1300 բժշկի ստորագրություն և 3300 էլեկտրոնային ստորագրություն. Մհեր Ենոքյանին ներում շնորհելու դեմ բժիշկների ստորագրահավաքը ներկայացվել է վարչապետին

Ցմահ դատապարտյալ Մհեր Ենոքյանին ներում շնորհելու դեմ բժիշկների ստորագրահավաքը երեկ ներկայացվել է ՀՀ վարչապետ Նիկոլ Փաշինյանին: Այս մասին Tert.am-ի հետ զրույցում ասաց սպանված Իոսիֆ Աղաջանովի քույրը՝ Ելենա Աղաջանովան:

«Երեկվա դրությամբ 1300 ստորագրություն կար բժիշկներից, սակայն դեռևս շարունակում են դիմել բժիշկներ, այդ թվում՝ նաև մարզերից, որոնք ցանկություն են հայտնում միանալ ստորագրահավաքին»,-ասաց նա և նշեց, որ բացի բժիշկներից, այլ քաղաքացիներ ևս ցանկանում էին միանալ ստորագրահավաքին:

«Մարդիկ, որոնք բավականին լուրջ ներդրում ունեն ամենօրյա պետության աշխատանքի մեջ, իրենց դիրքորոշումն են հայտնել` նշելով, որ ներում չպետք է տրվի»,- ասաց նա:

Ելենա Աղաջանովան նշեց նաև, որ ֆեյսբուքում էլեկտրոնային ստորագրահավաք են կազմակերպել և երեկվա դրությամբ այդ ստորագրահավաքին միացածների թիվը 3300 էր, ինչը ևս հանձնել են վարչապետին:

«Կարծում եմ, որ մեր երկրի նախագահը, վարչապետը պետք է շատ լուրջ մոտենան այս հարցին և ոչ թե միայն հետևեն ներման հանձնաժողովի կարծիքին, մանավանդ որ կան քաղաքացիներ, որոնք համաձայն չեն ներման որոշման հետ:

Ներման պրոցեսը բարոյական պրոցես է, իրավական չէ, և երկրի ղեկավարությունը դրա վրա պետք է ուշադրություն դարձնի»,- ասաց նա:

Դիտարկմանը, թե մյուս կողմը պնդում է, որ դա իրավական խնդիր է, և իրենք գնում են իրավական լուծման, նա ասաց, որ եթե դա լիներ իրավական խնդիր, իրենք կդիմեին դատարան, ոչ թե ներման, առավել ևս, երբ մարդը չի զղջացել: 

Հեղինակ Լիանա Առաքելյան

tert.am

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Կապանում ճակատ-ճակատի բախվել են Lexus-ն ու Нива-ն. կա վիրավոր

30.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով