Քանի հոգու հեռացրել եմ, լավ եմ արել. Պետրոս Ղազարյան hraparak.am

Հանրային հեռուստաընկերության լրատվական ծառայության տնօրեն Պետրոս Ղազարյանը եկած-չեկած կադրային ջարդ է սկսել։ Մեր տեղեկություններով՝ նա մի քանի հոգու արդեն ազատել է աշխատանքից, տեղափոխումներ է կատարել, նաեւ պատրաստվում է փակել Աբրահամ Գասպարյանի «Կիրակնօրյա օրակարգ» քաղաքական-վերլուծական ծրագիրը։ Մենք նաեւ տեղեկացանք, որ Գասպարյանն, այնուամենայնիվ, չի լքի Հ1-ը, կվերադառնա լուրերի մեկնաբանի իր աշխատանքին։

Պետրոս Ղազարյանը «Հրապարակ»-ի հետ զրույցում ասաց՝ մի քանի բաներ է փոխելու, 2 օր սպասենք, միանգամից կասի։ Այնուհետեւ շարունակեց․ «Կադրային ջարդ չեմ սկսել, կադրային ցեղասպանություն գրեք էդ դեպքում։ Այսինքն՝ 2 հոգու, որ գործից հանում են, դա կադրային ջարդ ա, հա՞։ Քանի՞ հոգու ենք ջարդել, կարա՞ք ասեք։ Ամեն ինչին չափ կա։ Ես Ձեզ չեմ ասում: Քանի հոգու հեռացրել եմ, լավ եմ արել»։

Հարցին՝  կիրակնօրյա ծրագիրը փակե՞լ է, նորանշանակ տնօրենը չպատասխանեց․ «Չեմ կարա ասեմ»։

Զրուցեցինք նաեւ Աբրահամ Գասպարյանի հետ։ Նա ի տարբերություն իր ղեկավարի՝ պատասխանեց մեր հարցին՝ նշելով, որ իր հաղորդման ֆորմատն է փոխվելու․ «Ձեւաչափի փոփոխություն է տեղի ունենալու՝ պայմանավորված նոր եթերաշրջանով, «Կիրակնօրյա վերլուծական» չի լինելու, այն համեմված լրատվականով տեղափոխվում է շաբաթ օրը։ Վերադառնալու եմ նաեւ մեկնաբանի աշխատանքին»։

Գասպարյանը կոռեկտ չհամարեց մեկնաբանել Ղազարյանի իրականացրած կադրային փոփոխությունները․ «Ես իրավասու չեմ որեւէ բան մեկնաբանել, առավել եւս իմ անմիջական ղեկավարի գործունեությունը։ Սա շարունակական պրոցես է, լրատվականը կատարելագործվում է, շարունակում է իր աշխատանքը՝ առանց ինտրիգներ փնտրելու։ Բայց, եթե այդպիսի բան կա նույնիսկ, ճիշտ կլինի ճշտել լրատվական կամ PR բաժնից։ Ես կոռեկտ չեմ համարում, որ աշխատողը մեկնաբանի իր ղեկավարի գործունեությունը, դրա համար ես ձեռնպահ կմնամ որեւէ պիտակավորումներով ինչ-որ իրավիճակ նկարագրելուց»։

Նմանատիպ նորություններ

Միայն փաստեր #8. Տաթևի ճոպանուղի. ՏԵՍԱՆՅՈՒԹ... Միայն փաստեր #8. Տաթևի ճոպանուղի: Տեսանյութը՝Սերժ Սարգսյանի ոչ պաշտոնական էջից.  ...
Նոր իշխանությունները բավական շոյվել են Սամվել Ալեք... «Իրավունք» թերթը գրում է. «Գործարար, ԱԺ ՀՀԿ խմբակցության նախկին պատգամավոր Սամվել Ալեքսանյանն արդեն տեւական ժամանակ է` իրեն պատկանող սուպերմարկետն...
Պետրոս Ղազարյանի կինը փոխնախարար է նշանակվել... Աշխատանքի և սոցիալական հարցերի նախարարի տեղակալ է նշանակվել սոցիոլոգիական գիտությունների թեկնածու Ժաննա Անդրեասյանը։ Տիկին Անդրեասյանը 2003-201...
Այս տարվա հունվարին ինքնաթիռով Հայաստանի «Զվարթնոց... Այս տարվա հունվարին ինքնաթիռով Հայաստանի «Զվարթնոց» եւ «Շիրակ» օդանավակայանից մեկնել եւ չի վերադարձել 3 հազար 831 ուղեւոր: Այս մասին «Ժողովուրդ...
Ադրբեջանի ԱԳՆ խոսնակը ողջունում է Հայաստանի վարչապ... Ադրբեջանի արտաքին գործերի նախարարության մամուլի քարտուղար Լեյլա Աբդուլաևան կրկին անդրադարձել է Լեռնային Ղարաբաղի հակամարտությանը և խնդրի կարգավորմ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով