Նիկոլ Փաշինյանի եւ նրա թիմի գործողություններն ակտիվացրեցին քաղաքականություն վերադառնալուս գործընթացը. Քոչարյան

Նիկոլ Փաշինյանի եւ նրա թիմի գործողություններն, անկասկած, ակտիվացրեցին քաղաքականություն վերադառնալուս գործընթացը: Այս մասին Lenta.ru-ին տված հարցազրույցում ասել է Հայաստանի երկրորդ նախագահ Ռոբերտ Քոչարյանը՝ պատասխանելով հարցին, թե արդյոք քաղաքականություն վերադառնալու ցանկությունը կապված է նրա դեմ ներկայացված մեղադրանքների հետ:

«Դրանք զուգահեռ գործընթացներ են, բայց դրանք խթանեցին իրար: Հայաստանի իրավիճակի եւ դրա զարգացման հնարավոր տարբերակների հետ կապված անհանգստությունն արդեն դրդում էր ինձ այդ որոշմանը:

Դեռ մեծ հարց է՝ քրեական գործը ինքն իրեն առաջացավ թե երբ իշխանոևթյունները նկատեցին իմ ակտիվությունը՝ այն գնահատելով որպես քաղաքական գործընթացներին մասնակցելու ձգտում: Այստեղ հավի եւ ձվի դասական պարադոքսն է: Ես դեռ մինչ այս քրեական գործը բավական ակտիվ խորհրդակցում է մարդկանց, քաղաքական գործիչների հետ, ովքեր կիսում էին իմ անհանգստությունը»,- նկատել է Քոչարյանը:

Հարցին այն մասին՝ հնարավոր է, որ Փաշինյանի եւ նրա թիմի ոչ բարեկամական գործողություններն ինչ-որ կերպ ակտիվացրել են գործընթացը, Քոչարյանն ասել է, որ անկասկած, ակտիվացրել են:

«Հնարավոր է, ամեն ինչ մի փոքր ավելի երկար տեւեր. Ես ուզում էին մինչեւ վերջ հասկանալ, թե ի վերջո ինչ է տեղի ունենում Հայաստանում, քանի որ ապրիլյան իրադարձությունները բավական անսպասելի էին: Սովորաբար նման գործընթացները մեծ իներցիա ունեն:

Մեր ազգը զգացմունքային է, նրան հեշտ  է ինչ-որ բանով ոգեւորել, կառավարել նրա զգացմունքները, բայց թե որքանով հեռու կգնար այս գործընթացը, հարկավոր էր հասկանալ»:

Քոչարյանը նաեւ հաստատել է, որ քաղաքականություն նրա վերադարձը կայացել է.  «Անշուշտ»:

«Ես ասել եմ, որ, որոշակի բարձունք, պաշտոն զբաղեցնելու անձնական մոտիվացիան, ձգտումը ինձ մոտ շատ ավելի թույլ է, քան նրանց մոտ, ովքեր նման բարձունքի վրա չեն եղել: Ինձ համար կարեւոր է ազդել քաղաքական գործընթացների վրա, չբացառելով ինչ-որ պաշտոնների զբաղեցումը, օգնել առողջ ուժերին ճիշտ կողմնորոշվել ստեղծված իրավիճակում: Պարտականության նման մի բան, որը ես չեմ կարող անտեսել: Ես չեմ բացառում պաշտոնների զբաղեցում, բայց ավելի մեծ հաճույք կստանայի երիտասարդ եռանդուն քաղաքական գործիչներ պատրաստելով, որոնք կարղ են կառավարել երկիրը: Այս իրավիճակում, սա մեծ առավելություն է, երբ քաղաքական գործչի համար պաշտոնը ինքնանպատակ չէ: Ես բավական արդյունավետ ինձ դրսեւորել եմ ամենաբարձր պաշտոններում եւ այդ փորձը իմ մեծ առավելությունն է»,- նշել է Քոչարյանը:

Քրեական գործերին անդրադառնալով՝ Քոչարյանը նշել է, որ ներկա պահին նորություններ չկան:

«Վարչապետը դեռ օգոստոսին հայտարարեց, որ 2008 թվականի մարտի 1-ի իրադարձությունների գործով քրեական գործը լիարժեք բացահայտված է: Բայց, որքանով ինձ հայտնի է, այդ ժամանակ մահացած 10 անձանցից ոչ մեկի մասին քննչական մարմինները ոչ մի նոր բան չեն բացահայտել:

Թե ինչ նա նկատի ուներ իր հայտարարությամբ, ես չեմ կարող ասել: Չի կարելի խոսել այդ քրեական գործի բացահայտման մասին, քանի դեռ մարդկանց մահվան պատճառները չեն պարզվել»:

Քոչարյանը նաեւ նշել է, որ իր նկատմամբ հարուցված քրեական գործը կապված չէ 2008 թվականի մարտի 1-ի ժամանակ տեղի ունեցած սպանությունների հետ. «Ես մեղադրվում եմ «սահմանադրական կարգը տապալելու» մեջ: Բայց սա պատմությունը վերաշարադրելու ակնհայտ փորձ է եւ կատարվածը բոլորովին այլ լույսի ներքո ներկայացնել, իբրեւ  թե խաղաղ ցուցարարներ կային, որոնց դեմ ագրեսիվ ոստիկաններն ու զինվորականները դուրս եկան:

Իրականում նման բան չի եղել, բայց քրեական գործն ուզում են այդ սխեմայով ներկայացնել: Սա ենթադրում է շատ փաստերի կեղծում, տարբեր հարցերի պատասխանների լիարժեք բացակայություն, օրինակ, ովքեր են այն ժամանակ վիրավորվել  հարյուրից ավելի ոստիկանների, ովքեր են այրել  գրեթե 100 մեքենաներ, ովքեր են կոտրել ցուցափեղկերը, խանութներ թալանել …

Համացանցում տեսանյութ կա, որում երեւում է, որ ցուցարարների կողմից կիրառվել է մարտական ավտոմատ զենք եւ այլն. այս ամենն անհնար է վերաշարադրել:

Սակայն զարմանալի կերպով, քննությունը «չուներ» այդ տեսանյութը, չնայած իրականում, ես վստահ եմ, որ պարզապես չէին ցանկանում տեսնել այդ տեսանյութը: Այս շինծու գործի նյութերը հորինվում են, որպեսզի ամեն ինչ հարմարեցնեն մարդկանց մեղադրանքների նախապես ընտրված սխեմային, որոնց նրանք մեղավոր են «նշանակել»: Ես վստահ եմ, որ մոտ ապագայում բոլորը, ովքեր զբաղվել են դրանով, իրենք օրենքի առջեւ պատասխան կտան»:

news.am

Նմանատիպ նորություններ

90-ականների համատարած թալանն ու սեփականաշնորհումը․... Համատարած փլուզումն ու դրան զուգահեռ թալան բնորոշվող երևույթը, որի մասին խոսում են վերջին տարիներին, եղել է այն ժամանակաշրջանում, երբ խորհրդային 7...
2020 թվականին Հայաստանում 15-20 հազար մարդ կդառնա ... «Ժամանակ» թերթը գրում է. «2020թ. հունվարի 1-ից ուժի մեջ են մտնում ԵՏՄ շրջանակում գործող մաքսային կարգավորումները, որոնք վերաբերում են երրորդ եր...
Պետք է պատրաստ լինել, որ նման տեմպերով գալիք գարնա... Ավարտվեց ԵԱՀԿ Մինսկի խմբի համանախագահների հերթական տարածաշրջանային այցը, թեպետ այս անգամ կոչել այն տարածաշրջանային կարելի է միայն պայմանականորեն, ...
«Ոչի՛նչ և ո՛չ ոք չի կարող մեզ հետ պահել. Կրկնում ե... ԱԺ նախկին փոխնախագահ Էդուարդ Շարմազանովը ֆեյսբուքյան իր էջում գրում է. «Ոչի՛նչ և ո՛չ ոք չի կարող մեզ հետ պահել։ Կրկնում եմ, ո՛չ ոք և ոչի՛նչ։...
Կատարվել է ծննդաբերության գնի բարձրացում. գումարնե... https://www.facebook.com/ATorosyanOfficial/videos/1024581901072522/ «Կատարվել է ծննդաբերության գնի բարձրացում՝ 107 հազարից 140 հազար դրամ, ինչպես ն...
Չինովնիկները գաղտնի անդամագրվում են ՀՀԿ-ին. Սերժ Ս... «Իրատես» թերթը գրում է. «Գործադիր իշխանության մի շարք ներկայացուցիչներ՝ հիմնականում վարչության պետերի տեղակալներ, ավագ մասնագետներ եւ այլք, վերջին...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով