Սմբատ Գոգյյան. «180 տոկոսով պարգեւատրել եմ տեղակալիս եւ դրա պատասխանատուն եմ»

ԿԳ նախարարության Բարձրագույն որակավորման կոմիտեի ( ԲՈԿ) նախագահ Սմբատ Գոգյանը հունվարի 24-ին «Արմենպրեսի» մամուլի սրահում կայացած ասուլիսում նշեց, որ 2016թ. ՀՀ-ում պաշտպանվել է 465 ատենախոսություն, 2017թ.` 394, իսկ 2018-ին` 359: «Քանակը գնալով նվազում է, ինչը ունի մի քանի պատճառ:

Օրինակ, մի պահ չինովնիկական մեծ ներհոսք եղավ դեպի գիտական աստիճանաշնորհման համակարգ: Նրանց մի մասն արդեն հագեցել է եւ ունի աստիճաններ: Որոշ մասնագիտություններում կան կադրային լուրջ խնդիրներ` ասպիրանտուրայի տեղերի թափուր մնալը եւ այլն, որոնք բերում են այդ հետեւանքներին»,-ասաց ԲՈԿ նախագահը:

Նա նշեց, որ 2017թ. մերժվել է 1 ատենախոսություն, որը 2018-ին նորից պաշտպանվել է, իսկ 2018-ին, իր պաշտոնավարման շրջանում մերժվել է 6 ատենախոսություն` արտագրությունների եւ հղումների հետ կապված պատճառներով: Ասաց նաեւ, որ ԲՈԿ-ում մի քանի խնդրահարույց գործեր կան, եւ հնարավոր է, որ մերժված ատենախոսությունների թիվը աճի: «Պահանջում են, որ ԲՈԿ-ը բացահայտի արտագրությունները, խարդախությունները, բայց եկեք ընդունենք, որ մենք ընդամենը գիտական հիմնարկ ենք, որի գործառույթն է կազմակերպել եւ վերահսկել գործընթացը: Մենք մասնագիտորեն իրավունք չունենք ատենախոսության մեջ մուտք գործել եւ մասնագիտական եզրահանգումներ տալ»,-ընդգծեց Սմբատ Գոգյանը:

Նա մի զավեշտալի դեպք պատմեց. «Մի շաբաթ առաջ մեկը եկավ մեզ մոտ եւ ասաց` ո՞նց կարելի էր այսինչ մարդու դոկտորական ատենախոսությունը հաստատել: Երբ նա գնաց, ես մեր բաժնի աշխատողին ասացի, որ մարդը բողոքում է ատենախոսությունից: Աշխատակիցն էլ ասաց, որ հենց այդ մարդն էլ խորհրդի կազմում գովել էր նույն ատենախոսությունը…Նման դեպքեր կան եւ դրանց դեմը ԲՈԿ-ը չի կարող առնել»: Նա ասաց, որ իրեն հարցրել են, թե ճի՞շտ է, որ ԲՈԿ-ի նախագահի նոր տեղակալն իր ընկերոջ կինն է: «Դա իրականությանը չի համապատասխանում: Նրա ամուսնուն կյանքումս տեսել եմ երկու անգամ. մեկը նշանակումից մեկ-երկու օր առաջ, երբ իմիջային խնդիր կար` շատերը մամուլում տարածված սուտ տեղեկատվության պատճառով (սկսած սեռական կողմնորոշումից մինչեւ կենսակերպ) խուսափում էին ինձ հետ շփվել:

Ինձ համար իսկապես դժվար էր կադրային քաղաքականություն վարել: Մի խոսքով, իմ տեղակալի ամուսնուն մի անգամ նշանակումից հետո եմ տեսել, մի անգամ էլ հունվարին ենք առնչվել»,- վստահեցրեց Սմբատ Գոգյանը: Պարգեւատրումներին էլ անդրադարձավ. «Հարցրել են` արդյոք ճի՞շտ է, որ իմ տեղակալը ստացել է 180 տոկոսի չափով պարգեւավճար: Ասեմ, որ դա համապատասխանում է իրականությանը, բայց դա արվել է այն պատճառով, որ ամբողջ կոլեկտիվը ստացել է 80 տոկոս, անձամբ ես պարգեւավճար չեմ ստացել, միայն տեղակալին եմ տվել, որովհետեւ նա մեր հիմնարկի միակ աշխատողն էր, որ առավոտյան 8:30-ից գալիս էր աշխատանքի եւ ամբողջ օրը նվիրվում էր աշխատանքին; Այդ պատճառով ես նրան պարգեւատրել եմ եւ դրա պատասխանատուն եմ: Իսկ գումարի չափն ասել չեմ կարող»:

Գոհար ՀԱԿՈԲՅԱՆ

aravot.am

 

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Ստիպված եմ հերթական անգամ հիասթափեցնել Ռուբեն Հայրապետյանին մեղավոր կարգողներին…».Ամրամ Մակինյան

22.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով