«Քաղաքացիական գիտակցություն» ՀԿ-ի ներկայացրած ֆեյքերի ցուցակի 72 տոկոսն իրական մարդիկ են

«Քաղաքացիական գիտակցություն» հասարակական կազմակերպությունը վերջերս հանդես էր եկել «Նիկոլ Փաշինյանին Ֆեյսբուքում սատարող ֆեյքերը» գլխագրով միհրապարակմամբ, որում նշվում է ավելի քան 2000 ֆեյսբուքյան կեղծ օգտատերերի մասին։

Հրապարակման հեղինակների խոսքերով, հանրային բարձր աջակցության իմիտացիա ստեղծելու համար Նիկոլ Փաշինյանը և/կամ իր կողմնակիցները ստեղծել են 2000-ից ավել կեղծ հաշիվներ, որոնք հավանում և մեկնաբանում են վարչապետի հրապարակումները, իսկ հարկ եղած դեպքում՝ տարածում դրանք։

Այս պնդումները, սակայն, կեղծ են, ինչն ապացուցվում է միաժամանակ մի քանի ցուցիչներով։

Նախ, ինչպես երևում է հրապարակումից, ուսումնասիրության հեղինակները չեն տարբերում կեղծ և իրական օգտատերերին, ինչի արդյունքում հրապարակված «ֆեյքերի ցուցակում» հայտնվել է թվով 450 իրական մարդ։

Ի դեպ, «Քաղաքացիական գիտակցություն» ՀԿ-ի հրապարակման մեջ թեև նշվում է 2000 կեղծ հաշիվների մասին, իրականում ներկայացվում են  ընդամենը 625 իբր «կեղծ» հաշիվներ, որոնցից, ինչպես արդեն նշեցինք, 450-ն իրական մարդիկ են։

Անփութությո՞ւն է սա, թե՞ միտումնավոր սխալ՝ ասել չենք կարող, սակայն նշենք, որ հրապարակված ցուցակի առաջին տասնյակներում իրոք կեղծ հաշիվներ են, իսկ իրական մարդիկ ներկայացված են հաջորդիվ։

Ինչ վերաբերում է հրապարակված սակավաթիվ կեղծ հաշիվներին, նշենք, որ դրանց մի մասը ոչ թե գովաբանում է Նիկոլ Փաշինյանին, այլ հակառակը՝ քննադատում, երբեմն էլ՝ հայհոյում։ Ցուցակում հայտնված մյուս ֆեյքերը ոչ թե «նիկոլական» են, այլ համացանցում այլ գործունեություն են ծավալում, օրինակ՝ «Ֆաբերլիկի» գովազդով են զբաղվում։

Այսպիսով, կարող ենք ասել, որ «Քաղաքացիական գիտակցություն» ՀԿ-ի հրապարակումը կեղծ է, իսկ մեղադրանքը, թե իշխանությունները բյուջետային գումարներով ֆեյքեր են պահում բարձր վարկանիշ ցուցադրելու համար՝ զրպարտանք։

Այդուհանդերձ նշենք, որ հրապարակված 625-անոց ցուցակում կա 47 կեղծ օգտատեր, որոնք մշտապես դրական մեկնաբանություններ են թողնում Նիկոլ Փաշինյանի հրապարակումների տակ։ Այս թիվը կազմում է հրապարակված ցուցակի 7․5 տոկոսը։

Վերոնշյալ կազմակերպության հրապարակած 450 իրական անձանց ցուցակը, որոնք ներկայաց իբրև ֆեյք, ներկայացնում ենք այստեղ։

fip.am

Նմանատիպ նորություններ

Զարմանալի զուգադիպությամբ ակտիվացել են հոկտեմբերի ... Զարմանալի զուգադիպությամբ ակտիվացել են հոկտեմբերի 27-հայտնի ցուցակի ներկայացուցիչները՝ Շիրխանյանը, որն իրեն վարչապետ էր կարգել, Ջհանգիրյանը, որին ...
Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրու... «Քահանայի մեղքը» (Պրեմիերա) Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրության դատին է հանձնել իր նոր «Քահանայի մեղքը» ֆիլմի անոնսը, որն իր...
Նիկոլն այլևս չի կարող քննադատելով իր հանապազօրյա հ... Նիկոլն այլևս ընդդիմադիր չէ, որ քննադատելով իր հանապազօրյա հացը վաստակի: Նիկոլը Հայաստանի ոչ բարով վարչապետն է և պետք է քարը քարին դնելով՝ ժողովրդի ...
Պարոնայք ղեկավարներ, արժան չգտա՞ք մի օր նվիրեք մեր...   Պարոնայք ղեկավարներ, արժան չգտա՞ք մի օր նվիրեք մեր որդիներին։ «Ապրիլի վերջին օրը նշում եք որպես քաղաքացու օր, իսկ պարոնայք ղեկավարներ...
Ստեփանավանում դպրոցականների էքսկուրսիան ավարտվել է... Քիչ առաջ արտակարգ դեպք է տեղի ունեցել Լոռու մարզում։ Shamshyan.com–ի հաղորդմամբ, ժամը 16։20-ի սահմաններում Արտակարգ իրավիճակների նախարարության ...
«Դիմակները հանելու ժամանակը».Վահան Բաբայան... Տուգանքից մինչև սփոփանք: 2016թ Փաշինյանը թեև կողմ քվեարկեց 1000 դրամների օրինագծին ասում էր«Պարոնայք, երբեմն տպավորություն է, որ մենք ուզում են...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով