Պետք է կառուցել այնպիսի պետություն, որտեղ այլևս երբեք չլինեն մարտիմեկյան առճակատումներ.ԱՐՄԵՆՊՐԵՍ

Գերագույն խորհրդի նախկին պատգամավոր Ազատ Արշակյանը 2008 թվականի մարտի 1-ը համարում է ժողովրդավարության հաղթանակի օր:

«Մարտի 1-ին՝ օրվա սկզբին, պետք է հիշատակի արարողություն իրականացվի՝ նվիրված զոհված 10 քաղաքացուն, ապա տոնախմբություն՝ նվիրված ժողովրդավարության հաղթանակին»,- «Արմենպրես»ի հաղորդմամբ, հրավիրված ասուլիսում այս մասին ասաց Արշակյանը:

«Ռեֆորմիստներ» կուսակցության նախագահ Վահան Բաբայանը կարևորում է պատմական այն իրադարձությունները, որոնք տեղի են ունենում ժողովրդավարության պայքարում:

«Իհարկե, պետք է հարգել բոլոր այն զոհերի հիշատակը, ովքեր իրենց կյանքն են տվել այդ ցավալի իրադարձությունների ժամանակ: Սակայն կարծում եմ, որ այստեղ որոշ հարցեր կան: Փողոցները քանդելով, մեքենաներ այրելով հնարավոր չէ ժողովրդավարություն հաստատել»,- ասաց Բաբայանը և հավելեց, որ 2008 թվականի մարտի 1-ի դեպքերի վերաբերյալ այդ հարցում չկա մեկ տեսանկյուն, պետք է բոլոր տեսանկյուններն էլ հարգել:

Նրա խոսքով՝ եղել են մարդիկ, ովքեր իրենց կյանքի գնով են պայքարել, որպեսզի իրենց խոսքը հաղթի, բայց կա պետություն, որը պետք է միշտ լինի առաջնահերթ:

«Եթե չունենանք պետություն և  քայքայենք դրա հիմքերը՝ մենք չենք ունենա ոչինչ: Մենք պետք է հստակ հասկանանք, որ միայն ժողովրդավարության դրոշը բարձրացնելով պետություն չենք ստեղծի: Պետք է հաշվի առնել նաև անարխիկ երևույթների հետևանքները»,- ասաց «Ռեֆորմիստներ» կուսակցության նախագահը: Բաբայանը հավելեց, որ այսքան տարի անց պետք է փակել պատմության այդ դուռը և մարտի 1-ի իրադարձությունները պետականորեն չնշել, երթեր չանել, քաղաքական ուղերձների հարթակ չդարձնել:

Կուսակցության նախագահը շեշտեց, որ պետք է հարգել զոհերի հիշատակը ու փորձել կառուցել այնպիսի պետություն, որտեղ այլևս երբեք չլինեն նման առճակատումներ և անհանդուրժողականություն:

Քաղտեխնոլոգ Կարեն Քոչարյանը նշեց, որ մարտի 1-ի իրադարձությունները չպետք է մոռանալ, դրանք պատմության մի մասն են, բայց այդ ամենը չպետք է քաղաքականացվի:

«Այդ իրադարձությունների գործը պետք է գնա միայն իրավական հարթության ուղղությամբ և հենց այնտեղ էլ լուծվի: Այնտեղ էլ պետք է փակվի և արդեն բացվի մարտի 2-ի էջը Հայաստանում»,- ասաց Քոչարյանը:

Նա ճիշտ է համարում երթ իրականացնելը, որը հարգանքի տուրք է զոհվածների հիշատակին, սակայն չհամաձայնեց Ազատ Արշակյանի հետ, որ պետք է տոնախմբություն իրականացնել:

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Друзья переслали мне сегодняшний пост Тиграна Кеосаяна об Армении, Николе и Серже.Армен Ашотян

10.08.2020

«բարսեղյան լևոնիկ,մյուս անգամ, Սերժ Սարգսյանի անունը ռեխիցդ արտաբերելուց լեզուդ անպայման կկծես ու նոր կբառաչես». Հովհաննես Խաչատրյան

08.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Ավտովթարի հետևանքով մահացել է դերասաններ Արմեն Մարությանի ու Ալլա Վարդանյանի դստեր ընտանիքը

10.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով