Դատարանը համաներում կիրառեց Պավել Մանուկյանի և Վարուժան Ավետիսյանի նկատմամբ մեղադրանքներից մեկով

Երևան քաղաքի ընդհանուր իրավասության դատարանը համաներման հիմքով որոշում կայացրեց ոստիկանության պարեկապահակային ծառայության գունդը գրաված զինված խմբի անդամներ Պավել Մանուկյանի և Վարուժան Ավետիսյանի նկատմամբ Քրեական օրենսգրքի 35-225 հոդվածի առաջին մասով քրեական հետապնդումը դադարեցնել:

Փետրվարի 13-ին կայացած դատական նիստից հետո որոշումը հրապարակեց դատավոր Մեսրոպ Մակյանը՝ պարզաբանելով կայացված որոշումը. «Հրապարակվել էր համաներման մասին օրենքը և համապատասխան դրույթ կար, որը վերաբերվել էր նաև քննվող քրեական գործով (ՊՊԾ գնդի գրավման գործով- խմբ.) անցնող անձանց:

Կոնկրետ որոշակի մեղադրանքների առումով պահանջվում էր տուժողների դիրքորոշումը, իսկ նախորդ դատական նիստին արդեն ունեցանք դիրքորոշում, մասնավորապես՝ Վալերի Օսիպյանի (ՀՀ ոստիկանապետ-խմբ.), իսկ այսօր նաև Վարդան Եղիազարյանի (ՀՀ նախկին փոխոստիկանապետ- խմբ.) մասով, ըստ որի՝ այդ մեղադրանքներով գործի քննությունը պետք է շարունակվի:

Ինչ վերաբերվում է քրեական օրենսգրքի 35-225 հոդվածներին, որոնցով մեղադրանքներ էին առաջադրված նաև Վարուժան Ավետիսյանին և Պավել Մանուկյանին, այստեղ համաներման օրենքը տուժողների համաձայնություն չէր նախատեսել, հետևաբար դատարանը որոշում ընդունեց այս մեղադրանքներով քրեական հետապնդումը նրանց նկատմամբ դադարեցնել»:

ՀՀ քննչական կոմիտեն քրեական գործ էր հարուցել ՀՀ քրեական օրենսգրքի 35-225 հոդվածով (հրապարակային միջոցառումների անցկացման վայրերում զանգվածային անկարգությունների նախապատրաստություն), որի շրջանակներում 2015թ. ապրիլի 24-ին հրապարակային միջոցառումների անցկացման վայրում զանգվածային անկարգություններ կատարելու համար ձերբակալվել էին Վարուժան Ավետիսյանը, Պավել Մանուկյանը, Գևորգ Սաֆարյանը, Ժիրայր Սեֆիլյանը։ Հետագայում նրանց վերը նշված հոդվածով մեղադրանք էր առաջադրվել:

Друзья переслали мне сегодняшний пост Тиграна Кеосаяна об Армении, Николе и Серже.Армен Ашотян

10.08.2020

«Քոչարյան Անդրանիկի ականջին շշնջացեք, որ շուտով Սերժ Սարգսյանի անմիջական մասնակցությամբ մեր երկրի կիսաբաց լուսամուտը ամբողջությամբ կբացվի…».Արմեն Աշոտյան

09.08.2020

Ավտովթարի հետևանքով մահացել է դերասաններ Արմեն Մարությանի ու Ալլա Վարդանյանի դստեր ընտանիքը

10.08.2020

Աղետի գոտու 1994-96թթ. թալանը ուսումնասիրող փաստահավաք խմբի կողմից հարցեր Անդրանիկ Քոչարյանին. Կարապետ Պողոսյան

10.08.2020

«Արա, դուք գետինը չեք մտնո՞ւմ, դուք չեք ամաչո՞ւմ»․ Արամ Գևորգյանը՝ Հայկ Մարությանի ու Գարիկ Պապոյանի մասին

13.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով