Դիմում եմ վարչապետին՝ փրկել մշակույթը պատահական անցորդներից. Խոսրով Հարությունյան

«Մեծ ցավ ապրեցի, երբ տեղեկացա, որ մշակույթի փոխնախարարը ազատել է աշխատանքից Օպերայի և բալետի պետական ակադեմիական թատրոնի գեղարվեստական ղեկավար, մշակույթի աշխարհում միջազգային ճանաչում ունեցող Կոնստանտին Օրբելյանին: Ընդ որում ցավ ապրեցի հայրենական մշակույթի՝ պատմություն ունեցող և ավանդույթներով հարուստ ոլորտներից մեկի՝ օպերային արվեստի համար»,-այս մասին գրում է ԱԺ նախկին պատգամավոր Խոսրով Հարությունյանը:

Գրառումը ներկայացնում ենք ստորև.

« Պարզվում է, որ փոխնախարարի այդ որոշումը կայացվել է այն հիմնավորմամբ, որ մաեստրո Օրբելյանը աշխատանքի է նշանակվել, իբր թե, օրենսդրության պահանջի խախտմամբ՝ առանց մրցույթի:
Բանն այն է , որ մշակույթի նախկին նախարարը, հասկանալով, որ մաեստրո Օրբելյանը չի տիրապետում հայերենին, սակայն համոզված լինելով, որ գեղարվեստական ղեկավարի պաշտոնում նրան կհաջողվի, օգտագործելով իր հեղինակությունն ու կապերը, մշակութային այս կարևորագույն օջախին ստեղծագործական վերելք և նոր շունչ հաղորդել, Կառավարության համապատասխան որոշման մեջ փոփոխություն կատարելով ապահովել էր մաեստրո Օրբելյանին առանց մրցույթի այդ պաշտոնում նշանակելու իրավական հիմքը:

Այն հիմնավորումները, որոնք բերում է իր որոշումը հիմնավորելու համար այդ պաշտոնյան, միայն ծիծաղ և կարեկցանք է առաջացնում:
Պարզվում է, որ այդ խեղճ կինը ոչինչ չի արել մաեստրոյին աշխատանքից ազատելու համար: Նա ընդամենը առաջարկել է Կառավարությանը վերացնել մաեստրո Օրբելյանին առանց մրցույթի գեղարվեստական ղեկավարի պաշտոնում նշանակելու այն իրավական հիմքը, որը սահմանել էր նախկին կառավարութունը ( ես ինչ եմ արել որ, մի մուշտի եմ տվել):

Ի դեպ իրավունքի տեսակետից այս հիմնավորումը, ըստ իս, խիստ վիճահարույց է Սակայն համաձյնեք, որ այս ամենն իրոք ծիծաղելի կլիներ, եթե այդքան տխուր չլիներ: Չես հասկանում այդ կինը իրո՞ք չի գիտակցում թե ինչ է արել, թե՞ արվեստասեր հանրությանն է հիմարի տեղ դնում ասելով, որ ինքն ընդամենը կառավարության որոշումն է ի կատար ածել: Այդ կինը իրո՞ք չի հասկանում, որ, որպես մշակույթի նախարարի պաշտոնակատար, նա անձամբ քաղաքական պատասխանատվություն է կրում ոլորտում քաղաքականության իրականացման համար:

Նա իրո՞ք չի գիտակցում, որ Օպերայի և բալետի ակադեմիական թատրոնի գեղարվեստական ղեկավարի նշանակումը կամ ազատումը ոչ թե կադրային հարց է, այլ քաղաքական որոշում, որով, մեծ իմաստով, ապահովվում է օպերային արվեստում պետական քաղաքականության իրականացումը (պետությունները հսկայական ջանքեր են գործադրում, որպեսզի իրենց օպերային կոլեկտիվների ղեկավարման գործում ներգրավեն վաստակաշատ և հեղինակություն ունեցող գործիչներին): Հասկանու՞մ է արդյո՞ք այդ կինը, որ խոսքը օպերայի և բալետի թատրոնի կոլեկտիվի, այլ ոչ թե ինքնագործ խմբակի մասին է: Որ ինքն ի պաշտոնե պատասխանատվություն է կրում մշակույթի այդ օջախում ստեղծագործական միջավայրի ապահովման համար: Եվ վերջապես գիկտակցու՞մ է տիկին փոխնախարարը, որ նա պատասխանատվություն է կրում բազմահազար արվեստասեր հասարակության առջև՝ թե՛մեր երկրում և թե՛ նրա սահմաններից դուրս: Որ մշակույթը ոչ ինքն է, ոչ էլ՝ իր մեջ է:

Ես դիմում եմ Վարչապետին՝ փրկել մշակույթը պատահական անցորդներից: Մեր մշակույթն արժանի է ավելի պատասխանատու և հոգատար պետական վերաբերմունքի»:

Հաղորդում հանցագործության մասին.Մարինա Խաչատրյան

24.07.2020

«Լավ վերջապես ինչպե՞ս անենք, որ սա գնա իր լոբին մաքրելու և հանգիստ թողնի մեզ իր խաղաղասրական կոչերով».Անի Կաղինյան

25.07.2020

«ՀՀ հպաաաարտ քաղաքացին համբուրում էր մի ուրիշ ոչ պակաս հպաաաարտ քաղաքացու հետույքը».Նարեկ Մալյան

25.07.2020

«Ստախոս Մակունցին տեղեկացրեք, որ մի պահ եղած մարդը տեղում համակարգչով սեփական բիզնեսից ստացված եկամուտները չի հաշվարկում».Արսեն Բաբայան

27.07.2020

Եթե Լևոն Տեր-Պետրոսյանի որդին մի քիչ ավելի գրագետ լիներ՝ Նիկոլ Փաշինյանը համալսարան չէր ընդունվի

24.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով