Անանյանը ստել է lurer.com

Ինչպես հայտնի է՝ ՊԵԿ նախագահ Դավիթ Անանյանը աստղաբաշխական պարգևատրումներից հետո հայտարարեց, որ պարգևատրվել են բոլոր հարկային ծառայողները. իրենից սկսած՝ մինչև տեսուչ և հավաքարար: 

«Ինչ որ կատարվել է, ինչ որ հաշվարկվել է, կատարվել է բացառապես օրենքի շրջանակներում: ՊԵԿ-ը մյուս պետական մարմիններից տարբերվում է նրանով, որ իր  պարգևատրումների ֆոնդը շատ ավելի մեծ է և ավելի մեծ պարգևատրումներ վճարելու հնարավորություն ունի»,— հայտարարեց Անանյանը:

ՀՀ ՊԵԿ նախագահի 2-րդ և 3-րդ տեղակալներին կից Սպասարկման և Իրավաբանական վարչությունների աշխատակիցները, սակայն, մեզ ուշագրավ տեղեկություններր հայտնեցին:

Աշխատակիցների փոխանցմամբ ՊԵԿ նախագահի վերոնշյալ հայտարարությունը, թե բոլորն անխտիր պարգևատրվել են կամ հավելավճարներ են ստացել, իրականության հետ որևէ աղերս չունի. «Մենք ոչ մի պարգևավճար չենք ստացել, երանի չէ՞ր՝ մենք էլ ստանայինք: Ստացել են միայն էն վերևի օղակները»: 

Մեր այն դիտարկմանը, որ որոշ վարչությունների անդամներ գոնե 10.000 դրամ են ստացել,  օղու, կոնյակի և չրի հետ միասին, նրանք դա՞ էլ չեն ստացել, ՊԵԿ աշխատակիցները հաստատեցին, որ շատերը դա էլ չեն տեսել:

Այն հարցին, թե այդ ի՞նչ սկզբունքով է պարգևատրվել ՊԵԿ վերնախավը, աշխատակիցները պարզաբանեցին. «Շատ սովորական. Անանյանը հայտարարել էր, որ դա իր նոյեմբեր և դեկտեմբեր ամիսների աշխատավարձներն են ու պլյուս՝ տարեվերջյան պարգևատրումը, սակայն կիսատ է ասված: Վերին օղակն իրեն 100%-ով պարգևատրել է և՛ նոյեմբեր ամսվա աշխատավարձի հետ միասին, և՛ դեկտեմբեր ամսվա աշխատավարձի հետ, այսինքն, եթե Անանյանն ստանում է շուրջ 800.000 դրամ աշխատավարձ, ապա այդ կրկնակի պարգևատրումներով կազմում է 3.200.000 դրամ ու + մի քանի միլիոն հավելավճար: Դե, պատկերացրեք արդեն»:

Մենք տվյալ աշխատակիցներից հետաքրքրվեցինք նաև ՊԵԿ-ում զանգվածային կրճատումների և Անանյանի ու իր տեղակալ Շուշանիկ Ներսիսյանի մտերիմների ներհոսքի մասին: Նրանք հաստատեցին տեղեկությունը, նշելով, որ բարձր միավորներ վաստակած մարդկանց անհարկի կտրում են քննություններից՝ «ծանոթներին աշխատանքով ապահովելու համար»:

Արմինե ՄԻՔԱՅԵԼՅԱՆ

«ԿԳՄՍ նախարարությունը թույլ չի տվել, որ ես Հանրապետության հրապարակում ռեկորդ սահմանեմ». Գինեսի եռակի ռեկորդակիր.168.am

21.09.2020

Սա ապրիլյան պատերազմը չէ: Այս պատերազմն Ադրբեջանը գաղտագողի չի սկսել

27.09.2020

Գավառի ոստիկանապետին ծեծի են ենթարկել. նրան շտապ տեղափոխում են Երևան.ArmLur.am

25.09.2020

Մի քանի ժամից Նիկոլ Փաշինյան պրոյեկտը, Արցախի հարցում բացահայտված անհերքելին փորձելու է հերքել՝ գավառական խորամանկությամբ.Գևորգ Գևորգյան

26.09.2020

«Բենդերի» օնլայն արկածները ՄԱԿ-ում

22.09.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով