«Իրատես» թերթը գրում է. «ԱԱԾ և ՀՔԾ պետերի գաղտնալսման հանգամանքները պարզելու համար ստեղծված ԱԺ քննիչ հանձնաժողովն արդեն իսկ միջազգային փորձագետների հետ քննարկել է այդ ձայնագրության տեխնիկական և արդարադատության խոչընդոտման խնդիրները՝ միջազգային փորձը կիրառելու տեսանկյունից։
Միջազգային փորձագետները օրինակ են բերել Վրաստանը, երբ նույնական հանձնաժողովը քննության էր առել անչափահասի սպանության գործը, և Վրաստանի գլխավոր դատախազը հրաժարական էր տվել. «Շատ երկրներում նման միջադեպերը կարող են հանգեցնել անգամ ամբողջական իշխանության հրաժարականի»,- տեսակետ են հայտնել փորձագետները։
Ի դեպ, իրավապահ մարմինների «շուրջ» տեղի ունեցող բոլոր կարգի զարգացումներից հմտորեն խուսանավող, «խաղից բացակայող» ՀՀ գլխավոր դատախազի անմիջական պատասխանատվության ներքո է բոլոր, այդ թվում՝ Քոչարյանի և Խաչատուրովի գործերի վերահսկողությունը, ինչի մասին նա ցայսօր որևէ բառ չի արտաբերել»:
Ամբողջությամբ կարող եք կարդալ թերթի այսօրվա համարում:
