Մանվել Գրիգորյանին կալանավորելու որոշումը կայացվել է ճնշումների տակ. Փաստաբան.aysor.am

Загрузка...

Այսօր Վերաքննիչ դատարանը, ինչպես արդեն տեղեկացրել էինք, բավարարել էր Գլխավոր դատախազության բողոքը՝ ԱԺ նախկին պատգամավոր, ԵԿՄ վարչության նախկին նախագահ Մանվել Գրիգորյանի խափանման միջոց գրավը վերացնելու և նրան կալանավորելու մասին։ Որոշման հրապարակումից հետո Գրիգորյանի փաստաբանները դատարանի հետնամուտքից էին դուրս եկել՝ հրաժարվելով հանդիպել լրագրողներին, տալ մեկնաբանություն։

Aysor.am-ի բազմաթիվ զանգերին Մկրտչյանը չէր պատասխանում, սակայն նա ելքը գտել է և իր ֆեյսբուքյան էջում կատարել կարճ գրառում.«Հարգելի լրագրողներ խնդրում եմ՝ չզանգել՝ օրենքի, իրավաբանության, տրամաբանության հետ կապ չունեցող և ճնշումների տակ կայացրած հակահայկական դատական ակտերն առայժմ չեմ մեկնաբանում»։

«Որոշումը օրինական ու հիմնավոր էր», — նիստերի դահլիճից դուրս գալուց հետո իր հերթին հայտարարել էր Գլխավոր դատախազության հատկապես կարևոր գործերով քննության նկատմամբ հսկողության վարչության ղեկավար Վահագն Մուրադյանը։

Նշենք, որ Մանվել Գրիգորյանը դեկտեմբերի 21-ին Երևանի ընդհանուր իրավասության դատարանի որոշմամբ (դատավոր Դավիթ Բալայան) 25 միլիոն դրամ գրավի դիմաց ազատ էր արձակվել։ Գլխավոր դատախազությունը բողոքարկել էր այդ որոշումը։

Գրիգորյանի՝ ազատ արձակվելուց հետո մի խումբ անձանց կողմից բողոքի ակցիաներ էին անցկացվում Երևանում ու Էջմիածնում։ Այսօր այդ ակցիայի մասնակիցները հայտարարում էին, որ արդարությունը վերականգնվել է։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...