«Երիտասարդ բժիշկների հայկական ասոցիացիա»-ի նախաձեռնությամբ, նոյեմբերի 10-ին «Քաղաքացիական գիտակցություն» ազատական հասարակական կազմակերպության գրասենյակում, տեղի ունեցավ «Հայաստանի Հանրապետության առողջապահության համակարգի մարտահրավերները» խորագրով կլոր սեղան քննարկումը:
Միջոցառման բանախոսներն էին «Քաղաքացիական գիտակցություն» ՀԿ նախագահ Նարեկ Սամսոնյանը, բժիշկ-ուրոլոգ, առողջապահության կազմակերպիչ Գևորգ Գրիգորյանը, «Թիվ 2 բուժմիավորման» թերապիայի բաժանմունքի ղեկավար Լամարա Մանուկյանը, բ.գ.դ., պրոֆեսոր Գարիկ Աղաբեկյանը, ժողովրդագրության և առողջապահության քաղաքականության մասնագետ Գոհար Ջրբաշյանը, ԴԱՆ միության տնօրեն Սամվել Զաքարյանը: Քննարկվեցին դեղերի քաղաքականության, էթիկայի խախտումների, մարզային առողջապահության, առողջապահական ոլորտի քաղաքականության, Գարդասիլով պատվաստումներին վերաբերող հարցեր:
Կլոր սեղանին ավարտին, նախաձեռնողներն ու մասնակիցները, առաջիկայում նմանատիպ քննարկումների շարք սկսելու և առողջապահության ոլորտին վերաբերվող կոնկրետ հայտարարություններով ու առաջարկներով հանդես գալու միասին պատրաստակամություն հայտնեցին :
Ֆոտոլրագրող՝ Հայկ Կիսեբլյան
