Երևանի ավագանու «Լույս» խմբակցությունը քաղաքապետ Հայկ Մարությանի գործողությունը կվիճարկի դատարանում

Երևանի ավագանու «Լույս» խմբակցությունը քաղաքապետ Հայկ Մարությանի գործողությունը կվիճարկի դատարանում, եթե նա չհրապարակի՝ քաղաքապետարանի աշխատակիցների անունները, թե ով որքան պարգեւավճար է ստացել տարեվերջին։

Այդ մասին NEWS.am-ի հետ զրույցում ասել է խմբակցության ղեկավար Դավիթ Խաժակյանը՝ նշելով, որ օրենքի պահանջն է, որ այդ ցուցակները հրապարակվեն:

«Իրենք պարտավորություն ունեն հրապարակելու պարգեւավճարները, ինչը չեն կատարել եւ մենք իրավունք  ունենք քաղաքապետի այս գործողությունը վիճարկելու դատարանում, եթե իրենք չհրապարակեն այդ ցուցակները»,– ասել է Խաժակյանը։

Ըստ Խաժակյանի՝ նախորդ տարիներին այս ցուցակը հրապարակվել է, քանի որ քաղաքապետը իրավունք չունի չհրապարակելու, քանի որ քաղաքապետի կարգադրությունը համարվում է անհատական նորմատիվ իրավական ակտ, որը Երևանի ՏԻՄ օրենքով պարտավոր են 6-օրյա ժամկետում հրապարակել։ Ըստ «Լույս» խմբակցության ղեկավարի՝ չհրապարակելու պատճառ կարող է լինել անհավասար պարգևատրումներ տալը.

«Կարծում եմ, որ առանձին պաշտոնյաներ մեծ գումարներ են ստացել և սա հավասար բաշխում չի եղել, սա նաև ասում է քաղաքապետի տեղակալը, այդ պատճառով էլ չեն ցանկանում հրապարակել։ Թեկուզ քաղաքապետը պարգևավճար չի ստացել, այդ դեպքում, թող իր տեղակալն ասի՝ ինքը որքա՞ն գումար է ստացել, իր մյուս կոլեգաները որքա՞ն են ստացել, վարչության պետերը և թաղապետերը որքա՞ն են ստացել»:

Դեղերդ խմիր, տուպիցա.Աննա Հովները՝Փաշինյանին

19.05.2020

«Նիկոլ Փաշինյան ա’յ` անանուն հոդվածագիր բավական է,սթափվեք». Գարիկ Ուրումյան

18.05.2020

Սերժ Սարգսյանի ասուլիսը իրոք կարող է լինել այն քաղաքական «երկրաշարժը»,որի «փլատակների» տակ շատերը կարող են հայտնվել.Վահան Բաբայան

19.05.2020

Մաքսանենգ ծխախոտով երկրորդ ինքնաթիռը կալանավորվեց. սրանք իսկականից գիժ են. Միքայել Մինասյան

18.05.2020

Նիկոլիկ, երկու տարի է զգուշացնում եմ քեզ, որ կրակի հետ մի խաղա.Շահե Աճեմեան

18.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով