2 ամիս՝ առանց աշխատավարձի. Ինչո՞ւ են ուշացնում Ռադիացիոն բժշկության եւ այրվածքաբանության գիտական կենտրոնի աշխատակիցների աշխատավարձը

Արդեն 2 ամիս է, ինչ Ռադիացիոն բժշկության եւ այրվածքաբանության գիտական կենտրոնի աշխատակիցներն աշխատավարձ չեն ստանում: Նրանց վերջին անգամ աշխատավարձ են վճարել 2018 թվականի դեկտեմբերի կեսին, իսկ նոր տարում կենտրոնի աշխատակիցները մեկ լումա իսկ չեն ստացել:

Լաբորատոր ախտորոշման բաժանմունքի ղեկավար, բժիշկ Դավիթ Գրիգորյանը NEWS.AM Medicine-ի հետ զրույցում ասաց, որ անցյալում նման խնդիրներ չեն առաջացել. ընթացիկ ամսվա աշխատավարձն իրենք, որպես կանոն, ստացել են հաջորդ ամսվա մինչեւ 15-ը, ամենաուշը՝ մինչեւ 21-ը:

Կենտրոնի աշխատակիցները 2018 թվականի դեկտեմբերին ստացել են ե՛ւ նոյեմբերի, ե՛ւ դեկտեմբերի աշխատավարձը: Իսկ հունվարի համար պետք է ստանային մինչեւ փետրվարի կեսը: Այսօր, սակայն, արդեն փետրվարի 26-ն է, իսկ աշխատավարձը դեռեւս չկա:

Մտահոգված աշխատակիցները փորձել են հաշվապահությունում պարզել, թե ինչով է պայմանավորված ուշացումը: Նրանց պատասխանել են, որ պետության հետ պայմանագիրը դեռեւս չի ստորագրվել, հետեւաբար բժշկական կենտրոնն առայժմ պետական ֆինանսավորում չի ստացել: Քանի որ Ռադիացիոն բժշկության եւ այրվածքաբանության գիտական կենտրոնում վճարովի ծառայությունները անչափ քիչ են, կենտրոնի բյուջեի հիմքը պետպատվերն է: Իսկ եթե պետպատվերի մասին պայմանագիրը ստորագրված չէ, պարզապես միջոցներ չկան, որոնցով հնարավոր կլիներ աշխատավարձերը վճարել:

Բուժաշխատողներին հայտնել են, որ պայմանագիր ստորագրելու եւ ֆինանսավորում ստանալու համար կպահանջվի նվազագույնը եւս մի քանի օր: Ստացվում է, որ նույնիսկ ամենաբարենպաստ հանգամանքների դեպքում, կենտրոնի աշխատակիցները կկարողանան աշխատավարձ ստանալ միայն մարտին:

Ստեղծված իրավիճակով մտահոգված աշխատակիցները բաց նամակով դիմել են Հայաստանի առողջապահության նախարար Արսեն Թորոսյանին: Նամակում նրանք խնդրում են պարզել տեղի ունեցածը, քանի որ շատ դժվար է 2 ամիս առանց փողի մնալը, առավել եւս՝ ձմռանը:

Բուժաշխատողները նախարարությունից առայժմ պատասխան չեն ստացել:

med.news.am

Հաղորդում հանցագործության մասին.Մարինա Խաչատրյան

24.07.2020

«Լավ վերջապես ինչպե՞ս անենք, որ սա գնա իր լոբին մաքրելու և հանգիստ թողնի մեզ իր խաղաղասրական կոչերով».Անի Կաղինյան

25.07.2020

«ՀՀ հպաաաարտ քաղաքացին համբուրում էր մի ուրիշ ոչ պակաս հպաաաարտ քաղաքացու հետույքը».Նարեկ Մալյան

25.07.2020

Ի՞նչ գործ ուներ Մարիամ Փաշինյանը Հայկ Սարգսյանի հետ Սևանում. վարչապետը տեղյակ է եղել White Shorja լողափի հավաքույթից.«Իրավունք»

29.07.2020

«Ստախոս Մակունցին տեղեկացրեք, որ մի պահ եղած մարդը տեղում համակարգչով սեփական բիզնեսից ստացված եկամուտները չի հաշվարկում».Արսեն Բաբայան

27.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով