառի բուն իմաստով, ադրբեջանական հնարավոր սադրանքները կանխարգելելու համար: Մյուս կողմից հատկանշական է, որ ադրբեջանական կողմն է բարձր մակարդակի հայ-ադրբեջանական հանդիպումներից առաջ հայտնում կորստի մասին, այն դեպքում, երբ տխուր «ավանդույթ» էր դարձել այն, որ Սարգսյան-Ալիև հանդիպումներից առաջ կամ հետո զոհ էր ունենում հայկական կողմը՝ Բաքվի ռազմական դիվանագիտության տրամաբանության շրջանակում: Վիեննայից առաջ «զոհի» կերպարով է փորձում ներկայանալ Բաքուն»,-գրում է թերթը:Ընդ որում, Հայաստանի ՊՆ տարածած տեղեկատվության մեջ նշվում էր, որ խոսքը վերաբերում է հյուսիս-արևելյան սահմանային ուղղությանը, այսինքն՝ Տավուշի մարզին: Մասնավորապես, խոսքը վերաբերել է Բերդավան գյուղի մոտ դիրքերին, չեզոք գոտում դիրքերն առաջ մղելու և ամրացնելու ադրբեջանական փորձին: Սրա ֆոնին Բաքուն տեղեկություն է տարածում զոհի մասին: Ամենևին զարմանալի չի լինի, եթե այդ տեղեկությունը լինի մտացածին, այսինքն՝ ադրբեջանական բանակում ոչ կանոնադրական հարաբերությունների հետևանքը ներկայացվի իբրև հայկական կրակոցի զոհ: Առավել ևս, որ դրանով Ադրբեջանը կփորձի լուծել մի քանի հարց: Մի կողմից իր զինվորի մահվան համար պատասխանատվությունը հանել վրայից, մյուս կողմից՝ Վիեննայի հանդիպումից առաջ հայկական կողմին ներկայացնել որպես Դուշանբեի պայմանավորվածությունները խախտող, այդպիսով իր վրայից հանելով նաև պատասխանատվությունը Տավուշի ուղղությամբ դիրքային առաջմղման փորձի համար: Թերևս կասկածից վեր է, որ Վիեննայի հանդիպումից առաջ ականատես ենք առնվազն տեղեկատվական դիրքային պայքարի:

Նյութն ամբողջությամբ կարդացեք թերթի այսօրվա համարում:

Նիկոլ Փաշինյանի հրաժարականի խոսքը

28.05.2020

Կապանում ճակատ-ճակատի բախվել են Lexus-ն ու Нива-ն. կա վիրավոր

30.05.2020

«Տավուշ տեքստիլ»-ում մոտ 80 մարդ վարակված է կորոնավիրուսով, ձեռնոցի արտադրամասը չի գործում. գործադիր տնօրեն. ArmDaily.am

28.05.2020

Հունիսի 1-ից սովորական անձնագրեր կրող ՀՀ քաղաքացիները կարող են առանց արտոնագրերի ձևակերպման մեկնել Չինաստան․ ԱԳՆ

30.05.2020

«Իդիոտը».Էդիկ Անդրեասյան

29.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով