«Վեոլիա Ջուր»-ի կողմից կաշառված 7 պաշտոնյաներից մեկն այժմ նախարար է

Էներգետիկայի և բնական պաշարների նախարար Գարեգին Բաղրամյանը ներգրավված է «Վեոլիա Ջուր» ընկերության կողմից պաշտոնյաներին կաշառելու դեպքով հարուցված քրեական գործում։

Հոկտեմբերի 4-ին էներգետիկայի և բնական պաշարների նախարար նշանակվեցՀանրային ծառայությունները կարգավորող հանձնաժողովի սակագնային քաղաքականության վարչության նախկին պետ Գարեգին Բաղրամյանը։

Այս նշանակումը, սակայն, միանշանակ չընդունվեց հասարակության կողմից։ Նախ գրվեց, որ Բաղրամյանը ԱԱԾ տնօրեն Արթուր Վանեցյանի հետ ունի խնամիական կապեր, ինչը լրագրողների հետ զրույցում հաստատեց նաև Վանեցյանը՝ ասելով, որ հանդիսանում է վերջինիս բաջանաղը։

Հատկանշական է, որ Բաղրամյանը ներգրավված է «Վեոլիա Ջուր» ընկերության կողմից ՀԾԿՀ անդամներին կաշառելու դեպքով հարուցված քրեական գործում։

Ոստիկանության նախնական տվյալներով«Վեոլիա Ջուր» ընկերության տնօրեն Կրիստիան Լըֆեն և գործառնական տնօրեն Գոռ Գրիգորյանը, որպես կաշառք, ՀԾԿՀ 7 պաշտոնատար անձանց համար 2017թ․օգոստոսին գնել են Երևան-Փարիզ-Երևան ուղղությամբ ավիատոմսեր և հոգացել վերջիններիս՝ Փարիզում բնակվելու ծախսերը։ Այդ նպատակով «Վեոլիա Ջուր» ընկերության ղեկավարությունը ծախսել է 12,598,368 դրամ, ինչից հետո, հանձնաժողովի որոշմամբ, խմելու ջրի սակագինը բարձրացվել է 11 դրամով՝ 180 դրամից դառնալով 191 դրամ։

Հատուկ քննչական ծառայությանը հասցեագրված մեր հարցմանն ի պատասխան տեղեկացանք, որ Գարեգին Բաղրամյանը եղել է վերը նշված 7 պաշտոնատար անձանց կազմում, ովքեր ընկերության հաշվին մեկնել են Փարիզ։

Դեպքի առթիվ հարուցվել է քրեական գործ՝ կաշառք տալու և իրական կամ ենթադրյալ ազդեցությունը շահադիտական նպատակով օգտագործելու փաստերով։ Գործի շրջանակներում այս պահին նախարար Բաղրամյանը ներգրավված է վկայի

կարգավիճակով, այդուհանդերձ նշենք, որ վերոգրյալ արարքը նախատեսում է ազատազրկում՝ մինչև 10 տարի ժամկետով։

 

 

Հովհաննես Նազարեթյան

Աղբյուրը՝fip.am

Նմանատիպ նորություններ

ՀՀ հպարտ քաղաքացիներին մեկ անգամ ևս այդ հուզական թ... Դսեղում Նիկոլ Փաշինյանը բարկացած, հուզված ձայնով դիմեց ՀՀ հպարտ քաղաքացիներին և կոչ արեց. վե՛րկացեք, վե՛րկացեք քայլեք… Տեսնելով, որ հպարտ քաղաքացի...
«Ժողովուրդը պետք է թույլ չտա Նիկոլին ».Մենուա Հարո... Ժողովուրդը պետք է թույլ չտա Նիկոլին այլևս փողոցով սեփական իշխանությունը պահելու շոուներ կազմակերպել, փողոցը՝ ընդդիմության մենաշնորհն է․․․ Պետք է ...
90-ականների համատարած թալանն ու սեփականաշնորհումը․... Համատարած փլուզումն ու դրան զուգահեռ թալան բնորոշվող երևույթը, որի մասին խոսում են վերջին տարիներին, եղել է այն ժամանակաշրջանում, երբ խորհրդային 7...
2020 թվականին Հայաստանում 15-20 հազար մարդ կդառնա ... «Ժամանակ» թերթը գրում է. «2020թ. հունվարի 1-ից ուժի մեջ են մտնում ԵՏՄ շրջանակում գործող մաքսային կարգավորումները, որոնք վերաբերում են երրորդ եր...
Պետք է պատրաստ լինել, որ նման տեմպերով գալիք գարնա... Ավարտվեց ԵԱՀԿ Մինսկի խմբի համանախագահների հերթական տարածաշրջանային այցը, թեպետ այս անգամ կոչել այն տարածաշրջանային կարելի է միայն պայմանականորեն, ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով