Այս օրհներգի ժամանակ մեր պետությունն ընդլայնել է իր տարածքները.iravunk.com

ԱԺ փոխնախագահ Ալեն Սիմոնյանն օրեր առաջ տեղեկացրել էր, որ մտադիր է նախաձեռնությամբ հանդես գալ` ՀՀ օրհներգը փոխելու եւ Արամ Խաչատրյանի գրած օրհներգին վերադառնալու վերաբերյալ: Վերջինս նշել էր, որ նախաձեռնելու է քննարկումներ, որից հետո հենց նրա կողմից սոցցանցում տրվեց այդ քննարկումների մեկնարկը: Թեման բավական բուռն արձագանք գտավ, վերջինս էլ ասաց, թե չի պատրաստվում խմբակցությունում այն օրակարգային քննարկման հարց դարձնել: Ապա նաեւ անդրադարձավ դրոշին, որ պետք է վրան խաչ ավելացնել, հետո էլ ինքն իրեն հերքեց, թե ընդամենը սարկազմ էր: Ի վերջո, արդյոք սա կեղծ օրակարգ էր, որն առաջ բերվեց, եւ ի՞նչ նպատակ էր իրականում հետապնդում, «Իրավունքը» պարզեց ԱԺ հինգերորդ գումարման պատգամավոր, Ռեֆորմիստների կուսակցության նախագահ ՎԱՀԱՆ ԲԱԲԱՅԱՆԻ տեսակետը: Ի տարբերություն շատերի, Վ. Բաբայանը չի կարծում, թե սա կեղծ օրակարգ էր, որն արվում է ինչ-որ հարցերից մարդկանց ուշադրությունը շեղելու համար:

– Սա ծեծված մոտեցում է, ընդհակառակը` սրանք հենց օրակարգային խնդիրներ են, որովհետեւ յուրաքանչյուր պետություն, որում տեղի են ունենում տրանսֆորմացիաներ, դրանք բերում են սիմվոլիկայի փոփոխության: Ընդհանրապես` սիմվոլիկան մեծ գիտություն է, որն ազդում է մարդկանց հոգեբանության վրա եւ պետությունների տրանսֆորմացիայի ժամանակ համարվում է կարեւորագույն ատրիբուտ: Այնպես որ, երբեք չմտածեք, որ սրանք պատահական հայտարարություններ են կամ արվում են որեւէ կարեւոր բանից մարդկանց շեղելու համար: Սա շատ կարեւոր հարց է, որովհետեւ «Մեր հայրենիքը» հաղթող պետության հիմնն է, որը հաղթել է արցախյան ազատագրական պայքարում: Այս օրհներգի ժամանակ մեր պետությունն ընդլայնել է իր տարածքները, որը չի եղել հազարավոր տարիներով, երբ միայն կորուստներ էինք ունենում: Սա մի օրհներգ է, որի օրոք մոտ 700 տարվա ընդմիջուցմից հետո ձեռք ենք բերել անկախություն: Փոխել մի հիմն, որի ժամանակ ունեցել ենք անկախություն, ազատագրական պայքարում հաջողություններ, որպես պետություն կայացել ենք, առանձին հայացքից անլուրջ է: Բայց իրականում նրանք, ովքեր այսօր փորձում են ապացուցել, որ իրենք ուզում են ինչ-որ լավ բան անել, երկիրը փոխել, դրական տեղաշարժեր ապահովել, պետք է սիմվոլիկ փոփոխություններ անեն, որպեսզի մարդիկ հասկանան, որ ինչ-որ բան փոխվել է: Ի վերջո, շատ անգամ վիզուալ փոփոխությունները մարդիկ ավելի շատ են տեսնում եւ ընկալում, քան ոչ վիզուալը: Չէ որ պետությունը կամ կառավարությունը կարող է շատ լավ գործեր անել, բայց մարդիկ չտեսնեն, չհասկանան, չպատկերացնեն: Մինչդեռ երբ ամեն օր տեսնեն, որ հիմնը, գերբը փոխվել է, հոգեբանորեն բոլորը կսկսեն հավատալ, թե հեղափոխություն է եղել, չնայած որեւէ հեղափոխություն չի եղել, այլ ընդամենը` իշխանափոխություն:

ՀՐԱՆՏ ՍԱՐԱՖՅԱՆ

Հ.Գ.- Վ. Բաբայանի հետ «Իրավունքի» հարցազրույցը կարդացե՛ք թերթի չորեքշաբթի օրվա համարում:

Ի՞նչ գործ ուներ Մարիամ Փաշինյանը Հայկ Սարգսյանի հետ Սևանում. վարչապետը տեղյակ է եղել White Shorja լողափի հավաքույթից.«Իրավունք»

29.07.2020

Բոլոր ծախսերը վերցնել ինձ վրա․ Միայն մի բան եմ խնդրում՝ հուսահատվել պետք չէ, իրավիճակը բարդ է, բայց անելանելի չէ․ Գագիկ Ծառուկյան

29.07.2020

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Թուրքիան զորք է մտցրել Նախիջևան․ հակառակորդի զորքերի և տեխնիկայի ցանկացած տեղաշարժ, ցանկացած ակտիվություն ռիսկային է

29.07.2020

Վաղարշապատի նախկին քաղաքապետ Կարեն Գրիգորյանին և համայնքապետարանի ենթակայությամբ գործող բյուջետային հիմնարկների մի քանի պաշտոնատար անձանց մեղադրանք է առաջադրվել

29.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով