Մարի Իզմիրլյանի անվան մանկատան պատուհանից երեխա է ընկել

Այսօր արտակարգ դեպք է տեղի ունեցել  Մարի Իզմիրլյանի անվան մանկատանը։  Սաներից մեկը՝ 11 տարեկան մի տղա, որ ծանր մտավոր հետամնացություն ունի, ընկել է երկրորդ հարկի պատուհանից։ Երեխային տեղափոխել են «Սուրբ Մարիամ Աստվածածին» հիվանդանոց։ Panorama.am-ի ունեցած այս լուրերը հաստատեցին ոստիկանությունից։

Հիվանդանոցի տնօրեն Նիկոլայ Դալլաքյանը հայտնեց, որ երեխան սալջարդեր է ունեցել։  Մասնագետները զննել են, լուրջ վնասվածք չի եղել, հետ է ուղարկվել մանկատուն։

Հետևեք մեզ Տելեգրամում՝ t.me/lurer4news

Մարի Իզմիրլյանի անվան մանկատունն այժմ տնօրեն չունի։ Տնօրենի ժամանակավոր պաշտոնակատար Արմինե Պետրոսյանը Panorama.am-ին հայտնեց, որ իրեն դեպքի մասին տեղեկացրել են ժամը 11-ի սահմաններում։

«Ասացին պահարանից երեխան ընկել է։ Դաստիարակը պարապմունքը անելուց է եղել։ Երեխան չիշիկ անել է ուզել, դայակը  նստացրել է զուգարանին, դուրս եկել։ Երկու վարկյան է տևել։ Այդ ընթացքում երեխան մոտեցել է պատուհանին»,-ասաց Պետրոսյանը։

Ի դեպ, ոստիկանության ստացած ահազանգի համաձայն երեխան ընկել է զգեստապահարանից։

Հետևեք մեզ Տելեգրամում՝ t.me/lurer4news

«Դաստիարակն ասեց, ես այդ պահին խառն էի, ինձ թվաց, որ երեխան պահարանից ընկավ։ Բայց երեխեն պատուհանից է ընկել, սղղալով ընկել է։ Պատուհանի ճաղավանդակը որ ձեռքով սեղմում ես, գնում է առաջ։ Երեխան էլ նվազ, փոքր երեխա է, սղղալով ընկել է, կողքերն են կապտած։ Փառք աստծո,  սաղ սալամաթ է, ոչ մի բան չի եղել»,-ասաց տնօրենի ժ/պ-ն։

Հարցին, թե ինչո՞ւ  է պատահունը բաց եղել, Պետրոսյանը հասկասական պատասխաններ տվեց։ Նախ ասաց՝ օդափոխում էին, տարբեր խմբերում պատուհանները բացում են, ապա հայտարարեց, թե երեխան է բացել։

«Ճաղավանդակները որ կան, մենք բոլոր խմբերում էլ արխային բացում ենք։ Նման դեպք երբեք չի եղել, մեր մտքով չէր անցնի։ Երկու վայրկյան չի տևել։ Գոգը ցածր է, բարձրացել է վրան ու սղղացել պատի վրայով, այն 1.5 մետ բարձրություն ունի»,-նշեց Արմինե Պետրոսյանը՝ ավելացնելով, որ հիմա պատուհանները փակել են ու բռնակները վրայից հանել։
Ճշտող հարցին, պատուհանը բա՞ց է եղել, թե՞ երեխան է բացել,  Պետրոսյանն ասաց. «Պատուհանը փակ է եղել, ինքն է բացել»։

Իսկ այս դեպքում կասկածի տեղիք է տալիս դաստիարակի երկու վայրկյան բացակայելու մասին ասածը։

Հիմա երեխայի ոտքի երկու մատին գիպս է դրված։

Ոստիկանությունից Panorama.am-ին ասացին, ահազանգը ստացել են հիվանդանոցից.

«Մեկնած խումբը պարզել է, որ երեխան 2008 թ. ծնված տղա երեխա է։ Ըստ նախնական վարկածի, վայր է ընկել զգեստապահարանից։ Այս պահին նյութեր են նախապատրաստվում»։

Աղբյուր` Panorama.am

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով