«Ցեղասպանությունը քաղաքական սուտ է». Անկարայում արձագանքել են Մակրոնի՝ Ֆրանսիայում ապրիլի 24-ը Հայոց ցեղասպանության հիշատակի օր հռչակելու որոշմանը.tert.am

Թուրքիան խստորեն դատապարտել է Ֆրանսիայի նախագահ Էմանուել Մակրոնի՝ Ֆրանսիայում ապրիլի 24-ը Հայոց ցեղասպանության հիշատակի օր հռչակելու մասին որոշումը: Այդ մասին հայտարարել է Թուրքիայի նախագահ Ռեջեփ Թայիփ Էրդողանի խոսնակ Իբրահիմ Քալընը, փոխանցում է CNN Turk-ը:

Նա նշել է, որ «այսպես կոչված Հայոց ցեղասպանության» մասին պնդումները «ոչ մի իրավական հիմք չունեցող, պատմական փաստերին հակասող քաղաքական սուտ են»:

Քալընի խոսքով՝ Առաջին համաշխարհային պատերազմի տարիներին տեղի ունեցածն «ընդհանուր ցավ» է, և Թուրքիան շարունակելու է աջակցել պատմական դեպքերն այդ տեսանկյունից ներկայացնող և «բարի նպատակներ» հետապնդող նախաձեռնություններին:

«Ոչ ոք չի կարող մեղադրել Թուրքիային չիրագործած մեղքի համար և բիծ թողնել մեր պատմության վրա: Իր երկրում քաղաքական խնդիրներ ունեցող հարգելի Մակրոնի՝ օրակարգը փրկելու ջանքերից դրդված պատմական իրադարձությունները քաղաքական շահարկումների ենթարկելու քայլը մերժում և խստիվ դատապարտում ենք», — ասել է Էրդողանի խոսնակը:

Նշենք, որ ապրիլի 24-ը Ֆրանսիայում Հայոց ցեղասպանության հիշատակի օր հռչակելու մտադրության մասին Էմանուել Մակրոնը հայտնել է դեռ ամիսներ առաջ, երբ կնոջ՝ Բրիջիտ Մակրոնի ուղեկցությամբ Երևանում գտնվող «Շառլ Ազնավուր» կեցավայր այցելության շրջանակում խոսել է այդտեղ մեծն շանսոնյեի հետ չկայացած հանդիպման և Հայոց ցեղասպանության ճանաչման համար Շառլ Ազնավուրի մղած պայքարի մասին՝ նշելով, որ Ֆրանսիայում ապրիլի 24-ը կհիշվի որպես Հայոց ցեղասպանության հիշատակի օր:

«Ֆրանսահայերի պատմությունը Ֆրանսիայի պատմությունն է: Եվ քանի որ Հայոց ցեղասպանությունը մեր հիշողությունների մասն է կազմում, ապա Հայոց ցեղասպանության հիշատակը պետք է հարգվի նաև մեր հանրապետությունում:

Ձեզ հետ միասին ես նույնպես ուժերիս ներածին չափով կպայքարեմ ժխտման ցանկացած դրսևորման դեմ, որն անարգում է զոհերի հիշատակն ու ողջերի արժանապատվությունը», — նշել է Մակրոնը Ֆրանսիայում հայկական ընկերությունները համակարգող խորհրդի կազմակերպած ամենամյա ընթրիքի ժամանակ:

Թուրքական մամուլը Ֆրանսիայի նախագահի նման որոշումը որակել էր «սենսացիոն, սադրիչ և սկանդալային»:

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով