Արմինե Սահակյանը ֆեյսբուքյան իր էջում անդրադարձել է ՀՀ վարչապետի տիկին, «Իմ քայլը» և «Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանի վերջին մամուլի ասուլիսին.
Արմինե Սահակյանը գրել է.
«Բարեգործության ոլորտում խարդախությունների վերաբերյալ մամուլի ասուլիսի ժամանակ բարձրացվեցին ծախսերի և մուտքերի թափանցիկության և ամբողջական հաշվետվության վերաբերյալ թեմաներ: Չնայած նրան, որ մեր առաջին տիկինը, ըստ էության, հրաժարվեց «Իմ քայլը» հիմնադրամի նվիրատուների վերաբերյալ զեկույցը տրամադրել, նայել եմ «City of Smile» հիմնադրամի հաշվետվությունը: Եվ ցանկանում եմ բարձրացնել հետևյալ հարցերը.
1. Ի՞նչ են նշանակում ծրագրային ծախսերը և որտե՞ղ են դրանք գնում:
2. Այդ ի՞նչ վարչական ծախսեր են, որոնք հաշվվում են միլիոններով:
3. Ինչո՞ւ են որոշ դեպքերում նվիրատուները գումար նվիրաբերում օրական երկու, անգամ երեք անգամ:
4. Ինչո՞ւ չկան փաստաթղթեր, պայմանագրեր և կտրոններ:
Տարօրինակ է հասարակությունից պահանջել, որպեսզի կանաչի վաճառողից խնդրեն կտրոնը, մինչդեռ նրանք շրջանցում են հասարակությանը ընդհանուր թվերով, որոնք բավականին տարօրինակ են թվում, և ցանկությամբ, որպեսզի իրենց խոսքերին հավատան:
Միևնույն օրը նույն նվիրատուների փոխանցած կրկնվող գումարների վերաբերյալ ես կցանկանայի մի բան ճշտել. եթե դա տպագրական սխալ է, ինչո՞ւ է վերջնական թիվը համընկնում: Եթե տպագրական սխալ չէ, նշանակում է՝ հաշվետվությունն այնքան է՞լ անկեղծ չէ կազմված: Հարցեր, հարցեր…»:
