Արարատի մարզպետն իր քրոջ ամուսնուն տեղավորել է աշխատանքի

Загрузка...

Արարատի մարզպետ Գարիկ Սարգսյանն իր քրոջ ամուսնուն աշխատանքի է տեղավորել Արտաշատի Ջրօգտագործողների ընկերությունում՝ որպես Վեդու ՋՕԸ-ի պետ: Ինքը՝ 32 ամյա Սահակ Առաքելյանը, ով մինչ այդ երբևէ աշխատանք չի ունեցել, հերքում է իր նշանակման գործում մարզպետի «ամագ» ունենալու հանգամանքը:

 168.am-ի հետ զրույցում նա ասաց, որ մարզպետի հետ այդ թեմայի շուրջ զրույց չի ծավալել, պարզապես տեսել է՝ թափուր հաստիք կա, զուտ պետությանն օգտակար լինելու անհագ մղումով դիմել է «Արտաշատի» ՋՕԸ, որպեսզի գա ու ժողովրդին ծառայի: Կառավարման փորձի պակասից չկոմպլեքսավորվող նորահայտ պաշտոնյան վստահեցնում է՝ փողի խնդիր չունի, ասում է ՝ «Մոսկվայում թողել եմ քարի 2 սեփական արտադրամասս ու ավտոտեխսպասարկման բիզնեսս, եկել եմ, որպեսզի ծառայեմ ժողովրդիս»:

Հետաքրքրվեցինք՝ այդ դեպքում ինչո՞ւ պետությանն ու ժողովրդին ծառայելու սուրբ գործը չսկսել ավելի բարձր իրավասություն ունեցող օղակներից, մանավանդ, որ աներորդի Գարիկ Սարգսյանի ղեկավարած մարզպետարանում իր նշանակումից հետո աշխատակազմի ղեկավարի հաստիքը թափուր է մնացել, Սահակ Առաքելյանն այսպես պատասխանեց.

«Որովհետև փորձի ու գիտելիքների պակասի հարց կա, ի վերջո, պետական համակարգում պետք էր սկսել մի տեղից»:

Սահակ Առաքելյանը դեռևս պատկերացում չունի, թե ինչ է անելու, որպեսզի հաջողի գործում։ Անցյալ ուրբաթ նշանակվելուց հետո հասցրել է միայն խնդիրները գույքագրել:

Ի դեպ, Սահակ Առաքելյանը մարզպետի բարեկամների շրջանում միակը չէ, ով անուղղակիորեն օգտվել է նրա հետ ունեցած ազգակցական կապերի հանգամանքից: 168.am-ի տեղեկություններով՝ Գարիկ Սարգսյանը մարզպետ նշանակվելուց հետո իր հետ մարզպետարան է բերել առնվազն 3 բարեկամների: Մորաքրոջ հարսը՝ Լիլիթ Միրզախանյանը, ով միաժամանակ կատարում է աշխատակազմի ղեկավարի գործառույթները, նշանակված է մարզպետի խորհրդական, մարզպետի օգնականի հաստիքը զբաղեցնում է Գարիկ Սարգսյանի քեռու տղան՝ Գևորգ Մանուկյանը, իսկ փոխմարզպետներից մեկը մարզպետի կնոջ հորեղբոր աղջկա ամուսինն է:

Օգտվելով առիթից՝ մարզպետարանում բարեկամական կապերի մասին փորձեցինք ճշտել Գարիկ Սարգսյանի քրոջ ամուսնուց, սակայն Սահակ Առաքելյանը ոչ հերքեց, ու ոչ էլ հաստատեց մեր տեղեկատվությունը՝ պատճառաբանելով, թե այսքան ժամանակ մի անգամ է եղել մարզպետարանում՝ Գարիկ Սարգսյանին շնորհավորելու առիթով, հետևապես՝ միջանցքներում խնամիական կապեր ունեցողներին չէր հասցնի հանդիպել:

Սահակ Առաքելյանից հետաքրքրվեցինք, թե ումից և ինչ ծառայության դիմաց է մարզպետ Գարիկ Սարգսյանը «Պրադո» մակնիշի սև «Ջիփ» ավտոմեքենա նվեր ստացել, որով շրջել է հատկապես Նոր տարվա օրերին:

Սահակ Առաքելյանն ասաց, որ դա իրականում իր ջիփն է եղել՝ 2006թ. արտադրության, իսկ մարզպետն օգտվել է իր ավտոմեքենայից միայն այն պատճառով, որպեսզի տոնական օրերին պետական ծառայողական մեքենան չշահագործվի:

Սահակ Առաքելյանը պնդում է, որ մարզի բնակչությունը գոհ է Գարիկ Սարգսյանի աշխատանքից, սակայն պնդումը հիմնավորող որևէ փաստարկ այդպես էլ չկարողացավ վկայակոչել: Դատական մի քանի հայցերով և նախընտրական միջադեպի սկանդալում մարզպետի ներգրավվածությանը փեսան նորմալ է վերաբերվում, ասում է՝ արդարությունը կհաղթի դատարանում:

Հիշեցնենք, հեղափոխությունից հետո ՀՀ վարչապետ Նիկոլ Փաշինյանի գլխավորած «Քաղաքացիական պայմանագիր» կուսակցությունից Արարատի մարզպետ նշանակված Գարիկ Սարգսյանը մինչև կոկորդիլոս բուծելու գաղափարով հայտնի դառնալը ՝ իր «էքսցենտրիկ վարքագծով» աչքի էր ընկել մեկ այլ առիթով: Նա, հեղափոխությունից հետո, միակ պաշտոնյան է, որ առնվազն 6 դատական հայցով ներգրավված է դատական քաշքշուկների մեջ:

Հիշեցնենք, մարզպետի պաշտոնը ստանձնելուց հետո նա իր մոտ էր կանչել Արտաշատի, Մասիսի և Վեդու բժշկական կենտրոնների ղեկավարներին և ազատման դիմումներ գրելու «հանձնարարություն տվել», ինչն էլ այս օրերին մի քանի հայցերով վիճարկվում է դատարաններում:

Սյուզի Բադոյան

168.am

Նմանատիպ նորություններ

Շուտով տրանսգենդերների իշխանություն կունենաք․ Պավլ... Սասնա Ծռեր խմբավորման անդամ Պավլիկ Մանուկյանը, խոսելով ներկայիս իշխանությունների վարած քաղաքականության մասին ցեղասպանության հարցի հետ կապված, ասաց...
Աղբահանության խնդիրը մնում է չլուծված... Ահազանք Դավիթաշեն գյուղից: Բնակիչները բողոքում  են,որ  արդեն մեկ շաբաթ է աղբահանության մեքենա չի մտնում   Դավիթաշեն գյուղ: «Աղբի սարերը ,որ ...
Այսօր, գլուխ խոնարհելով մեր անմեղ զոհերի հիշատակի ... Այսօր, գլուխ խոնարհելով մեր անմեղ զոհերի հիշատակի առջև, մենք արձանագրում ենք մեր ժողովրդի բացառիկ միասնականությունն ու կամքը՝ կառուցելու ազատ, խաղ...
ՀՀ երրորդ նախագահ Սերժ Սարգսյանը այցելել է Ծիծեռնա... ՀՀ երրորդ նախագահ Սերժ Սարգսյանը կուսակիցների հետ այցելել է Ծիծեռնակաբերդ՝ հարգելու Հայոց ցեղասպանության զոհերի հիշատակը: Սերժ Սարգսյանի հետ է ...
Նա մնացել է այն ղեկավարը, ով կարող է իր շուրջը հավ... Սերժ Սարգսյանին Ծիծեռնակաբերդում նկարող տասնյակ տեսախցիկներն ապացույցն էին այն բանի, որ նրա անձի հանդեպ լրագրողների հետաքրքրությունը եռապատկվել է,...
«Ո՞վ է Պեսկովը, չգիտեմ… հա՜, մամուլի խոսնա՞կը. չէ`... «Հրապարակ» թերթը գրում է. «Ասում են` խմբակցությունում ծանր են տարել Ձեր բարձրաձայնած միտքը, որ անհրաժեշտություն կա ռուսական ալիքների հեռարձակումը ...
«Ժամանակ». ԵՊՀ ռեկտորն ուզում է ցույց տալ, որ իր հ... «Ժամանակ» թերթը գրում է. «Նախօրեին վարչապետ Նիկոլ Փաշինյանի Երեւանի պետական համալսարան այցից առաջ համալսարանի ռեկտորատ է այցելել նրա օգնականներից ...
«Նա այդ սկզբունքով թերթ է ղեկավարել… հիմա էլ` պետո... Տեղյակ ենք` -Մարդը` իր ենթագիտակցական համակարգով` -Չակրաներով, քվանտային արձագաքներով. -Կախված է իր բնավորության առաջնային գծից. Հ.Գ. -Եթե գտ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...