ՀՅԴ-ականը մտահոգություն ունի, որ Փաշինյանը կօրինականացնի նույնասեռ ամուսնությունները. պատգամավորը հուզվեց

Մեր երկիրը ծանր հիվանդ էր եւ Նիկոլ Փաշինյանն ու իր թիմը շատ հաջող վիրահատություն կատարեցին, բայց հետհեղափոխական շրջանում պարզվեց, որ երկրում առկա  բազմաթիվ հիմնախնդիրներ են գլուխ բարձրացրել ինֆեկցիայի տեսքով: Այս մասին, այսօր՝ հոկտեմբերի 23-ին, ԱԺ-ում հայտարարությունների ժամին նշեց ՀՅԴ խմբակցության պատգամավոր Արմենուհի Կյուրեղյանը:
«Հիմա հարց. արդյոք Փաշինյանի վիրահատական թիմը կարող է հետվիրահատական լուրջ բուժում իրականացնել: Արդյոք տեղերում բարձրացված խնդիրների լուծումը պետք է տանել տեղային անզգայնացմամբ, լայվով եթեր մտնելով, ժողովրդին հրապարակ հանելով, «դըմփ-դըմփ-հու»-ով: Արդյոք լուրջ վտանգներ եմ տեսնում արտահերթ խորհրդարանական ընտրություններից հետո ստեղծվելիք իրավիճակի համատեքստում»,-ասաց նա:
ՀՅԴ-ական պատգամավորի խոսքով, ոչ ոք չի կասկածում, որ Փաշինյանի թիմը նոր ԱԺ-ում ստանալու է մանդատների 2/3-ը, հետեւաբար սահմանադրական օրենքներ եւ Սահմանադրություն փոխելու իրավունք:
«Այս փաստը ինձ թույլ չի տալիս լռելու եւ չբարձրաձայնելու իմ մտահոգությունները:
Միակուսակցական որոշումների հնարավորությունը արդյոք չի՞ տանի այնպիսի օրենսդրական փոփոխությունների, ամրագրման, ինչպիսիք են մարիխուանայի օգտագործման օրինականացման թույլտվություն, ԼԳԲՏ-ների կողմից ամուսնական միությունների օրենսդրական հնարավորություն եւ դրանից բխող նման ընտանիքներին մանկատներից երեխաների որդեգրման հնարավորություն, Արցախի ազատագրված տարածքների հետ հանձնում՝ գրավյալ տարածքների անվան տակ, ռուսական զորամասերի ՀՀ տարածքից հանելու պահանջ, ինչպես եղավ Վրաստանում: Սրանք լուրջ մտահոգություններ են, որոնց լուծումը խոհեմ չեմ համարում հանձնել մեկ թիմի, թեկուզ Նիկոլ Փաշինյանին: Ես ուրախ կլինեի, որ իմ մտահոգությունները սխալ լինեին եւ ես ասեի՝ Նիկոլը ճիշտ էր, ես՝ սխալ:
Առաջիկա ընտրություններում քվեարկելուց առաջ մտածեք այս մտահոգությունների շուրջ ու նոր կատարեք ընտրություն»,-հայտարարեց նա:
Ի դեպ, նա իր ելույթի սկզբում հուզվեց, չկարողացավ խոսքն ավարտել, եւ նիստը վարող ԱԺ փոխնախագահ Միքայել Մելքումյանը խնդրեց նրան ելույթ ունենալ բոլորից հետո, երբ հանգիստ կլինի:
 Աղբյուրը՝ hayacq.com

Նմանատիպ նորություններ

90-ականների համատարած թալանն ու սեփականաշնորհումը․... Համատարած փլուզումն ու դրան զուգահեռ թալան բնորոշվող երևույթը, որի մասին խոսում են վերջին տարիներին, եղել է այն ժամանակաշրջանում, երբ խորհրդային 7...
2020 թվականին Հայաստանում 15-20 հազար մարդ կդառնա ... «Ժամանակ» թերթը գրում է. «2020թ. հունվարի 1-ից ուժի մեջ են մտնում ԵՏՄ շրջանակում գործող մաքսային կարգավորումները, որոնք վերաբերում են երրորդ եր...
Պետք է պատրաստ լինել, որ նման տեմպերով գալիք գարնա... Ավարտվեց ԵԱՀԿ Մինսկի խմբի համանախագահների հերթական տարածաշրջանային այցը, թեպետ այս անգամ կոչել այն տարածաշրջանային կարելի է միայն պայմանականորեն, ...
«Ոչի՛նչ և ո՛չ ոք չի կարող մեզ հետ պահել. Կրկնում ե... ԱԺ նախկին փոխնախագահ Էդուարդ Շարմազանովը ֆեյսբուքյան իր էջում գրում է. «Ոչի՛նչ և ո՛չ ոք չի կարող մեզ հետ պահել։ Կրկնում եմ, ո՛չ ոք և ոչի՛նչ։...
Կատարվել է ծննդաբերության գնի բարձրացում. գումարնե... https://www.facebook.com/ATorosyanOfficial/videos/1024581901072522/ «Կատարվել է ծննդաբերության գնի բարձրացում՝ 107 հազարից 140 հազար դրամ, ինչպես ն...
Չինովնիկները գաղտնի անդամագրվում են ՀՀԿ-ին. Սերժ Ս... «Իրատես» թերթը գրում է. «Գործադիր իշխանության մի շարք ներկայացուցիչներ՝ հիմնականում վարչության պետերի տեղակալներ, ավագ մասնագետներ եւ այլք, վերջին...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով