Նիկոլ Փաշինյանը խորամանկություն է արել. Արմեն Աշոտյան

ՀՀԿ-ական Արմեն Աշոտյանն այսօր խորհրդարանում լրագրողների հետ ճեպազրույցում «ցինիկ» որակեց վարչապետի պաշտոնակատար Նիկոլ Փաշինյանի այն հայտարարությունը, թե երկրում 800 հազար մարդ ապրում է 350 հազար աշխատող մարդկանց հաշվին:

«Իր ամենացինիկ հայտարարությունը վերջին շաբաթների ընթացքում, որն անգամ մոլի երկրպագուներն են քննադատում, այն էր, որ երկրում կա 800 հազար պորտաբույծ: Կամ այդ մարդը նոր է հասկացել, թե ինչ գործի է անցել, այդ դեպքում վատ է, որ վեց ամիս խաբել է բոլորին, մոլորեցրել է: Դու չես կարող հավակնել մի պաշտոնի, եթե տեսականորեն այդ գիտելիքները չունես: Ապրի ինքը, որ կարողացել է մարդկանց մեջ որոշակի հույսեր արթնացնել, բայց ինքը նզովքի կենթարկվի, եթե այս հույսերը գահավիժեն»,- ասաց նա:

Աշոտյանի խոսքով՝ Նիկոլ Փաշինյանը խորամանկություն է արել, վերջին վեց ամիսներին ոչ մի խնդիր չի լուծվել: «Խեղճ ժողովուրդը հոգնած լինելով և իշխանություններից, և պրոբլեմներից, և ամեն ինչից՝ մտածում էր, որ կա փրկիչ: Փրկիչ չկա, որովհետև փրկիչը մի անգամ եկել է, գնացել է, ով իրեն հավատում է, փրկվում է, ով չէ, չէ: Բայց դա քաղաքականության հետ կապ չունի: Մնացած ամեն ինչը խորամանակություն է»,- նշեց նա:

Ըստ Աշոտյանի՝ եթե վարչապետն իրոք ուզում է լավ ընտրություններ, նա պարտավոր է օր առաջ հղումներ տալ բոլոր այն մարդկանց, ովքեր կարծում են, որ այս ընտրությունները պետք է նմանվեն բռնցքամարտի:

«Մենք բռնցքամարտից չենք վախենում, բայց բռնցքամարտում մեկը մեկի հետ է պայքարում, ոչ թե հազարը մեկի: Եթե հազարը մեկի վրա է, դա արդեն խուժան կռիվ է: Եթե մենք ուզում ենք խուժան կռիվ, ապա խուժան կռվի հիման վրա կունենանք խուժան խորհրդարան, այստեղից բխող բոլոր բացասական հետևանքներով»,- նշեց նա:

Արմեն Աշոտյանը նաև հավելեց, որ չի բացառում, որ ընտրություններից հետո գուցե խորհրդարանում արդեն ունեցած ուժերի բաշխվածության հիման վրա առաջարկեն ստվերային կառավարության օրինակ, այլընտրանքային քաղաքական նախագծեր, օրինակ, այլընտրանքային բյուջե:

«Ընդդիմությունը պետք է ստեղծի պրոդուկտ, այդ պրոդուկտը պետք է հակակշռի իշխանությանը: Այս դահլիճում կառավարությանն աշխատացնող մարդիկ են պետք, որևէ մեկը կասկածո՞ւմ է, որ ես, Էդիկը, Վիգենը, Արփինեն, Վահրամը այդ մարդկանց աշխատացնելու ենք մեր քննադատությամբ ու գիտելիքով: Կա՞ մեզանից ավելի պատրաստ մարդ»,- հարցադրում արեց նա:

 

lragir.am

Նմանատիպ նորություններ

«Սա արդեն պետական քաղաքականության մաս է դառնում, ո... Արմեն Աշոտյանը ֆեյսբուքյան իր էջում գրում է. «Վարչապետի ուղերձի տեքստը Ղարաբաղյան շարժման կապակցությամբ, որում կրկին փորձ է արվում միևնույն հար...
«Շատ զարմանալի բաներ են տեղի ունենում հոսանքի վճար... ԱԺ ԲՀԿ խմբակցության պատգամավոր Արմեն Աբովյանը ֆեյսբուքյան իր էջում գրել է. «Ժողովուրդ ջան, իմ անունից ևս հաստատում եմ, որ շատ զարմանալի բաներ են տ...
Ադրբեջանցին փորձում է չեչենների հետ կոնֆլիկտը ջար... ՍԱ ԷՆ ՀԱՅ ՏՂԵՆԱ, ՈՐ ՉԵՉԵՆՆԵՐԻ ԿՈՆՖԼԻԿՏԻ ՀԵՏ ԿԱՊՎԱԾ ԱՄԲՈՂՋ ՄԵՂՔԸ ՈՒԶՈՒՄ ԵՆ ՋԱՐԴԵՆ ԳԼԽԻՆ։ ԷԴ ՖԱՈՒԴ ԱԲԱՍՈՎԻ ՀԱՐՑԵՐԸ ԼՈՒԾԵՔ, ԱՍՈՒՄ ԵՆ ՕՐԵՆՔՈՎ ԴԱՏԱ ՀԱՍՆՈՒՄ...
«Դավիթ Սանասարյանի հայտարարությունը բացարձակ սուտ ... «Հետք» կայքում երեկ ««Պետական մակարդակով բիզնես են խլում». տնտեսվարողը մեղադրում է Դավիթ Սանասարյանին» վերտառությամբ հոդվածի հրապարակումից հետո Պե...
Ալիևը շարունակաբար սպառնում է Արցախին և Հայաստանին... Փաշինյանը կամ մոլորության մեջ է,կամ ինքն է ժողովրդին մոլորեցնում։ Երկու դեպքում էլ նա պետք է հեռանա։ 1988թի փետրվարի 20-ը ոսկե տառերով է գրված...
Կազմվել է պաշտոն զբաղեցնող սեռական փոքրամասնությու... «Հեղափոխությունից հետո ակտիվացել են, այսպես կոչված, «լիբերալ» գաղափարներ կրող կերպարները: Հենց նրանք են, որ փորձում են այսօր հայ ավանդական հասարակ...
Շնորհավորո՛ւմ եմ Արցախի վերածննդի օրվա առթիվ. Վահա... Սիրելի՛ հայրենակիցներ, Այսօր պատմական օր է: 31 տարի առաջ այս օրերին Ստեփանակերտի հանրահավաքները բացեցին նոր պատմական ժամանակաշրջան բոլորիս համ...
Այսօր Արցախի վերածննդի օրն է, ղարաբաղյան շարժման հ... Սիրելի հայրենակիցներ, Այսօր Արցախի վերածննդի օրն է, ղարաբաղյան շարժման հերթական տարեդարձը: Շնորհավորում եմ ձեզ: Ուղիղ մեկ տարի առաջ այս օրը Ստ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով