«Հա, բերեցին գյուղատնտեսության նախարարների, բերեցին երկու «անթրաշ չնթռլոների» ու հայտարարեցին, թե գյուղատնտեսությանն են սպասարկելու։ Այ մարդ, այդ մարդիկ ո՛չ էշ են տեսել, ո՛չ էլ կով, չէ, հայելու մեջ տեսել են»,- լրագրողների հետ հանդիպմանն ասաց Հրաչ Բերբերյանը։
Նրա համար անհասկանալի է, թե ինչպես կարելի է փակել Գյուղատնտեսության նախարարությունը, այն դեպքում, երբ Հայաստանի ՀՆԱ-ի 25 տոկոսն ապահովում է գյուղատնտեսությունը։
«Ուրեմն՝ ձրիակերների 12 նախարարությունները սպասում են գյուղացու քրտինքին, ո՞վ է տեսել՝ փակեն մի ոլորտ, որը տվյալ երկրի ՀՆԱ-ի 25 տոկոսն է ապահովում։ Ամեն ինչ սխալ են անում, Ջրային կոմիտեի նախագահի նշանակեցին մի մարդու, որը ՀԷԿ –ի հեղինակն է, այսինքն՝ այդ կնոջ միջոցով ուզում էին ինչ-որ բան փակել, հետո էլ չկարողացան, հանեցինք»,- շեշտեց Հ. Բերբերյանը։
Նրա բնորոշմամբ՝ այսօր գյուղատնտեսությունը ծանր վիճակում է, այդ թվում՝ անասնաբուժությունը, իսկ անասունների անկումը դեռևս կշարունակվի։
Զվարթ Խաչատրյան
