Քանի Մայիս պապայի հիմնադրամը կա, Արամը սոված չի մնա.iravunk.com

«Իրավունք»-ի ֆեյսբուքյան  պաշտոնական էջին օգտատեր, լրագրող Ադրինե Թորոսյանը ուղարկել է հետաքննական նյութ, որը ներկայացնում ենք ստորեւ.

Լուսանկարում Մայա Մուրադյանն է՝ ամուսնու՝ «Քաղաքացիական պայմանագիր» կուսակցության Լոռու մարզային կառույցի ղեկավար, ՔՊ-ով նախ՝ Լոռու փոխմարզպետի պաշտոնում, ապա՝ «Իմ քայլը» դաշինքով  խորհրդարանում հայտնված Արամի Խաչատրյանինախընտրական պաստառի ֆոնին:

Թերևս այս ընտանիքը ոչնչով չգրավեր մեր ուշադրությունը, եթե չլինեին Արամ Խաչատրյանի հոր ՝ ՀՀԿ-ականցված Լոռու մարզպետարանում երկարամյա կրթության բաժնի պետ Մայիս Խաչատրյանի հիմնադրամի գործունեության վերաբերյալ այժմ քննվող քրեական գործն ու մեր ձեռքի տակ հայտնված՝ հիմնադրամի մի քանի տարեկան հաշվետվությունները:

2017 թվականի հաշվետվությունից օրինակ պարզ է դառնում, որ Մայիս Խաչատրյանն իր տնօրինած հիմնադրամից իրեն նշանակած բարձր աշխատավարձերից բացի (տարեկան 2 492 464 դրամ), որդու ընտանիքին էլ անմասն չի թողել և տարեկան մի կլորիկ գումար էլնրանց համար է դուրս գրել (1 547 650 դրամ):

Գործը քննող իրավապահներն այս հանգամանքին չեն անդրադարձել, այլապես հարցաքննության պետք է հրավիրվեր նաև Մայիս Խաչատրյանի հարսը՝ բացատրություն տալու, թե այդ ինչ գումարներ է «աշխատավարձի» անվան տակ ստացել այդ նույն հիմնադրամից, քանի որ աշխատանքային օրվա տարբեր ժամերին մեր մի քանի այցելությունների ժամանակ հիմնադրամում նման աշխատակցուհու այդպես էլ ոչ մի անգամ չհանդիպեցինք: Ավելի ուշ պարզեցինք, որ նշված անձնավորությունը, որպես հիմնական աշխատակից,ամբողջ դրույքով զբաղված է Վանաձորի թիվ 2 դպրոցում: Դպրոցի տնօրեն Հակոբ Մամուլյանը մեզ հետ զրույցում հաստատեց այդ տեղեկատվությունը՝ նշելով.  «Մայա Մուրադյանը մեր հոգեբանն է, այստեղ աշխատում է վաղուցվանից: Մի դրույքով հոգեբան է: Մոտավորապես տասը տարի կլինի»:

Քանի որ քրեական գործի մեջ ներքաշված հիմնադրամի տնօրեն Մայիս Խաչատրյանը փակել է հիմնադրամի դռները և բացարձակապես հրաժարվում է որևէ տեղեկատվություն տրամադրել զանգվածային լրատվության միջոցներին՝ ընդհուպ հիմնադրամի կանոնադրությունն ու աշխատակազմի հաստիքացուցակը,  ինչը բաց տեղեկատվություն է և պետք է հասնելի լինի հիմնադրամի կայքում, մինչդեռ նման կայքէջ երբևէ գոյություն էլ չի ունեցել, տնօրենի հարսն էլ իր հերթին է խոսափում նույնիսկ լրագրողների հեռախոսազանգերից, միանգամից գրավոր դիմումներ ենք ուղղել պետական լիազոր մարմիններին՝

Պետեկամուտների կոմիտե, Աշխատանքի և սոցիալական հարցերի նախարարություն՝ պարզաբանում ստանալու նշված աշխատակցուհու՝ երկու աշխատատեղերում աշխատանքային հարաբերությունների ծագման, աշխատանքի վարձատրության իրավական հիմքերի, համատեղությամբ աշխատանքի դեպքում էլ՝ օրենքով սահմանված օրական 12 ժամյա դրույքաչափի և մյուս հարցերի իրավաչափության վերաբերյալ: Ակնհայտ է, որ եթե նույնիսկ նշված աշխատակցուհին ամուսնու հոր մոտ գրանցված պայմանագրային աշխատող էլ լինի, հիմնադրամում աշխատանքը դպրոցի իր հիմնական 8 ժամյա աշխատաժամանակի հետ դարձյալ համատեղելի չի լինի:

Խնդրի՝ օրինականությանը վերաբերող հարցերի շրջանակը հետաձգելով մինչև վերահսկողական լիազորություն ունեցող մարմինների եզրակացությունները, սահմանափակվենք առայժմ մեկ հարցադրմամբ՝ մարզի համատարած գործազրկության պայմաններում ոքանո՞վ է բարոյական կրթության ոլորտը անմիջականորեն ղեկավարած պաշտոնյայի կողմից իր ենթակայությամբ գործող հանրակրթական հաստատությունների աշխատակիցների աշխատավարձերից բյուջե ձևավորել՝ տարիներ շարունակ հոգալով իր և որդու ընտանիքների ապրուստը:

շարունակելի

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով