ՔՊ-ում թեժ պաշտոնակռիվ է սկսվել. Նիկոլ Փաշինյանը կոպիտ հակադարձել է

Իշխանական կուլիսներում լուրջ պաշտոնակռիվ է սկսվել: Իշխանափոխությունից հետո հեղափոխականները իրենց՝ ոտքով քայլելու եւ ճանապարհներ փակել-բացելու վարձն են ուզում: ՀԺ-ն տեղեկացավ, որ քայլարշավին եւ մյուս ակցիաներին մասնակցած, բայց անպաշտոն մնացածները տարբեր կերպ մեսիջներ են ուղղել վարչապետին՝ գործազրուկ լինելու հանգամանքի մասին տեղեկացնելու համար:

Ոմանք, օրինակ, ակտիվ են եղել ֆեյսբուքում եւ հաճախակի գրառումներ են կատարել, որ գործազրուկ են, օդով սնվել չի լինի, մի մասն էլ «մարդ է մեջ գցել»՝ լուրը Նիկոլ Փաշինյանին հասցնելու համար: Մի քանի օր առաջ Նիկոլ Փաշինյանը «Քաղաքացիական պայմանագիր» կուսակցության ժողովում անդրադարձել է պաշտոնի ակնկալիք ունեցողներին եւ հայտարարել. «Եթե գործի համար եք իմ կողքով քայլել, ավելի լավ է հետ քայլեք Գյումրի»:

Այս տեղեկությունը հաստատեց նաեւ ԵԼՔ խմբակցության ղեկավար, ՔՊԿ վարչության անդամ Լենա Նազարյանը:

«Կուսակցության անդամների ժողով է եղել եւ այո, այդպիսի հայտարարություն եղել է՝ հետ քայլելու հետ կապված: Խոսքը վերաբերվել է այն անձանց, ովքեր քայլելու համար ակնկալում են որոշակի «վարձատրություն»՝ իրենց ջանքերի համար: Այստեղ մենք չենք կարող այդ տրամադրությամբ գործել, որովհետեւ պետություն կառավարելը ընկերների համար լավություն անել չէ: Մարդիկ պետք է կարող լինեն այդ բեռը ստանձնելու: Վարչապետի ասածն այն է եղել, որ պետք է ինքնակրթվել եւ նոր վերցնել պատասխանատվություն:

Բնական է, որ մարդիկ աշխատանքի կարիք ունեն, բայց այդ աշխատանքը՝ հատկապես ղեկավար պաշտոններում, չպետք է բաշխվի այն տրամաբանությամբ, թե մարդը քանի կիլոմետր է քայլել»,- ՀԺ-ի հետ զրույցում ասաց Նազարյանը:

Աղբյուրը՝  armtimes.com

Նմանատիպ նորություններ

90-ականների համատարած թալանն ու սեփականաշնորհումը․... Համատարած փլուզումն ու դրան զուգահեռ թալան բնորոշվող երևույթը, որի մասին խոսում են վերջին տարիներին, եղել է այն ժամանակաշրջանում, երբ խորհրդային 7...
2020 թվականին Հայաստանում 15-20 հազար մարդ կդառնա ... «Ժամանակ» թերթը գրում է. «2020թ. հունվարի 1-ից ուժի մեջ են մտնում ԵՏՄ շրջանակում գործող մաքսային կարգավորումները, որոնք վերաբերում են երրորդ եր...
Պետք է պատրաստ լինել, որ նման տեմպերով գալիք գարնա... Ավարտվեց ԵԱՀԿ Մինսկի խմբի համանախագահների հերթական տարածաշրջանային այցը, թեպետ այս անգամ կոչել այն տարածաշրջանային կարելի է միայն պայմանականորեն, ...
«Ոչի՛նչ և ո՛չ ոք չի կարող մեզ հետ պահել. Կրկնում ե... ԱԺ նախկին փոխնախագահ Էդուարդ Շարմազանովը ֆեյսբուքյան իր էջում գրում է. «Ոչի՛նչ և ո՛չ ոք չի կարող մեզ հետ պահել։ Կրկնում եմ, ո՛չ ոք և ոչի՛նչ։...
Կատարվել է ծննդաբերության գնի բարձրացում. գումարնե... https://www.facebook.com/ATorosyanOfficial/videos/1024581901072522/ «Կատարվել է ծննդաբերության գնի բարձրացում՝ 107 հազարից 140 հազար դրամ, ինչպես ն...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով