Արա Մինասյանի հայցն ընդդեմ Արսեն Թորոսյանի վարույթ է ընդունվել

«Սուրբ Գրիգոր Լուսավորիչ» բժշկական կենտրոնի նախկին տնօրեն Արա Մինասյանի հայցն ընդդեմ ՀՀ առողջապահության նախարարի պաշտոնակատար Արսեն Թորոսյանի, որով պահանջվում է անվավեր ճանաչել աշխատանքից ազատելու մասին նախարարի հրամանը, վարույթ է ընդունվել: Այս մասին Tert.am-ի հետ զրույցում ասաց Արա Մինասյանի ներկայացուցիչ Վահագն Գրիգորյանը:

«Մենք ազատման հրամանն ապօրինի ենք համարում, և դա ավելի վաղ վիճարկել էինք դատարանում, դատարանը վերադարձրել է մեր հայցը անհիմն պատճառաբանությամբ` պնդելով, որ պետք է նշվեր նաև ծանուցման հասցեն: Մենք համաձայն չենք դատարանի որոշման հետ, բայց խնդիրներից խուսափելու համար նշել ենք ծանուցման հասցեն և հայցը նորից ենք ներկայացրել, և այս դեպքում վարույթ է ընդունվել»,- ասաց նա:

Չնայած դրան՝ փաստաբանը նշեց, որ վերադարձի որոշումը բողոքարկել են Վերաքննիչ դատարանում, և դա սկզբունքային նշանակություն ունի: «Ինձ համար՝ որպես փաստաբան, անընդունելի է, որ դատարանը կարող է այդ պատճառաբանությամբ հայցը վերադարձնել, քանի որ ծանուցման հասցեն նշելը պարտադիր չէ»,- ասաց նա:

Նշենք, որ հայցով պահանջվում է, որ անվավեր ճանաչվի Արա Մինասյանին աշխատանքից ազատելու մասին նախարարի հրամանը, և Մինասյանը վերականգնվի նախկին պաշտոնում՝ որպես ԲԿ–ի տնօրեն:

Վահագն Գրիգորյանը, անդրադառնալով ներկայացված մեկ այլ դատական հայցին, որով Արսեն Թորոսյանից պահանջվում է հրապարակայնորեն ներողություն խնդրել և հերքել զրպարտություն հանդիսացող տեղեկությունները, ասաց, որ այդ հայցադիմումը ևս վարույթ է ընդունվել, և դատական նիստի օր է նշանակվել նոյեմբերի 19-ը:

Նմանատիպ նորություններ

2020 թվականին Հայաստանում 15-20 հազար մարդ կդառնա ... «Ժամանակ» թերթը գրում է. «2020թ. հունվարի 1-ից ուժի մեջ են մտնում ԵՏՄ շրջանակում գործող մաքսային կարգավորումները, որոնք վերաբերում են երրորդ եր...
Պետք է պատրաստ լինել, որ նման տեմպերով գալիք գարնա... Ավարտվեց ԵԱՀԿ Մինսկի խմբի համանախագահների հերթական տարածաշրջանային այցը, թեպետ այս անգամ կոչել այն տարածաշրջանային կարելի է միայն պայմանականորեն, ...
«Ոչի՛նչ և ո՛չ ոք չի կարող մեզ հետ պահել. Կրկնում ե... ԱԺ նախկին փոխնախագահ Էդուարդ Շարմազանովը ֆեյսբուքյան իր էջում գրում է. «Ոչի՛նչ և ո՛չ ոք չի կարող մեզ հետ պահել։ Կրկնում եմ, ո՛չ ոք և ոչի՛նչ։...
Կատարվել է ծննդաբերության գնի բարձրացում. գումարնե... https://www.facebook.com/ATorosyanOfficial/videos/1024581901072522/ «Կատարվել է ծննդաբերության գնի բարձրացում՝ 107 հազարից 140 հազար դրամ, ինչպես ն...
Չինովնիկները գաղտնի անդամագրվում են ՀՀԿ-ին. Սերժ Ս... «Իրատես» թերթը գրում է. «Գործադիր իշխանության մի շարք ներկայացուցիչներ՝ հիմնականում վարչության պետերի տեղակալներ, ավագ մասնագետներ եւ այլք, վերջին...
«Վերջին 10 օրերին ՀՀԿ-ին ավելի շատ են անդամագրվել,... Այսօր մամուլում տեղեկատվություն էր հայտնվել այն մասին, որ կառավարության մի շարք ներկայացուցիչներ՝ հիմնականում նախարարների տեղակալներ, վարչության պ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով