Թուրքիան ռազմական կադրեր է պատրաստում Ղարաբաղի դեմ պատերազմի համար

Նախիջևանի տարածքում գտնվող Լեռնային ուսումնամարզական կենտրոնում հետախույզների, փրկարարների և հատուկջոկատայինների մասնակցությամբ տեղի են ունեցել լեռնային տարածքում գործելու համար նախատեսված հետախույզների պատրաստման կուրսեր:

Միջոցառմանը մասնակցել են Թուրքիայի զինված ուժերի ներկայացուցիչները, ովքեր մարզել են ադրբեջանցի հատուկջոկատայիններին և հետախույզներին:

Թուրքիայի արտաքին քաղաքականության մեջ Նախիջևանը միշտ էլ դիտարկվել է որպես ՀՀ-ի ու Իրանական Ադրբեջանի դեմ գործելու «գործիք» ու պլացդարմ` Սյունիքին սպառնալու ու հետագայում Ադրբեջանի հետ պանթուրքիստական ռազմավարության շրջանակներում միանալու համար։ Անկարան ու Բաքուն վերջերս զորավարժություններ են անցկացրել Նախիջևանում:

Թուրքիան ցանկանում է «կլանել» Նախիջևանն, այդ թվում՝ Իրանի ազդեցությունն այնտեղ զսպելու համար։ Տնտեսական, տրանսպորտային և այլ նախագծեր իրականացնելով՝ նրանք ցանկանում են Նախիջևանը դարձնել Հարավային Կովկասում սուբյեկտ, գործոն, որը կարող է այնտեղ տեղակայված զգալի ռազմական ներուժի միջոցով անընդհատ լարվածության մեջ պահել ու կենտրոնացնել ՀՀ-Նախիջևան սահմանին զգալի հայկական ուժեր, որոնք չեն կարող անհրաժեշտ պահին օգնության հասնել Արցախին, ինչպես նաև Նախիջևանի գործոնի միջոցով ժամանակ առ ժամանակ ապակայունացնել Իրանի հյուսիսը․ Թեհրանն ու Անկարան տնտեսական գործընկերներն են, սակայն հավերժ աշխարհաքաղաքական հակառակորդներ։

Ինչ վերաբերում է լեռնային պայմաններում գործելու համար նախատեսված հետախույզների և հատուկջոկատայինների մարզմանը, ապա Ադրբեջանն, օգտագործելով թուրքական, ՆԱՏՕ-ական մարզման մեթոդներն ու փորձը, պատրաստում է կադրեր, ովքեր պատերազմի դեպքում գործելու են նախիջևանյան լեռնային պայմաններում` ապակայունացնելով Սյունիքի հետ սահմանը, ինչպես նաև կենտրոնանալու են ամենակարևոր ռազմաճակատում` Արցախի ճակատում, որտեղ ռելիեֆը լեռնային է: Հնարավոր է՝ հետախույզներն ու հատուկջոկատայինները մասնակցեն ՀՀ-ն Արցախին կապող ճանապարհը «կտրելու» ու ապակայունացնելու, դիվերսիոն և այլ հատուկ գործողություններին:

ՀՀ-ն ու Արցախը պետք է հետևեն այսպիսի լուրերին ու դրանից հետևություններ անեն` ուժեղացնելով սեփական հետախուզական և հատուկջոկատային կադրերն` հնարավորության դեպքում օգտագործելով ՌԴ-ի ուսումնամարզական կենտրոնները:

Ռուսական հատուկջոկատայինները լավագույններից են համարվում աշխարհում, ու նրանց փորձը շատ կարևոր կլինի նաև հայ զինվորականների համար:

Աղբյուր՝ henaran.am

Նմանատիպ նորություններ

Հայաստանը լրջագույն վտանգների առջև, ծանր իրավիճակո... LIVEnews.am-ի եթերում Հայաստանի և Արցախի առջև ծառացած արտաքին ու ներքին մարտահրավերների վերաբերյալ իրենց կարծիքն ու մտահոգություններն են հայտնում ...
ՀՀՇ-ականները ներթափանցում են իշխանության «վերին էշ... ՀՀՇ-ականների ներթափանցումն իշխանության «վերին էշելոններ» փաստում է այն մասին, որ հեղափոխական իշխանությունը չի պատրաստվում դատապարտել իշխանության բ...
«Ալեքս հոլդինգը» նախորդ տարվա համեմատ 24.6 % պակաս... ՀՀ կառավարությանն առընթեր պետական եկամուտների կոմիտեն հրապարակել է 2018 թվականի հունվար-դեկտեմբերի արդյունքներով 1000 խոշոր հարկատուների ցանկը, որ...
«Կադրային ապաշնորհ քաղաքականությունը կքանդի այն ամ... Կադրային ապաշնորհ քաղաքականությունը կքանդի այն ամենը ինչի վրա կառուցվեց այս իշխանափոխությունը: Հիշումեք՞ մարդիկ ժամանակին խոսում էին,որ իրենք պ...
Մինչ Վարչապետը կոչ է անում ժողովրդին հարկեր վճարել... ՊԵԿ-Ը ՀՆԴԿԱԿԱՆ ԿՈՌՈՒՊՑԻԱՅԻ ՄԱՍՆԱԿԻ՞Ց Մինչ Վարչապետը կոչ է անում ժողովրդին հարկեր վճարել և ՀԴՄ կտրոններ պահանջել ՊԵԿ-ը դանդաղ բայց հաստատուն...
«Քանզի չունեմ ծանոթներ, թողնում են դրսում, իսկ 23 ... «ՊԵԿ-ի նախագահի առաջին տեղակալ Մաշադյանի 23 տարեկան տղան՝ Հարություն Մաշադյանը, ով զինվորական ծառայություն չի անցել,  նշանակվել է Երևանի կայազորի ...
Միայն փաստեր #10. Հայոց Ցեղասպանության միջազգային ... Միայն փաստեր #10. Հայոց Ցեղասպանության միջազգային ճանաչում: Տեսանյութը՝ Սերժ Սարգսյանի ոչ պաշտոնական էջից.  ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով