Եթե ՀՀԿ-ն չանցնի խորհրդարան, Հայաստանը կունենա այնպիսի խորհրդարան, ինչպես Նազարբարևի խորհրդարանն է, այսինքն՝ առանց ընդդիմության. Իսկանդարյան 168.am

Քաղաքագետ Ալեքսանդր Իսկանդարյանի գնահատմամբ՝ նախընտրական քարոզարշավն ընթանում է այնպես, ինչպես և նախատեսված էր։

Նա հիշեցրեց Երևանի ավագանու ընտրությունների քարոզարշավը, որտեղ ներգրավված չէր Հանրապետական կուսակցությունը, սակայն տեղի էր ունենում գրեթե նույն գործընթացը՝ «Իմ քայլը» կրկին աշխատում էր ընդդեմ  հանրապետականների, որոնք, սակայն, չկային։

«Այժմ ՀՀԿ-ն կա և նախընտրական քարոզարշավի ժամանակ բավականին օգնեց «Իմ քայլը» դաշինքին, քանի որ հակառակորդ են։ Ընդհանրապես ցանկացած ընտրություններում հակառակորդ ունենալն օգնում է։ Ստեղծվել է այնպիսի իրավիճակ, որ ընթանում է պայքար հակառակորդի՝ նախորդ ռեժիմի դեմ։ Սա ընդունված  տարբերակ է, քանի որ դրանով հնարավոր է ձեռք բերել որոշակի ձայն։ Կարծում եմ՝ ՀՀ վարչապետի պաշտոնակատար Նիկոլ Փաշինյանի բարձր վարկանիշը պահպանվում է»,- նշեց քաղաքագետը։

Նրա խոսքով՝ կասկածներ չկան, որ «Իմ քայլը» առաջիկա ընտրություններում ձեռք կբերի ընտրողների ձայների մեծամասնությունը։

Քաղաքագետը նաև նկատեց, որ այսօր չկա որևէ քաղաքական ուժ, որը կհայտարարի, որ պատրաստ է իշխանության համար պայքարել «Իմ քայլը» դաշինքի դեմ, բոլորը խոսում են ընդդիմություն դառնալու կամ խորհրդարանում այս կամ այն չափով ձայներ հավաքելու մասին։

Ալեքսանդր Իսկանդարյանի կարծիքով՝ խորհրդարանում երկրորդ տեղը կզբաղեցնի «Բարգավաճ Հայաստան» կուսակցությունը, քանի որ ԲՀԿ առաջնորդ Գագիկ Ծառուկյանն ունի իր ավանդական ընտրազանգվածը և առաջիկայում կհավաքի բավականաչափ ձայներ։

«Կարծում եմ՝ խորհրդարանում երրորդ տեղի համար կպայքարեն «Լուսավոր Հայաստան» և Հանրապետական կուսակցությունները։ Ամենահետաքրքիրը տեղի է ունենալու ընտրություններից հետո, քանի որ ընտրությունների ընթացքն արդեն հասկանալի է»,- ասաց քաղաքագետը։

Դիտարկմանը, որ, եթե ՀՀԿ-ն չանցնի խորհրդարան, ո՞ր ուժը կլինի ընդդիմություն, Ա. Իսկանդարյանը նշեց, որ այդ դեպքում Հայաստանը կունենա այնպիսի խորհրդարան, ինչպես Նազարբարևի խորհրդարանն է, այսինքն՝ առանց ընդդիմության։

Մանրամասները՝ 168.am-տեսանյութում

Նմանատիպ նորություններ

Շիրխանյանի բաց նամակի հետքերով.Գարեգին Պետրոսյան... Երեկ համացանցում հայտնվեց պաշտպանության նախարարի նախկին տեղակալ Վահան Շիրխանյանի բաց նամակը ուղղված ՀՀ երկրորդ նախագահ Ռոբերտ Քոչարյանին։ Նման ...
«Ուրալյան ավիաուղիները» դեպի Երևան չվերթներ իրական... «Armeniasputnik»-ի տեղեկացմամբ, «Ուրալյան ավիաուղիներ» ավիաընկերությունը չեղարկել է 67 ուղղություններով չվերթեր իրականացնելու թույլտվությունը։ Այդ...
Առաջարկում եմ՝ Հանրապետության հրապարակը հռչակել Նի... ՀՀԿ խոսնակ Էդուարդ Շարմազանով , ֆեյսբուքյան էջում անդրադառնալով ապրիլի վերջին շաբաթ օրը ՀՀ քաղաքացու օր հռչակելու՝ կառավարության որոշմանը․ «Փաշ...
Առաջնայինը մեր հանրության, մեր քաղաքացու գնահատանք... Մեր վարչությունը 25 տարեկան է Հայաստանի Հանրապետության ոստիկանության հասարակայնության հետ կապի և լրատվության վարչությունը 25 տարեկան է. քառորդդ...
Քոչարյանի փաստաբանական թիմը հայտարարություն է տարա... ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորումը ևս երկու ամիս ժամանակով երկարացնելու վերաբերյալ առաջին ատյանի դա...
Դադարեցվել է որոշ դեղամիջոցների շրջանառությունը... Առողջապահության նախարարի հրամանով դադարեցվել է «Մեդանա Ֆարմա ԲԸ, 98-200 Սիերադզ Վ. Լոկիետկա 10, Լեհաստան» դեղագործական ընկերության արտադրության «Բ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով