«Փաշինյանը ձեզ թալանում է առնվազն 64 միլիարդով ավել».

Загрузка...

2018 թվականի հունվար-նոյեմբեր հատվածում՝ հեղաշրջումից հետո, ՀՆԱ-ի աճը գահավիժել է ու կազմել է 5,7%: Նույն ժամանակահատվածում գնաճը կազմել է 2,7%: ՀՆԱ-ի հարկումից գոյացող պետական բյուջեն այդ ընթացքում կազմել է 1,177 տրիլիոն դրամ: Անցած տարվա նույն ժամանակահատվածում բյուջե էր մուտքագրվել 1,108 տրիլիոն դրամ: Այսինքն՝ եքյա 69 միլիարդ ավել փող ա մտել բյուջե: Էս աճը «հեղափոխական» հանճարների ջանքերի արդյունք է: Ոչ մեկ սա նրանց ձեռքից չի կարող խլել: Հիմա լավ ա, վատ ա, էս ա: Մարդիկ չարչարվել, ասֆալտին փռել, պատերին ծեփել ու հավաքել են 69 միլիարդ ավել փող, քան նախկինում: Տոկոսային առումով սա 6,2%-ով ավել է, քան նախկինում:

Այնուամենայնիվ, կա մի փոքր խնդիր: Խնդիրն այն է, որ, հաշվի առնելով ՀՆԱ-ի աճը ու գնաճը, բյուջեի աճը պիտի լիներ ԱՌՆՎԱԶՆ 8,4%, ոչ թե վերոհիշյալ 6,2%-ը: Տարբերությունը կազմում է 24 միլիարդ դրամ: Ոնց ասեմ, որ հասկանաք: Էս 24 միլիարդն էն 24 միլիարդն է, որը հարկայինը կհավաքեր, եթե Փաշինյանի ասած «իներցիոն բյուջեն» հավաքվեր իներցիոն մեթոդներով: Բայց քանի որ մեթոդներն իրողությունների հետ մեկտեղ փոխվել են, հավաքվել է 24 միլիարդով ավելի ՔԻՉ, քան պիտի հավաքվեր: Էլ ավելի մատչելի ասեմ՝ կա հարկ, որը չի հավաքվել: Այսինքն՝ էն հանրահայտ ստվերային տնտեսությունը Փաշինյանի օրոք աճել է մոտավորապես 100 միլիարդ դրամով, որի հարկումից պիտի գոյանար հենց էդ 24 միլիարդը: Հասկացա՞ք: Մարդն ասում է՝ երկրում կոռուպցիա չկա, օլիգարխ չկա, այնինչ իր իսկ վիճվարչության տվյալները պնդում են, որ ոչ միայն կա, այլ նաև աճել է Սերժ Սարգսյանի կառավարման օրերի համեմատ:

Ու սա շատ տրամաբանական է, որովհետև չի կարա ամեն ինչ երկրում լինի ավելի վատ, քան Սերժի օրոք, իսկ հարկահավաքը լինի ավելի լավ, ինչքան էլ կլոունություն անի մեր գերագույն գլխավոր խմբագիրը: Սա էլ ավելի տրամաբանական է, երբ հաշվի ես առնում մինչ 2018-ի գարունը մեծ մասամբ «բոմժ» հանդիսացող մարդկանց այսօրվա ճոխությունները՝ մեքենաները, հագուստը, քեֆերը և այլն: Էդ կուսակցական գրասենյակները, էդ գովազդային ծախսերը, էդ շորեղենը, էդ Փարիզներում անբռնազբոս շոփինգը, էդ սաղ այ էս 24 միլիարդն ա: Որովհետև երբ նորաթուխ չօլիգարխը (այլ պայմաններում իրա ցավը տանեմ ես) նվեր է անում վարչապետին կամ իր տիկնոջը, ինքը հո իր հաշվին չի՞ անում դա, ինքը բյուջե մուծվելիք հարկերի հաշվին է դա անում, այլապես նվեր անելն իմաստ չունի: Քաղաքական գործիչներին՝ առհասարակ, և չինովնիկներին՝ մասնավորապես, սիրուն աչքերի համար նվեր չեն անում, մինչդեռ միայն «Իմ քայլը» դաշինքի դրամահավաք երեկոյի ընթացքում 236 միլիոն դրամի «նվեր» է արվել: Դա արվում է էժան ռաստամոժկեքի, ավելացված չգրանցված աշխատողների ու տուպը սևով գործ անելու հաշվին:

Ընդ որում՝ անպայման հարկ է նշել, որ սա ոչ թե տնտեսական աճի անկման հետևանքով գոյացած վնաս է, այլ զուտ վարչարարության, ասել է թե՝ կոռռռռռուպցիայի արդյունքում գոյացած պակասորդ: Շաբաթներ առաջ նշել էի, որ տնտեսական անկման արդյունքում պետության ՀՆԱ-ն կրել է 222 միլիարդ դրամի վնաս, այս թվի մոտ 20%-ը կամ ևս 44 միլիարդ դրամի վնաս է գոյացել ի հավելումն վերոհիշյալ 24 միլիարդի: Էս թվերի համեմատ արտահերթ ընտրությունների անցկացումը, հավելյալ պատգամավորների թիվն ու անվերջ գործուղումների ծախսերը կոպեկներ են: Էս 68 միլիարդի բյուջեի պակասորդը Փաշինյանի կառավարման թերևս գլխավոր «նվաճումն է»: Խոսքն այն Փաշինյանի մասին է, ով խոստանում էր բյուջեն ավելացնել 435 միլիարդ դրամով: Նենց որ, բոլոր նրանց, ովքեր բողոքում էին նախկին բռնապետական ռեժիմի թալանից, շնորհավորում եմ․ Փաշինյանը ձեզ թալանում է առնվազն 64 միլիարդով ավել: Մարդա մոտ 21,000 դրամ ա գալիս, մի եսիմ ինչ չի: Պարզապես փողոց փակողները մի հարյուր հազարն էին, որոնց պարագլուխները դրա համար վճարվում էին, իսկ արդյունքների համար, չգիտես ինչու, բոլոր 3 միլիոն քաղաքացիներն են վճարում ու դեռ երկար կվճարեն՝ անկախ նրանից, թե Նիկոլն ինչքան «կձգի»: Չնայած, չէ, գիտեմ ինչու, որովհետև հասնում ա…

ՀԳ. Վիգենի հազար դրամն էր վիձիծիլի էս ոչխարներին մտահոգում…

Արթուր Դանիելյանի ֆեյսբուքյան գրառումը

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...