Կառավարությունն՝ ընդդեմ գյուղացու
Նախ փոքրիկ տեղեկանք տամ:
2018-ին գյուղատնտեսական համախառն արտադրանքի ամենամեծ տեսակարար կշիռն ընդհանուրի մեջ արձանագրվել է Արմավիրի մարզում՝ 19,8 %, իսկ ամենաքիչը՝ Վայոց Ձորում՝ 2,5 %:
Երևանն ընդհանուրի մեջ, բնականաբար, ամենաքիչն է՝ 1,3 %:
Հիմա խնդրի մասին:
Գյուղատնտեսական համախառն արտադրանքի ծավալը 2018-ին 2017-ի համեմատ նվազել է 7,6 տոկոսով: Սրա ուղղակի պատասխանատուն կառավարությունն է, որը գյուղատնտեսական աշխատանքների ամենապիկ սեզոնին՝ ամռանը, ոռոգման ջրից զրկեց գյուղացիական տնտեսություններին, որոնք հիմա նոր վարկային բեռի տակ են ընկել:
Կառավարությունը չի՞ ուզում սեփական սխալն ուղղել: Կարելի է, օրինակ, որոշակի հարկային պարտավորությունից ազատել նրանց կամ վարկի մարման հետաձգում կազմակերպել, բայց այդպես էլ կարող է բյուջեի մուտքային մասը տուժել, ինչպես նաև խնդիրներ կունենան բանկերը:
Ահա այսպիսի վատ վիճակի մեջ է դնում տնտեսության կարևոր ճյուղը կառավարությունն իր պոպուլիստական ու անհեռատես քաղաքականությամբ:
Անդրանիկ Թևանյանի ֆեյսբուքյան էջից
