Փաշինյանը իրականացնում է ադրբեջանցիների երազած քայլերը․ կարծիք. Politik.am

Politik.am-ը «Ազգային համաձայնություն» կուսակցության նախագահ Արամ Հարությունյանիհետ զրուցել է ղարաբաղյան հարցի, Փաշինյան-Ալիև հանդիպումների, Փաշինյան-Բոլթոն հեռախոսազրույցի մասին: Արամ Հարությունյանի խոսքով՝ ինչ-որ գաղտնի բան կա.«Հենց միայն այն, որ հեռախոսազրույցից հետո Նիկոլ Փաշինյանը այլ բան է հայտարարում, Ջոն Բոլթոնը՝ ուրիշ, նշանակում է՝ գոնե մեկը ճիշտ չի ասում, կամ երկուսն էլ ճիշտ չեն ասում: Հետևաբար՝ մենք իրավունք ունենք լրիվ չհավատալու գոնե մեկի ասածին: Ինչ վերաբերում է Արցախյան հարցին, բնական է, որ եթե Ալիևի հետ հանդիպումից հետո կամ առաջ Նիկոլ Փաշինյանը խոսում է Ջոն Բոլթոնի հետ, նշանակում է՝ հաստատ այդ թեման է քննարկվել, որովհետև չեմ կարծում, թե ամենահարմար տեղն էր, կամ Բոլթոնը չգիտե՞ր, որ Փաշինյանը Դավոսում է»:

Հարությունյանի կարծիքով՝ ակնհայտ է, որ ինչ-որ բան կատարվում է ժողովրդի թիկունքում.«Նիկոլ Փաշինյանը, կարելի է ասել, այդ ծրագրի մասնակից է, որովհետև ես տարբեր առիթներով ասել եմ, որ այս հեղափոխության սցենարիստների հիմնական նպատակը այն էր, որ հակառուսական և հակաիրանական քաղաքականություն իրականացվի, որի արդյունքում նաև հակահայկական է դառնալու, որովհետև մենք տեսնում ենք, որ նույն Նիկոլ Փաշինյանը, ըստ էության, Արցախի հարցում որևէ հստակ դիրքորոշում չհայտնելով, կամ ամեն անգամ տարբեր բաներ ասելով է աշխատում: Նա հայտարարում էր, որ Արցախի անունից չի բանակցելու, դիրքորոշում չի հայտնելու, այդ դեպքում ինքը Ալիևի հետ ինչի մասին է խոսել: Այս ամենը դարձել է պատահական հանդիպումների քաղաքականություն»:

Հարությունյանը, այնուամենայնիվ, համաոզված է, որ ժողովուրդը չի թողնելու որևէ հակահայկական դավադրություն իրականացնել Արցախի հարցի հետ կապված.«Համոզված եմ՝ այդ ժամանակ Նիկոլ Փաշինյանի քաղաքական օրերը շատ կարճ կտևեն, և միգուցե դա էլ դառնա առաջին համազարկը, որ պետք է սկսել իշխանափոխության գործընթաց»:

Անդրադառնալով բանակին՝ Արամ Հարությունյաննն ասում է.«Մենք տեսնում ենք, որ վարկաբեկվում է բանակը, վարկաբեկվում է եկեղեցին, վարկաբեկվում են պատերազմով անցած մարդիկ: Օրինակ, հենց Ռոբերտ Քոչարյանի՝ բանտում գտնվելը արդեն նշանակում է, որ Նիկոլ Փաշինյանը, կարծես թե, անում է բոլոր այն քայլերը , որ ադրբեջանցիները իրենց երազում տեսած չէին լինի. օրինակ, որ Արցախի հերոսները կհայտնվեն բանտում: Այդ հակաքարոզը Արցախի հերոսների նկատմամբ վարկաբեկում է. սովորական զինվորը կարող է մտածել, որ ձգտելու որևէ բան չկա: Եթե զինվորը տեսնում է, որ գեներալները «այդպիսին» են եղել, ապա ինչ իմաստ ունի գնալ առաջխաղացման, կարիերա ստեղծել բանակում, կամ, հանուն երկրի գնալ փորձությունների»,-մեկնաբանում է Հարությունյանը:

Արամ Հարությունյանը անդրադարձավ նաև երկու ժողովուրդների խաղաղությանը նախապատրաստելու ծրագրին.«Ընդհանրապես, Հայաստանի ժողովրդին ասել՝ պատրաստում ենք խաղաղության, աբսուրդ է, որովհետև ես չեմ կարծում՝ մեր ժողովուրդը պատերազմի հրձիգ է, և տրամադրված է պատերազմի Ադրբեջանի հետ: Հասկանալի է, որ ինչ-որ ծրագիր կա, որը, գալիս է դեռևս 1997-98 թվականներից: Նկատի ունեմ այն ծրագիրը, որը Լևոն Տեր-Պետրոսյանի փուլային տարբերակի էությունն էր կազմում: Լևոն Տեր-Պետրոսյանը, երբ 1992թ.-ին պատերազմ էր, ասում էր, որ մենք այդ պատերազմում պարտված ենք, որ ապագա չկա: Այսինքն՝ սա պարտվողական քաղաքականություն է, պարտվողական մոտեցումներ են»:

Հարությունյանի խոսքով՝ եթե մենք մեր տարածքները տանք հարևաններին, հաստատ խաղաղություն կլինի այդ գնով.«Նույն Հանրային հեռուստաընկերությամբ ցուցադրվող հաղորդումները՝ խաղաղության նախապատրաստելու մասին: Մենք չգիտենք՝ հարցը ոնց են տալիս, կամ այդ մարդիկ հասկանու՞մ են՝ ինչ են ասում: Այդ քաղաքականությունը նորից դրվել է պետական իշխանության ռազմավարության մեջ: Դա նշանակում է, որ ինչ-որ բան է նախատեսվում: Ուրիշ խնդիր է, որ բանակը, համոզված եմ, ինչ-որ պահից սկսած, իր «ատամը ցույց է տալու» և չի թողնելու՝ նման ձևով վարվեն: Որքան էլ Նիկոլ Փաշինյանը փորձել է բանակում առաջ տանել այն մարդկանց, որոնք, օրինակ, Ռոբերտ Քոչարյանի դեմ ցուցմունք են տալիս, կամ իրենց ուզածն են ասում, միևնույն է, հավաքական իմաստով այդ բանակն այն նույն բանակն է, որը մասնակցել է Արցախյան պատերազմին, և համոզված եմ՝ իրենք գոնե իրենց կենսագրությունը չեն ջնջի»:

Արամ Հարությունյանին խնդրեցինք մեկնաբանել նաև, թե ինչ նկատի ունի՝ հակաիրանական քաղաքականություն ասելով.«Այն, որ Նիկոլ Փաշինյանի 2 անգամ հրավիրել են Իրան, բայց նա չի գնացել, արդեն նշանակում է, որ ինքը բաց ճակատով չի կարողանում գնալ Իրան, այն, որ Նիկոլ Փաշինյանը հայտարարում էր, որ Իրանի սահմանը կարող է փակվել, այն, որ Նիկոլ Փաշինյանը Հունան Պողոսյանին նշանակեց Սյունիքի մարզպետ՝ ասելով, որ պետք է պայքարի նարկոթրաֆիկի դեմ, էլ չեմ ասում Հայկ Կոնջորյանի հայտարարությունը, որը ներկայացվեց որպես մասնավոր կարծիք կամ վրիպում: Դա այդպես չէ: Ուղղակի իրենք «Օվերտոնի պատուհանի» տարբերակով փորձում են հասարակությանը ծանոթացնել այդ գաղափարին: Մեզ համար ցավալի կլինի, եթե դառնանք գործիք ԱՄՆ-ի ձեռքին Իրանի դեմ: Դրա արդյունքում մենք երկկողմանի կտուժենք: Եվ՛ Հայաստանի ժողովուրդը, և՛ Իրանում ապրող հայերը: Բայց այն, որ ամեն ինչ դրան է տանում՝ տարբեր ուղղություններով, տարբեր տեխնոլոգիաներով փորձում են տանել այդ գիծը, փաստ է: Իրանի իշխանությունները, որքան էլ փորձում են զգուշորեն արտահայտվել, բայց զարմացած են ու մտահոգված այսօրվա Հայաստանի իշխանությունների պահվածքով»:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով