Ինչպես է Իրանի արտգործնախարարը ստամբուլյան եռակողմ հանդիպմանը ձևակերպել Արցախի վերաբերյալ պաշտոնական Թեհրանի դիրքորոշումը. 168.am

Հոկտեմբերի 30-ին Ստամբուլում անցկացվել է Իրանի, Ադրբեջանի և Թուրքիայի արտգործնախարարների 6-րդ եռակողմ հանդիպումը: Նախորդը տեղի էր ունեցել Բաքվում, իսկ հաջորդ հանդիպումը կայանալու է հաջորդ տարի՝ Իրանում:

Իրանի արտգործնախարարի մասնակցությամբ յուրաքանչյուր հանդիպման ժամանակ, երբ անդրադարձ է կատարվում նաև արցախյան հակամարտությանը, ադրբեջանական և թուրքական ԶԼՄ-ները սովորաբար Լեռնային Ղարաբաղին առնչվող դրույթները ձևակերպում են այնպես, ինչպես բխում է այդ երկրների շահերից: Շատ հաճախ փորձ է կատարվում ենթատեքստից կտրված ձևակերպումներն ուղղակիորեն կապել ԼՂ հակամարտության հետ: Նման մի մոտեցում էլ դրսևորվել է ստամբուլյան հանդիպման ժամանակ:

Ի՞նչ ձևակերպում է իրականանում տվել արտգործնախարար Զարիֆը:

Ստամբուլում կայացած Իրանի, Թուրքիայի և Ադրբեջանի ԱԳ նախարարների հանդիպման ընթացքում Լեռնային Ղարաբաղի հակամարտությանը մի դեպքում անդրադարձ է կատարվել նախարարների տարածած համատեղ հայտարարության մեջ, իսկ մյուս դեպքում՝ մամուլի ասուլի ժամանակ խնդրին անդրադարձել է Իրանի արտգործնախարար Մոհամմադ Ջավադ Զարիֆը:

Եվ այսպես՝ Իրանի ԱԳՆ պաշտոնական կայքում հրապարակված տեսանյութում արտգործնախարար Զարիֆը, անդրադառնալով տարածաշրջանային զարգացումներին, մասնավորապես նշել է. «Իրանը, Թուրքիան և Ադրբեջանն հաստատակամ են բարեկեցիկ դարձնելու իրենց ժողովուրդների կյանքը, նպաստելու երեք երկրների առաջընթացին, տարածաշրջանում խաղաղության հաստատմանը և հաղթահարելու առկա մարտահրավերները և երեք երկրներներն այդ մարտահրավերների նկատմամբ ունեն ընդհանուր դիրքորոշում:

Մենք հուսով ենք, որ տարածաշրջանային խնդիրները, ինչպիսիք Պաղեստինի, Եմենի և Սիրիայի ժողովուրդների խնդիրներն են, ինչպես նաև տարածաշրջանի մյուս խնդիրները խաղաղ հանգուցալուծում կստանան»:

Այնուհետև շարունակելով խոսքը՝ Զարիֆը հավելել է. «Միևնույն ժամանակ մենք մշտապես ընդգծել ենք, որ Լեռնային Ղարաբաղի հակամարտությունը պետք է լուծվի խաղաղ ճանապարհով՝ միջազգային իրավունքի և նորմերի հիման վրա, իրականում, այդ մասին անդրադարձ է կատարվել նաև նախարարների տարածած համատեղ հայտարարության մեջ»:

Ինչ վերաբերում է համատեղ հայտարարությանը, ապա այնտեղ արցախյան հակամարտությանն առնչվող դրույթը հանդիպում ենք հետևյալ ձևակերպման համատեքստում.

* Կողմերը վերահաստատում են, որ հարգում են երկրների ինքնիշխանության, տարածքային ամբողջականության, երկրների միջազգայնորեն ճանաչված սահմանների անձեռնմխելիության սկզբունքները, միևնույն ժամանակ վերահաստատում՝ հակամարտությունների խաղաղ կարգավորման և երկրների ներքին գործերին չմիջամտելու վերաբերյալ ստանձնած պարտավորությունները»:

* Այդ առնչությամբ կարևորվել է Հայաստանի և Ադրբեջանի միջև Լեռնային Ղարաբաղի հակամարտության հարցում առկա տարաձայնությունների շուտափույթ լուծումը՝ համաձայն վերոնշյալ սկզբունքների:

Եթե համեմատենք Իրանի, Թուրքիայի և Ադրբեջանի ԱԳ նախարարների հանդիպումների ժամանակ հրապարակված նախորդ համատեղ հայտարարությունները, ապա հիմնականում նմանատիպ ձևակերպումներ են տրված: Բացի այդ՝ Իրանի նախագահ Հասան Ռուհանին էլ հիմնականում հակամարտությունների վերաբերյալ նման ձևակերպումներ է տալիս:

Սովորաբար համատեղ հայտարարություններում նշվում են այնպիսի ձևակերպումներ, որոնք կբավարարեն բոլոր կողմերին, միևնույն ժամանակ կողմերից յուրաքանչյուրը հնարավորություն է ստանում յուրովի մեկնաբանել այնտեղ առկա դրույթները:

Ինչ վերաբերում է տարածքային ամբողջականության վերաբերյալ ձևակերպմանը, ապա իրանական կողմը մշտապես կարևորել է այդ սկզբունքը՝ հաշվի առնելով երկրում անջատողական վտանգը:

Թերևս ստամբուլյան հանդիպման ժամանակ հրապարակված համատեղ հայտարարության մեջ նորույթը «երկրների ներքին գործերին չմիջամտելու» մասին դրույթն էր, որն ամենայն հավանականությամբ ընդգրկվել է իրանական կողմի նախաձեռնությամբ՝ հաշվի առնելով Իրանի շուրջ տեղի ունեցող զարգացումներն ու Իսրայելի և Ադրբեջանի միջև առկա ռազմական սերտ համագործակցությունը:

 

168.am

Արմեն Իսրայելան

Նմանատիպ նորություններ

«Հայկազ Մակարյանը երևի ադրբեջանական կայքէջերից է ա... «Ինչպե՞ս կարող է նման բան լինել, ամեն հայտարարության մենք չպետք է լուրջ վերաբերվենք»,- 168.am-ի հետ զրույցում ասաց Արցախի Հանրապետության նախագահի ...
Turan գործակալության լրագրողները Հայաստան էին եկել... Երեկ հայկական բոլոր լրատվամիջոցները գրեցին, որ ադրբեջանական Turan գործակալության թղթակիցները Երևանում են, լուրը հաստատեց նաև ՀՀ ԱԳՆ մամուլի խոսնակ...
Պատիժը կրելուց հետո ադրբեջանցին ազատ է արձակվել. Ա... ԱՀ ընդհանուր իրավասության առաջին ատյանի դատարանի 09.02.2018թ.  դատավճռով  2 /երկու/ տարի ազատազրկման դատապարտված   Էլնուր Էլման օղլի  Հուսեյնզադեն...
Արցախի բնակիչներն ինձ չեն ընտրել վարչապետ, ուստի չ... Արդեն տեղեկացրել ենք, որ ՀՀ վարչապետ Նիկոլ Փաշինյանը Մոսկվայում է, որտեղ մասնակցել է ԵԱՏՄ նախագահությունը Հայաստանին անցնելուն նվիրված հանդիպմանը:...
«Հունիսին Փաշինյանն ու Ալիևը համաձայնագիր են ստորա... «Չնայած պնդումներին, որ դետալներ չեն քննարկվում, մենք հասուն մարդիկ ենք, հիանալի հասկանում ենք, որ, եթե չկա խոսակցության համար կոնկրետ առարկա, ապա...
Թունավորումներ՝ գազի ջրատաքացուցիչից արտանետված շմ... Ս.թ. հունվարի 14-ին ժամը 21:00-ի սահմաններում բնակարանի խոհանոցում տեղադրված գազի ջրատաքացուցիչից  արտանետված շմոլ գազից թունավորվել են  Ստեփանակե...
Սերժ Սարգսյանի անակնկալն ազատամարտիկներին... 168.am-ի տեղեկություններով՝ ՀՀ երրորդ նախագահ Սերժ Սարգսյանը Նոր տարվա նախաշեմին, ինչպես նախորդ տարիներին, ազատամարտիկների ընտանիքների համար ծ...
Ասյա Խաչատրյանի քրեական գործի վարույթը կարճվել է հ... ՍՏԵՓԱՆԱԿԵՐՏ, 6 հունվարի, ԱՐՑԱԽՊՐԵՍ: «Արցախպրես»-ի այս հարցադրմանն ի պատասխան՝ ԱՀ գլխավոր դատախազության հանրային կապերի բաժնի պետ Կիմ Գաբրիելյան...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով