Ադրբեջանին կզինեն բոլորը. Նոր հարված Հայաստանին

Ֆրանսիական MBDA Systems կազմակերպությունը նախատեսում է Ադրբեջանին մատակարարել ASTER 30 SAMP/T և VL Mica տեսակի հակաօդային պաշտպանության համակարգեր: «Մենք ստացել են Ֆրանսիայի կառավարության թույլտվությունը Ադրբեջանին մատակարարել ASTER 30 SAMP/T և VL Mica տեսակի հակաօդային պաշտպանության համակարգեր»,- ասել է կազմակերպության ներկայացուցիչը ադրբեջանական AzeriDefence թերթին տված հարցազրույցում:

Նրա խոսքով՝ ադրբեջանական կողմն արդեն ծանոթացել է համակարգերին և գոհ է մնացել նրա բնութագրիչներից: «Կարծում ենք, որ այդ համակարգերը թույլ կտան Ադրբեջանին ամենահուսալի ձևով ապահովել հակաօդային պաշտպանությունը»,- ավելացրել է նա:

Վերջերս ԱՄՆ նախագահի ազգային անվտանգության հարցերով խորհրդական Ջոն Բոլթոնի՝ տարածաշրջանային այցի ընթացքում ամերիկյան զենքի վաճառքի արգելքի վերացման հնարավորությունների շուրջ կոնկրետ ուղերձը հենց կարևոր մի գործընթացի սկիզբ կարելի է համարել:

Վաշինգտոնի կողմից այս հստակ հայտարարությունը նշանակում էր, որ  մոտ ապագայում մենք կարող ենք ականատես լինել նաև ԵԱՀԿ Մինսկի խմբի համանախագահող պետությունների կողմից Ադրբեջանին զինելու քայլերի:

Այսպես ասած՝ մեկնարկ արդեն տրված է: Ու, եթե Հայաստանը, կարելի է ասել, որոշակիորեն սահմանափակված է այլ երկրներից զենք գնելու հարցում, նախընտրում է Ռուսաստանից ավելի մատչելի գներով զենքի վաճառքը, ապա Ադրբեջանը ֆինանսապես, և ոչ միայն, ավելի լայն հնարավորություններ ունի:

Բացի այդ, վերջին գործընթացները հուշում են այն մասին, որ ռազմական բալանսը Հայաստանի և Ադրբեջան միջև շարունակելու է խախտվել: Ավելին՝ ԵԱՀԿ Մինսկի խմբի համանախագահող երկրները, որոնք կոչված են կողմերին խաղաղության դրդել՝ կլծվեն նրանց զինելուն:

Ի՞նչ ենք արդյունքում ստանալու… Ռազմական գործողությունների սրման հնարավորությունների մեծացում, պատերազմի բռնկման վտանգ և ավելի ցինիկ ու սանձարձակ Ալիև:

Իսկ այս մթնոլորտում Բաքուն կշարունակի բանակցային գործընթացը պահել փակուղում, Ադրբեջանը կստանա՝ Հայաստանի ուղղությամբ ճնշումներ գործադրելու քաղաքականության շարունակականություն և միջազգային հանրությանն անվերջ Հայաստանից զիջումներ կորզելու պահանջներ ներկայացնելու հայտարարություններ:

Թամար Բագրատունի

hayeli.am

Նմանատիպ նորություններ

Կամ վարչապետը պետք է պատասխանատվության ենթարկվի, կ... Կամ վարչապետը պետք է պատասխանատվության ենթարկվի նախկին նախագահի բարի համբավը, նաև պետական կարևորագույն ինստիտուտը վարկաբեկելու համար, կամ նախկին նախագ...
Կոտայքի մարզպետը եթե չգիտի ասեմ,որ ձեր մարզում նոր... Կոտայքի մարզպետը եթե չգիտի ասեմ,որ ձեր մարզում նոր զիբիլանոցա ուզում բացվի: Աշխարհագրական կոորդինատներն են Գեղադիր և Ողջաբերդ գյուղերի արանքը: Ավե...
Նարեկ Մալյանի գործով «Ռեստարտի» ևս 4 անդամի մեղադր... Նախկին ոստիկանապետ Վլադիմիր Գասպարյանի խորհրդական Նարեկ Մալյանի և «Ռեստարտ» նախաձեռնության անդամների միջև տեղի ունեցած դեպքի առթիվ «Ռեստարտ» նախաձ...
Իշխանության վարկանիշը իջնում է անասելի արագությամբ... Մամուլը գրում է,որ ռեֆորմիստները սկսում են բողոքի ակցիաներ:Այո նման քննարկում իրոք եղել է մեր կառույցներում,սակայն այս պահին նման որոշում չկա: ...
«Կարիք չկա Ֆեռարիով իրեն հասնել, որովհետեւ Նիկոլ Փ... Փաշինյանի կառավարումը վերածվել է մեքսիկական սեիալի՝ սելֆի-լայվ-ասուլիս, սելֆի-լայվ-ասուլիս. սա է նրա 11 ամսվա կառավարման բնութագիրը,- Henaran.am -...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով